Թրամփը հայտարարել է, որ «նավերը սկսում են ազատորեն շարժվել» Հորմուզի նեղուցից

ԱՄՆ նախագահ Դոնալդ Թրամփը երկուշաբթի առավոտյան հայտարարել է, որ նավերը սկսում են ազատորեն դուրս գալ Հորմուզի նեղուցից։

«Նավերը սկսում են շարժվել, դուրս գալ Հորմուզի նեղուցից, որոնցից շատերը լիքն են նավթով։ Նրանք շարժվում են Հարավային «մայրուղով», որը լիովին անվտանգ է և պաշտպանված։ Կան նաև ճանապարհորդության այլ վայրեր»,- գրել է Թրամփը Truth Social-ում։

Եղել են մի քանի, երբեմն հակասական հաղորդագրություններ նեղուցի լիարժեք վերաբացման ժամկետի վերաբերյալ։ Թրամփն ավելի վաղ հայտարարել էր, որ նեղուցը կվերաբացվի ուրբաթ՝ Շվեյցարիայում համաձայնագրի ստորագրումից հետո։

Good Morning America հաղորդմանը տված հարցազրույցում, սակայն, ԱՄՆ փոխնախագահ Ջեյ Դի Վենսն ասել է. «Մենք արդեն երեկ թվային եղանակով ստորագրել ենք համաձայնագիրը»։

Վենսը նաև հայտարարել է, որ Հորմուզի նեղուցի մշտական ​​անվճար վերաբացման վերաբերյալ քննարկումները կկարգավորվեն շարունակական «տեխնիկական բանակցությունների» ընթացքում: Իսլամական հեղափոխության պահապանների կորպուսի հետ կապեր ունեցող երկու կիսապաշտոնական իրանական գործակալություններ երկուշաբթի հայտնել էին, որ չնայած Թեհրանը թույլ կտա անվճար տարանցում 60-օրյա պատուհանի ընթացքում, որի ընթացքում տեղի կունենան հետագա բանակցություններ, սակայն նախատեսում է վճարներ սահմանել այդ ժամանակահատվածից հետո։

Միջազգային նավագնացության ոլորտը զգուշացրել է, որ «դեռևս շատ ռիսկային է համարում նավերի համար տարանցիկ տեղաշարժ սկսել» Հորմուզի նեղուցով։

Թարգմանությունը՝ Էմմա Չոբանյանի