07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
ՌԴ ԿԸՀ անդամները դիտորդություն կիրականացնեն ՀՀ ԱԺ ընտրությունների ժամանակ
05.06.2026 | 13:10
Հայաստանում հունիսի 7-ին կայանալիք խորհրդարանական ընտրություններին կմասնակցեն նաև դիտորդներ Ռուսաստանից։ Այս մասին տեղեկանում ենք ՌԴ կենտրոնական ընտրական հանձնաժողովի տելեգրամյան ալիքից։
ՌԴ կենտրոնական ընտրական հանձնաժողովի հաղորդմամբ՝ ընտրություններին դիտորդական առաքելության շրջանակում մասնակցելու են հանձնաժողովի անդամներ Պավել Անդրեևը և Լյուդմիլա Մարկինան, ինչպես նաև Ռուսաստանի տարբեր տարածաշրջանների ընտրական հանձնաժողովների ներկայացուցիչներ։
ՌԴ ԿԸՀ-ի տեղեկացմամբ՝ ընտրությունների ընթացքին կհետևեն նաև այլ երկրների փորձագետներ և տեղական հասարակական կազմակերպությունների ներկայացուցիչներ։
Միաժամանակ, Հայաստանի ԿԸՀ-ն հայտնել է, որ արտերկրում ծառայողական գործուղման մեջ գտնվող դիվանագիտական ներկայացուցչությունների աշխատակիցներն ու զինծառայողները մասնակցել են առցանց քվեարկությանը։
Ըստ հրապարակած տվյալների՝ այդ եղանակով քվեարկելու իրավունք ունի 537 ընտրող։ Առցանց քվեարկությունը մեկնարկել էր ընտրություններից 9 օր առաջ և տևել երեք օր։
Անի Թամրազյան
