26.06.2026 | 13:23
Սաֆարյանն ասել է՝ կուսակցական գործունեություն չի ծավալել, չնայած՝ ուժի ցուցակում է եղել․ ՏԵՍԱՆՅՈՒԹ
Իր 10% անդամավճարը ՀՀ-ն երկու տարի է՝ չի վճարում. ՀԱՊԿ-ում ՌԴ ներկայացուցիչ
Քաղաքականություն
26.06.2026 | 10:57
ՀԱՊԿ-ի ընդհանուր բյուջեում Հայաստանի ներդրումը կազմում է 10 տոկոս։ Այս մասին ՌԻԱ Նովոստիին ասել է կազմակերպությունում Ռուսաստանի մշտական ներկայացուցիչ Վիկտոր Վասիլևը։
«Իր 10 տոկոսը հայկական կողմը երկու տարի է՝ չի վճարում»,- հավելել է նա։
Վասիլևն ընդգծել է, որ ՀԱՊԿ բյուջեի 50 տոկոսը վճարում է Ռուսաստանը, կազմակերպության մյուս անդամների մասնաբաժինը բյուջեում կազմում է 10-ական տոկոս։ Նա նաև հայտարարել է, որ ՀԱՊԿ-ից որևէ երկրի անդամակցությունը կասեցնելու կամ հեռացնելու որոշումը կայացնում է Հավաքական անվտանգության խորհուրդը։
«Անդամակցության դադարեցման կամ հեռացնելու հարցն արդեն որոշվում է Հավաքական անվտանգության խորհրդի կողմից, այսինքն՝ նախագահների»,- ասել է Վասիլևը։
Հիշեցնենք, որ Հայաստանը սառեցրել է ՀԱՊԿ-ին իր մասնակցությունը։ ՌԴ ԱԳ նախարար Սերգեյ Լավրովն էլ ավելի վաղ հայտարարել էր, որ կազմակերպությունը կքննարկի ՀՀ-ի կողմից անդամավճարները չվճարելու համար հետևանքների հարցը։
Թարգմանությունը՝ Էմմա Չոբանյանի
