11.06.2026 | 22:34
Ո՞ւմ օգտին են փոխվում թվերը․ վաղը կավարտվի ընտրությունների արդյունքների վերահաշվարկը. ՏԵՍԱՆՅՈՒԹ
«Բոլորին դեմ եմ»-ը թան ու մածուն է բաժանել ընդդեմ «ատելության թույնի»․ ՏԵՍԱՆՅՈՒԹ
Հասարակություն
20.05.2026 | 15:55
«Բոլորին դեմ եմ» կուսակցության անդամ Իշխան Գևորգյանը ֆեյսբուքյան ուղիղ եթերում հայտնել է, որ Արաբկիրում իրականացրել են խորհրդանշական ակցիա՝ քաղաքացիներին թան ու մածուն բաժանելով՝ «ատելության թույնի» դեմ պայքարի նպատակով։
«Երեկ Արաբկիրում թույնը վխտում էր, ատելության խոսքի մակարդակը կտրուկ բարձրացել էր։ Հին մեթոդներով մարդկանց մածուն ու կաթնամթերք ենք բաժանում, որ մեջներից թույնը դուրս գա, չտանջվեն։ Երեկ այգում եղե՞լ եք․ այստեղ ատելության թույն է տարածվել, դրա համար պետք է մեր պապերի նման թան-մածուն խմենք, որ հոգիներս մաքրվեն»,- նշել է կուսակցության անդամը։
Հիշեցնենք, որ հունիսի 18-ին Արաբկիրում քարոզարշավ իրականացնող Նիկոլ Փաշինյանի և մի կնոջ միջև տեղի է ունեցել միջադեպ, որը հանրային լայն արձագանք էր ստացել։ Ավելի ուշ կնոջ դուստր՝ փաստաբան Տաթևիկ Սողոյանն է անդրադարձել միջադեպին։
Հայաստանում հունիսի 7-ին սպասվում են խորհրդարանական ընտրություններ, որին մասնակցում է 19 քաղաքական ուժ, 17 կուսակցություն և 2 դաշինք։ Մայիսի 8-ին մեկնարկած նախընտրական քարոզարշավը կշարունակվի մինչև հունիսի 5-ը։ Հունիսի 6-ը կլինի լռության օր։
