16.08.2026 | 14:30
Վթարային ջրանջատում Երևանում
Տուլայում ուկրաինական ԱԹՍ-ների հարձակման հետևանքով 3 մարդ է զոհվել․ ավելի քան 120 ԱԹՍ է գրոհել ՌԴ 12 շրջանները
Քաղաքականություն
15.06.2026 | 14:23
Ուկրաինական անօդաչու թռչող սարքերը հարձակվել են Տուլայի մարզի վրա, զոհեր կան: Այս մասին հայտարարել է տարածաշրջանի ղեկավար Դմիտրի Միլյաևը, գրում է Meduza-ն:
Նրա խոսքով՝ հարձակման են ենթարկվել Տուլայի քաղաքային շրջանի բնակելի թաղամասերը։ Յամնի, Մասլովո, Միխալկովո և Ինշինսկի բնակավայրերում վնասվել են մասնավոր տներ։ Հարձակման հետևանքով զոհվել է երեք մարդ։ Եվս երեքը վիրավորվել է, այդ թվում՝ մեկ տարեկան երեխա, հավելել է Միլյաևը։
Բացի այդ, հաղորդվում է, որ Մոսկվայի մարզի Ռեուտով քաղաքում անօդաչու թռչող սարքի հարձակումից հետո հրդեհ է բռնկվել։ Տեղի բնակիչները հայտնել են, որ լսել են առնվազն չորս պայթյուն և ծուխ են տեսել։
Ռուսաստանի պաշտպանության նախարարությունը հայտնել է, որ ՀՕՊ ուժերը գիշերը 123 ուկրաինական անօդաչու են որսացել 12 շրջաններում, այդ թվում՝ Մոսկվայի մարզում։ Անօդաչու թռչող սարքեր են խոցվել նաև բռնակցված Ղրիմի և Ազովի ու Սև ծովերի ջրերի վրա։
Թարգմանությունը՝ Էմմա Չոբանյանի
