04.06.2026 | 17:37
Ում օգտին կքվեարկեն ՀՀ քաղաքացիները, եթե ընտրությունները լինեն վաղը․ ArmES նոր հարցման տվյալները
ՌԴ ԱԳՆ-ն Հայաստանից ապրանքների ներմուծման սահմանափակումները բացատրել է բուսասանիտարական նորմերով
Քաղաքականություն
04.06.2026 | 15:18
Ռուսաստանը սահմանափակել է Հայաստանից արտադրանքի ներմուծումը բուսասանիտարական նորմերի պատճառով։ Այս մասին հայտարարել է ՌԴ արտաքին գործերի փոխնախարար Միխայիլ Գալուզինը Սանկտ Պետերբուրգի միջազգային տնտեսական ֆորումում շրջանակում, գրում է Կոմերսանտը։
«Սա մեր պրոֆիլային մարմինների որոշումն է, որը պայմանավորված է որոշակի տեսակի ապրանքներ Ռուսաստան ներմուծելու համար սահմանված բուսասանիտարական կանոնակարգերին համապատասխանելու անհրաժեշտությամբ»,- ասել է Գալուզինը։
Նա նշել է, թե պատկան մարմինները որոշելու են հայկական արտադրանքի փոխարեն համալրման հարցերը։
Հիշեցնենք, որ ՌԴ-ն մայիսի 30-ից ժամանակավոր սահմանափակումներ է մտցրել Հայաստանից Ռուսաստան ծաղիկների, թարմ լոլիկի, վարունգի, պղպեղի, կանաչ մշակաբույսերի և ելակի ներմուծման համար։ Հունիսի 2-ից Հայաստանից բալի, ծիրանի, սալորի, դեղձի, նեկտարինի և խաղողի մատակարարման սահմանափակումներն են մտցվել, իսկ հունիսի 2-ից Հայաստանը պետք է դադարեցնի կենդանի ձկան և ձկնամթերքի անասնաբուժական սերտիֆիկացումը, որոնք նախատեսված են Ռուսաստանի Դաշնություն արտահանման համար, բացառությամբ երկու ընկերության, որոնք ստուգում են անցել։
ՌԴ փոխվարչապետ Ալեքսեյ Օվերչուկը, իր հերթին, հայտարարել էր, որ Ռուսաստանի կողմից Հայաստանից արտադրանքի ներմուծման դեմ ձեռնարկվող միջոցառումները նորմալ գործընթաց են. նոր արտադրանքը պետք է ստուգվի։
Թարգմանությունը՝ Էմմա Չոբանյանի
