26.07.2026 | 21:56
Խուդաթյանը շրջայց է կատարել Իրանում կառուցվող թունելում և ճանապարհի կառավարման կենտրոնում
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
07.06.2026 | 13:37
ԱԺ ընտրություններում այսօր, ժամը 11:00-ի դրությամբ, քվեարկել է 362 հազար 657 ընտրող կամ ընտրելու իրավունք ունեցողների 14,48 տոկոսը։
Սա վերջին 10 տարվա խորհրդարանական ընտրությունների ամենաբարձր ցուցանիշն է՝ ժամը 11:00-ի դրությամբ։ Երկրորդ ամենաբարձր ցուցանիշը եղել է 2017 թվականի ԱԺ ընտրություններում։
Ընդհանուր առմամբ, ընտրական ամբողջ օրվա համար քվեարկության ակտվության ցուցանիշները նախորդ 2 ընտրությունների ժամանակ եղել են 50 տոկոսից ցածր, 2017 թվականին՝ 60,86 տոկոս։
ԿԸՀ-ի ներկայացրած տվյալների համաձայն՝ ամենաակտիվը քվեարկությանը մասնակցել են Տավուշի և Սյունիքի մարզերում, համապատասխանաբար, 17,84 տոկոս և 17,55 տոկոս ցուցանիշներով։
Ամենացածր ակտիվությունը Շիրակի և Արմավիրի մարզերում է, համապատասխանաբար, 12,6 տոկոս և 12,63 տոկոս ցուցանիշներով։
Երևանում, որտեղ ամենաշատ ընտրողներն են, ակտիվությունը 14,46 տոկոս է․ գրեթե նույնքան, որքան ընդհանուր հանրապետական ցուցանիշն է։
Գարիկ Հարությունյան
