15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Օվերչուկը հայկական ապրանքների նկատմամբ միջոցառումները նորմալ է որակել
Քաղաքականություն
04.06.2026 | 12:02
Ռուսաստանի կողմից Հայաստանից արտադրանքի ներմուծման դեմ ձեռնարկվող միջոցառումները նորմալ գործընթաց են. նոր արտադրանքը պետք է ստուգվի։ Այս մասին ՌԻԱ Նովոստիին ասել է ՌԴ փոխվարչապետ Ալեքսեյ Օվերչուկը։
«Մենք ընդհանրապես որևէ սահմանափակում չենք դնում հայկական ներմուծման վրա։ Ընթանում է սովորական աշխատանք, ինչպես միշտ, քանի որ նոր բերքահավաք է, նոր արտադրանք է գալիս, բնականաբար, նոր զարգացումներ են առաջանում ընթացքում։ Սա միշտ պարբերաբար առաջանում է։ Մենք շարունակում ենք մեր սովորական գործերը»,- ասել է նա Պետերբուրգի տնտեսական ֆորումի շրջանակում գործակալության թղթակցի հետ զրույցում։
Օվերչուկի խոսքով՝ նոր բերքը, ի թիվս այլ բաների, ստուգվում է սպառողների համար սպառնալիքների առկայությունը ստուգելու համար։
«Մենք պետք է պաշտպանենք մեր սպառողներին Ռուսաստանում։ Նոր բերքը հասել է, և մենք պետք է նայել, թե ինչ է մեզ ուղարկվում, կա՞ն, արդյոք, վնասատուներ կամ հիվանդություններ, որոնք կարող են սպառնալիք ներկայացնել և՛ սպառողների, և՛ մեր արտադրության համար։ Ակնհայտ է, որ նրանք ինչ-որ բան են հայտնաբերել»,- նշել է պաշտոնյան։
Նա նաև հայտարարել է, որ հայկական ներմուծման դեմ նոր հնարավոր միջոցառումները կախված կլինեն նրանից՝ արդյո՞ք արտադրանքում կհայտնաբերվի հնարավոր վտանգ սպառողների համար․ «Եթե ինչ-որ բան գտնեն, ապա կլինեն [գործողություններ], իսկ եթե չգտնեն, ապա չեն անի»։
Հիշեցնենք, որ ՌԴ-ն մայիսի 30-ից ժամանակավոր սահմանափակումներ է մտցրել Հայաստանից Ռուսաստան թարմ լոլիկի, վարունգի, պղպեղի, կանաչ մշակաբույսերի և ելակի ներմուծման համար։ Հունիսի 2-ից սահմանափակումներն են մտցվել Հայաստանից բալի, ծիրանի, սալորի, դեղձի, նեկտարինի և խաղողի մատակարարման վրա։ Բացի այդ, հունիսի 2-ից Հայաստանը պետք է դադարեցնի կենդանի ձկան և ձկնամթերքի անասնաբուժական սերտիֆիկացումը, որոնք նախատեսված են Ռուսաստանի Դաշնություն արտահանման համար հայկական բոլոր ընկերություններից՝ բացառությամբ երկուսի, որոնք ստուգում են անցել։
Թարգմանությունը՝ Էմմա Չոբանյանի
