05.10.2026 | 12:20
Մեսիի հրաժեշտի հանդիպման տոմսերը սպառվել են 4 րոպեում
Տեղամասային կենտրոնի փոփոխություն՝ օնլայն դիմումով․ ԿԸՀ-ի պարզաբանումը
24.05.2026 | 15:50
Ես ցանկանում եմ փոխել իմ տեղամասային կենտրոնը, որպեսզի կարողանամ քվեարկության օրը քվեարկել, քանի որ քվեարկության օրը ես գտնվելու եմ Երևան քաղաքում, իսկ իմ հաշվառման վայրը Վայոց ձորի մարզում է։ Այս մասին տեսանյութ է հրապարակել Կենտրոնական ընտրական հանձնաժողովը՝ հանձնաժողովի քարտուղար Արմեն Սմբատյանը։
«Ի՞նչ եմ անում դրա համար. մտնում եմ Կենտրոնական ընտրական հանձնաժողովի կայք, այնտեղ ընտրում եմ «Ազգային ժողովի ընտրություններ» բաժինը, գտնում եմ «Էլեկտրոնային ձևաթղթեր» բաժինը և գտնում եմ ըստ հաշվառման վայրի ընտրողների ցուցակի ձևաթուղթը։ Ներբեռնում եմ ձևաթուղթը։
Ձևաթուղթը ներբեռնելուց հետո լրացնում եմ իմ ազգանունը, անունը, հայրանունը, ծննդյան օրը, ամիսը, տարեթիվը, անձը հաստատող փաստաթղթի տվյալները։ Հայաստանի Հանրապետության քաղաքացի եմ, թե ոչ, լրացնում եմ իմ հաշվառման վայրի հասցեն, որովհետև նշում եմ, որ ես ունեմ հաշվառում, և դրանից հետո ընդամենը նշում եմ, որ հաշվառում ունեցող ընտրող եմ և ցանկանում եմ փոխել իմ տեղամասային կենտրոնը։ Եվ ընդամենը լրացնում եմ այնուհետև, թե որ տեղամասում եմ ցանկանում քվեարկել, դիցուք՝ 9/48։
Մնում է ինձ միայն գրել անուն-ազգանունը ներքևում՝ որպես դիմորդ։ Դիմումը պատրաստ է»,-նշել է նա։
Մանրամասները՝ տեսանյութում։
