24.06.2026 | 20:37
Քննարկվել են ՎԶԵԲ-ի հետ իրականացվող ծրագրերն ու նոր նախաձեռնությունների հնարավորությունները
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
Հասարակություն
24.06.2026 | 19:34
Սուրենավան և Արմաշի բնակիչներն այս օրերին ծիրանի բերքը դուրս են բերել Երևան–Մեղրի մայրուղու երկայնք և վաճառում անմիջապես գնորդներին։ Այս տարի ծիրանի գինը տատանվում է մոտ 500-ից 1000 դրամի սահմաններում՝ կախված չափից և որակից։
Չնայած համեմատաբար ցածր գներին՝ գյուղացիների խոսքով՝ իրացման այս ձևը դարձել է հիմնական տարբերակը, քանի որ այլընտրանքները սահմանափակ են։
Գյուղացիները նշում են, որ այս տարի հրաժարվել են մեծածախ արտահանողներին հանձնել բերքը՝ պայմանավորված առաջարկվող ցածր գներով։
Նրանց խոսքով՝ արտահանման դժվարությունները և ռուսական շուկայի հետ կապված սահմանափակումները զգալիորեն ազդել են գնային քաղաքականության վրա։ Միևնույն ժամանակ, որոշ գյուղացիներ նշում են, որ բերքի սակավության պայմաններում անգամ 600 դրամի սահմաններում առաջարկվող գները որոշակիորեն ընդունելի են, սակայն դրանք չեն համեմատվում նախորդ տարիների հետ, երբ նույն ծիրանը վաճառվում էր մի քանի անգամ ավելի բարձր գնով։
Այս իրավիճակում շատերը նախընտրել են ծիրանը վաճառել տեղում՝ ճանապարհամերձ հատվածներում կամ շուկաներում՝ փորձելով հնարավորինս նվազեցնել վնասները և ապահովել եկամուտը անմիջապես վաճառքից։
Մանրամասները՝ տեսանյութում։
Նարեկ Կիրակոսյան
