28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Վերահաշվարկի դիմումների վերաբերյալ ԸԸՀ նիստերը կմեկնարկեն այսօր՝ հունիսի 9-ին
Հասարակություն
09.06.2026 | 11:15
Հունիսի 9-ին՝ ժամը 12։00-ին, ընտրատարածքային ընտրական հանձնաժողովները նիստեր կգումարեն վերահաշվարկ իրականացնելու դիմումների և վերահաշվարկի համար վիճակահանություններ անցկացնելու օրակարգով։ ԿԸՀ-ից հայտնում են, որ վերահաշվարկի աշխատանքները պետք է մեկնարկեն նույն օրը՝ ժամը 14։00-ից, և ուղիղ կհեռարձակվեն ԿԸՀ կայքում։
«Հունիսի 9-ին ժամը 12:00-ին ԸԸՀ-ները կգումարեն նիստեր՝ վերահաշվարկ իրականացնելու դիմումների, ինչպես նաև վերահաշվարկ իրականացնելու նպատակով ԸԸՀ-ների կողմից վիճակահանություններ անցկացնելու օրակարգով: Նիստերը հեռարձակվելու են ԿԸՀ կայքում՝ ԸԸՀ նիստեր բաժնում:
Ընտրական օրենսգրքի կարգավորումների համաձայն, վերահաշվարկի աշխատանքները պետք է մեկնարկեն հունիսի 9-ի ժամը 14:00-ից: Վերահաշվարկի աշխատանքները իրականացվում են ԸԸՀ-ներում, ԿԸՀ կայքի ուղիղ հեռարձակմամբ»,- ասված է հաղորդագրությունում։
Հիշեցնենք, որ նախօրեին ԲՀԿ-ն հայտարարեց՝ պահանջելու է վերահաշվարկ, և չի բացառում նաև ընտրությունների արդյունքների բողոքարկումը։
«Միասնության թևեր»-ը ևս հայտարարել էր, որ չի ընդունում հունիսի 7-ի Ազգային ժողովի ընտրությունների պաշտոնական արդյունքները և որ նախաձեռնում է արդյունքների վերահաշվարկի գործընթաց։
