03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Արցախի դրոշը կրկին տեղադրվել է Ֆրանսիայի հրապարակում
Հասարակություն
23.06.2026 | 13:44
Ֆրանսիայի հրապարակում կրկին տեղադրվել է Արցախի դրոշը։
Հիշեցնենք` Factor TV-ին հունիսի 20-ին արձանագրել էր, որ Երևանի Ֆրանսիայի հրապարակից հեռացվել է Արցախի դրոշը։
Արցախի դրոշը տեղադրվել էր 2022 թվականի ապրիլին` իշխանափոխության պահանջով փողոց դուրս եկած Դիմադրության շարժման անդամների կողմից։ Մինչ այս մի քանի միջադեպ էր տեղի ունեցել հրապարակում տեղադրված դրոշը շուրջ։
2022 թվականին ԱԺԲ անդամներն այն ներկել էին` նմանեցնելով ՀՀ դրոշին, ինչը կոնֆլիկտի պատճառ էր դարձել ԱԺԲ-ի և ՀՅԴ անդամների միջև։
Ի վերջո՝ Դաշնակցության ներկայացուցիչները ներկված դրոշը փոխարինել էին Արցախի դրոշով։
Վարչապետը Արցախի սիմվոլիկայի օգտագործումը խնդրահարույց է համարում։ Նիկոլ Փաշինյանը ԱԺ-ում ընդդիմադիրների սեղաններին դրված Արցախի դրոշը գնահատել էր որպես պատերազմի վերսկսման սպառնալիք։
«Մենք Ղարաբաղի շարժումը չպետք է շարունակենք։ Ղարաբաղի դրոշների առկայությունը մեր երկրների խորհրդարանում պատերազմի սպառնալիք է։ Ես արդեն ասել եմ այդ խոսույթները 300 հազար ադրբեջանցիների և այլն, մեք ոնց ենք փակում։ Մենք ասում ենք՝ այն էլ չկա, այն էլ չկա։ Երբ դրոշը մարդիկ դնում են այս սեղանին, իրանք դրանով բացում են, սադրում են այդ խոսակցությունը։ Ու հետո դժվար է որոշել` ով առաջինը ինչ ասաց, ով հետո ինչ ասաց», – նշել էր Փաշինյանը։
Նարեկ Կիրակոսյան
