23.10.2026 | 23:07
ՏԻՄ ընտրությունների նախընտրական քարոզչությունը ավարտվում է հոկտեմբերի 23-ին՝ ժամը 24։00-ին
Առավելագույն ձայներ ստացած ընդդիմադիր ուժը իրավունք կունենա վարչապետի թեկնածու առաջադրել․ Քոչարյան․ ՏԵՍԱՆՅՈՒԹ
Քաղաքականություն
07.06.2026 | 13:06
Մենք հայտարարել ենք, որ առավելագույն ձայներ ստացած ընդդիմադիր ուժը իրավունք ունի առաջադրել վարչապետի թեկնածու։ Այս մասին ընտրատեղամասից դուրս գալու հետո հայտարարեց «Հայաստան» դաշինքի վարչապետի թեկնածու Ռոբերտ Քոչարյանը։
«Սա ակնհայտ է, սա ինձ համար նաև Սահմանադրությունից բխող հանգամանք է՝ Սահմանադրության ոգուց, տրամաբանությունից բխող է»,-նշեց նա։
Քոչարյանն անդրադարձել է նաև վերջին օրերին իր վերաբերյալ Նիկոլ Փաշինյանի հայտարարություններին։ Հունիսի 5-ի ամփոփիչ հանրահավաքի ժամանակ նա հայտարարել էր․ «Ընտրություններից հետո Ռոբերտ Քոչարյանը պետք է կալանավորվի և կանգնի դատարանի առաջ «Մարտի 1»-ի ոճրագործության համար»։
«Նայե՛ք, եթե մեր ժողովուրդը հաշտ է այդ կեղտոտ լեզվի հետ և կեղտոտ բերանի հետ, ուրեմն թող գնան ընտրեն։ Մի մարդ է, որն իր հիստերիկ դրսևորումներով ցույց է տալիս, որ ավելի շատ «սպեցպացիենտի» կարգավիճակ ինքը պետք է ունենար, ոչ թե երկրի առաջնորդի։ Ինչ վերաբերում է «Մարտի 1-ին». իրեն թվում է, թե «Մարտի 1»-ով ինքը սրբագրում է այս 5000 իր կողմից բերած զոհերը և հսկայական կորուստները։ Սա է այդ մարդու ֆոբիաների դրսևորումը։ Ես ապօրինաբար նստել եմ, արդարացվել եմ, և հիմա ժամանակն է օրինական ձևով Նիկոլ Փաշինյանի համար շատ-շատ երկար նստելու»,-ասաց նա։
Մանրամասները՝ տեսանյութում։
