06.11.2026 | 17:43
«Սուրմալու» և «Փեթակ» առևտրի կենտրոններում հայտնաբերվել են կեղծված պիտանիության ժամկետով «Կինդեր» քաղցրավենիքներ
Մարկո Ռուբիոն Ռուսաստանի օրվա առթիվ շնորհավորել է ռուս ժողովրդին և վերահաստատել Ուկրաինայում խաղաղության հասնելու հանձնառությունը
Քաղաքականություն
12.06.2026 | 23:23
ԱՄՆ պետքարտուղար Մարկո Ռուբիոն Ռուսաստանի օրվա առթիվ շնորհավորել է ռուս ժողովրդին՝ հայտարարելով, որ Միացյալ Նահանգները շարունակում է աջակցել ռուսների՝ ավելի լավ ապագա կառուցելու ձգտումներին և հանձնառու է ռուս-ուկրաինական պատերազմի խաղաղ կարգավորմանը։
«Միացյալ Նահանգները շարունակում է աջակցել ռուս ժողովրդին՝ ավելի լուսավոր ապագայի իրենց ձգտումներն իրականացնելու ճանապարհին»,- նշել է պետքարտուղարը։
Ռուբիոն նաև վերահաստատել է Վաշինգտոնի պատրաստակամությունը՝ կառուցողական համագործակցության միջոցով նպաստելու Ռուսաստանի և Ուկրաինայի միջև կայուն խաղաղության հաստատմանը։
«Մենք օգտվում ենք այս հնարավորությունից՝ վերահաստատելու Ռուսաստանի Դաշնության հետ կառուցողական փոխգործակցության մեր ցանկությունը՝ Ռուսաստանի և Ուկրաինայի միջև տևական խաղաղություն հաստատելու նպատակով։ Հույս ունենք, որ խաղաղությունը կնպաստի մեր երկրների միջև ավելի փոխշահավետ հարաբերությունների ձևավորմանը»,- ասվում է հայտարարությունում։
