24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
Ագրեսիվ փոխհատուցում ենք տալու ԵՄ ապրանք արտահանող տնտեսվարողներին. Գևորգ Պապոյան․ ՏԵՍԱՆՅՈՒԹ
Տնտեսություն
01.06.2026 | 16:19
«Աշխատանքային հարցեր են, տեխնիկական, մեծ հաշվով մեծ խնդիր չկա»,- լրագրողների հետ զրույցում ասաց էկոնոմիկայի նախարար Գևորգ Պապոյանը՝ անդրադառնալով վերջին օրերին ՌԴ-ի կողմից մի շարք ապրանքների ներմուծման սահմանափակումներին․ «Բայց զուգահեռ դրան, այսօր արդեն Էկոնոմիկայի նախարարությունը մի քանի ծրագրեր է ներկայացրել Եվրոպական միություն, Մերձավոր Արևելք արտահանման աջակցման, այսինքն՝ տրանսպորտային ծախսերի փոխհատուցում, մաքսատուրքի փոխհատուցում, երբեմն նաև IT-ի հետ կապված ծախսերի փոխհատուցում։ Ճիշտ է՝ Եվրոպական միության արտահանումը կրկնապատկվել է, բայց էլ ավելի ագրեսիվ ենք և նպատակ ունենք քառապատկենք, հնգապատկենք մինչև տարեվերջ։ Ե՛վ պտուղ-բանջարեղեն, և՛ մշակող արդյունաբերության արտադրանք, այսինքն՝ ամեն ինչ»։
Անդրադառնալով այն հարցին թե որն էր ՌԴ-կ կողմից նման սահմանափակումների պատճառը, Պապոյանը նշեց՝ խնդիրը շատ տեխնիկական է և հասցեատերն Էկոնոմիկայի նախարարությունը չէ։
«Սննդամթերքի անվտանգության տեսչական մարմինն է իր կոլեգա մարմնի՝ Ռոսսելխոզնադզորի հետ։ Բայց ընդհանուր առմամբ, նաև իմ տեղակալը եղել է վերջերս Ռուսաստանում և հանդիպել է ռուսաստանցի գործընկերների հետ։ Մթնոլորտը շատ դրական է, և բոլոր կողմերը հակված են խնդրին լուծում տալ, և ես կարծում եմ, որ ընտրություններից հետո շատ արագ այս հարցերին լուծում կտանք»,- ասաց նա։
Մանրամասները՝ տեսանյութում։
