18.06.2026 | 22:53
ԱՄՆ-ն դադարեցրել է իրանական նավահանգիստների ծովային շրջափակումը
Կրեմլում է լուծվում ՀՀ-ի ընտրությունների ճակատագիրը, ոչ՝ ՍԴ-ում․ կատարվեց 60%-40% հարաբերակցությամբ ԱԺ ունենալու խնդիրը․ Անդրիաս Ղուկասյան․ ՏԵՍԱՆՅՈՒԹ
Քաղաքականություն
18.06.2026 | 21:30
Քաղաքագետ, «Հայ կառուցողական» կուսակցության նախագահ Անդրիաս Ղուկասյանը Factor TV-ի եթերում խոսել է ԱՄՆ-Իրան, Ռուսաստան Հայաստան հարաբերությունների, ընտրությունների արդյունքների և դրանց վրա արտաքին ուժերի ազդեցության մասին։ ԱՄՆ-ի և Իրանի միջև կնքված շրջանակային համաձայնագրի իրագործման հեռանկարների մասին խոսելիս Անդրիաս Ղուկասյանը նշել է, որ դրա կյանքի կոչումը բարդ է լինելու՝ պայմանավորված Իսրայելի դիրքորոշմամբ։
«Դժվար է ասել իրագործելիությունը, որովհետև դա հակասում է Իսրայելի շահերին, իսկ Իսրայելի գործոնը կարևոր է։ Մինչ օրս տեսանք, որ Իսրայելին հաջողվում էր հետաձգել այդ համաձայնագրի ստորագրումը։ Իսրայելը ունի ինքնուրույն կարողություն՝ ռազմական կոնֆլիկտ պահպանել տարածաշրջանում առանց ԱՄՆ-ի, և դա, իհարկե, հիմա ամենամեծ ինտրիգն է», – նշել է նա։
Անդրադառնալով Հայաստանի և Ռուսաստանի միջև վերջին շրջանում նկատվող լարվածությանը՝ Ղուկասյանը այն կապել է Հայաստանի դերի հետ՝ որպես պատժամիջոցները շրջանցող տրանզիտային երկրի։
«Ինչպե՞ս են Եվրամիությունը և ԱՄՆ-ն նայում այն փաստին, որ Հայաստանը հանդիսանում է տրանզիտ պետություն բարձր տեխնոլոգիաների և կրկնակի նշանակության ապրանքների Ռուսաստանի համար։ Այսինքն՝ Եվրոպայից և ԱՄՆ-ից այդ ապրանքները ձեռք են բերվում և հետագայում Հայաստանից արտահանվում են Ռուսաստան։ Իմ կարծիքով, հասել է այն կետը, երբ որ նման գործարքները կասեցվում են Եվրամիության և ԱՄՆ-ի կողմից, և «և-և» քաղաքականությունը գալիս է ավարտին»։
Ըստ քաղաքագետի՝ Ռուսաստանի Դաշնության պատասխան քայլերը շանտաժի են նման։ «Հիմա Ռուսաստանը շանտաժ է անում Եվրամիությանը, ԱՄՆ-ին։ Այսինքն՝ իրենք ասում են՝ եթե դուք թույլ չեք տալիս Հայաստանի տարածքով բարձր տեխնոլոգիաների տրանզիտը Ռուսաստան, ուրեմն մենք էլ կարգելենք Հայաստանից առհասարակ սննդամթերքի ներմուծումը, և այնտեղ երկրում տնտեսական ճգնաժամ կլինի։ Դե գնացե՛ք, պահե՛ք դուք, միջոցներ ձեռնարկեք, ինչ-որ գումարներ հատկացրեք Հայաստանը փրկելու համար»։
Ղուկասյանի համոզմամբ, այս իրավիճակը փոխել է խաղի կանոնները. «Ռուսաստանը փոխեց բանաձևը՝ կա՛մ-կա՛մ»։
Խոսելով ընտրություններում Գագիկ Ծառուկյանի, Ռոբերտ Քոչարյանի և Սամվել Կարապետյանի գլխավորած ուժերի արդյունքների մասին՝ Ղուկասյանը պնդեց, որ նրանք հասել են իրենց նպատակին։
«Իրենց խնդիրը եղել էր 60-40 խորհրդարան, իրենք այդ խնդիրը կատարեցին։ Հիմա ընտրությունների արդյունքի ճակատագիրը Մոսկվայում է, այնտեղ պիտի վերջնական… Կրեմլում են որոշելու՝ ինչ անել»։
Հարցազրույցն ամբողջությամբ՝ տեսանյութում։
Ռոբերտ Անանյան
