ԱԺ-ում հենակետ ունենալը կուժեղացնի մեր պայքարը․ մանդատ վերցնելով՝ չի դադարելու պայքարը․ Լիլիթ Գալստյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ՀՅԴ Բյուրոյի անդամ, «Հայաստան» խմբակցության պատգամավորի թեկնածու Լիլիթ Գալստյանը Factor TV-ի եթերում անդրադարձել է խորհրդարանական ընտրությունների արդյունքներին, դրանք վիճարկելու դաշինքի որոշմանը և մանդատները վերցնելու շուրջ քննարկումներին։

Ի պատասխան հարցին, թե ինչու իշխանափոխություն տեղի չունեցավ, և «Գյումրի-2 սցենարը» չիրականացավ, Գալստյանը պնդել է, որ ընտրությունները չեն անցել ժողովրդավարական և ազատ մրցակցության պայմաններում։

«Որպեսզի մեր գնահատականը օբյեկտիվ լինի, հավանաբար պետք է ընդհանրապես նայել այն քաղաքական մթնոլորտին, քաղաքական իրականությանը և իրողություններին, որոնք նախորդել են ընտրություններին և նաև բուն ընտրությունների օրը։ Հայաստանը վաղուց բռնատիրական երկիր է, բռնատիրության խորացող իրականություն և մեկ անձի ձեռքում կենտրոնացած իշխանության բոլոր ճյուղերը։ Այս իշխանությունները, որոնք Գյումրիից հետո  իրենց ընտրակեղծարարության, ցինիզմի, բռնությունների մեջ կատարելագործվեցին, որովհետև, բնականաբար, մի կողմից մենք էինք հայտարարում «Գյումրի-2»-ի հնարավորության մասին, մյուս կողմից նաև իշխանությունը գնաց մասսայական կեղծարարությունների, կատարելագործվածության և ռեկորդների իմաստով։ Բացասական իմաստով, երբեք այսպիսի ընտրություններ չեն եղել»։

Ըստ Գալստյանի՝ ողջ իրավապահ համակարգը վերածվել է իշխանության պատժիչ գործիքի, ինչն ուղիղ ազդեցություն է ունեցել ընտրական գործընթացների վրա։

Անդրադառնալով ընտրությունների արդյունքները Սահմանադրական դատարանում վիճարկելու դաշինքի որոշմանը՝ Գալստյանը հերքել է այն տեսակետները, թե դա արվում է «երեսը փրկելու» կամ պայքարի իմիտացիա ստեղծելու համար։

«Ես բացարձակապես ձեր երեք հաստատումներն էլ ուղղակի մերժում եմ։ Քաղաքականությունը ոչ միայն հնարավորի արվեստն է, այլև քաղաքական որևէ ուժ՝ պատասխանատու քաղաքական ուժ, և իր թիկունքում ընտրողների այս կամ այն զանգված ունեցող քաղաքական ուժ, պարտավոր է քաղաքական ողջ գործիքակազմը կիրառել։ Մենք պատասխանատու քաղաքական ուժ ենք, որը նոր քաղաքական մշակույթ է հաստատում Հայաստանում և ուզում է, որ ինստիտուցիոնալ իմաստով այս երկիրը կայանա»։

Խոսելով խորհրդարանական մանդատները վերցնելու կամ չվերցնելու հարցի մասին՝ Լիլիթ Գալստյանը ներկայացրել է իր անձնական տեսակետը՝ շեշտելով, որ դաշինքը դեռևս վերջնական որոշում չունի։

«Սա իմ անձնական մոտեցումն է։ Մենք դեռ վերջնական, բնականաբար, քննարկման ընթացքի մեջ ենք, բայց դեռևս վերջնական որոշում չունենք։ Իմ մոտեցումը՝ ցանկացած քաղաքական քայլ պիտի կշռվի և գնահատվի արդյունավետությամբ։ Մանդատը վերցնելը կամ չվերցնելը, խորհրդարան գնալը կամ չգնալը, ՍԴ դիմելը իր արդյունավետությամբ, նպատակահարմարությամբ և ամբողջ քաղաքական համատեքստի մեջ պետք է դիտարկվի։ Իմ մոտեցմամբ և այն համոզումն ունեմ, և ինձ համար դա էլ է էական, հակառակ շահարկումները, որ փորձում են նսեմացնել մեր՝ ընդդիմադիր քաղաքական ուժի՝ «Հայաստան» դաշինքի, անցնող հինգ տարիների խորհրդարանական գործունեությունը։ Այսօր այն պատկերն է, որ Նիկոլ Փաշինյանն ապագա խորհրդարանում ոչ միայն չունի 2/3, այլև 3/5-ը այսօր մեծագույն հարցականի տակ է։ Այդ ահռելի աշխատանքը թե՛ արտաքին ճակատում, թե՛ ներքին ճակատում և քաղաքական պուլսը անընդհատ պահելը, դա ընկած է եղել «Հայաստան» դաշինքի թե՛ խորհրդարանական աշխատանքի լծակների ծավալի մեջ, թե՛ արտախորհրդարանական։ Ես կարծում եմ՝ խորհրդարանում հենակետ ունենալը միայն ուժեղացնելու է մեր պայքարը։ Մեր պայքարը չի դադարելու, և քաղաքական պայքարի հնարավոր բոլոր ձևերն ընդունելի են մեզ համար»։

Հարցազրույցն ամբողջությամբ՝ տեսանյութում։

Ռոբերտ Անանյան