07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
10/51 ընտրատեղամասում վերջին պահին մեծ թվով զինվորներ են բերվել քվեարկության
07.06.2026 | 20:51
Նուբարաշենի «Մարզամշակութային կենտրոն» ՀՈԱԿ-ում տեղակայված 10/51 ընտրատեղամասը փակվելուց մի քանի րոպե առաջ մեծ թվով զինծառայողներ են բերվել քվեարկության։
Ընտրատեղամասի ուղիղ եթերի կադրերից հստակ երևում է առաջացած կուտակումը և հերթը. զինծառայողներն ազատ շրջում են ամբողջ քվեասենյակով։ Ավելի ուշ կադրերից երևում է, որ փորձ է կատարվել խառնաշփոթը մի փոքր կազմակերպել. զինծառայողները իրար զուգահեռ շարք են կանգնեցվել։ Ժամը 20:43-ի դրությամբ դեռևս 30-ի հասնող զինծառայող կա ներսում։
Factor TV-ն փորձեց կապ հաստատել ՊՆ մամուլի քարտուղար Արամ Թորոսյանի հետ, պարզելու, թե ինչով է պայմանավորված վերջին պահին նման մեծ թվով զինծառայողներին ընտրատեղամաս բերելու հանգամանքը, սակայն Թորոսյանը մեր զանգն անջատեց։
Ռոզա Վարդանյան
