«Համբալով» են իրար դիմում, և հավակնում վարչապետ դառնալ․ գիտե՞ն խուլիգանական բառապաշարը որտեղից է, «կզացնել» ինչ է․ Գուրգեն Սիմոնյան. ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

«Հայաստանի շնորհապետական կուսակցության» նախագահ, վարչապետի թեկնածու Գուրգեն Սիմոնյանը Factor TV-ի եթերում ներկայացրել է իր քաղաքական ուժի տեսլականը՝ խիստ քննադատելով ներկա և նախկին իշխանություններին, անդրադարձել Արցախի թեմայով հանրային բանավեճին և առաջարկել Հայաստանի զարգացման իրենց բանաձևերը՝ սկսած լյուստրացիայից մինչև արտաքին քաղաքականության կտրուկ վերակողմնորոշում։

Հարցազրույցի սկզբում, անդրադառնալով ներքաղաքական դաշտում տիրող լարվածությանը և բանավեճի մակարդակին, Գուրգեն Սիմոնյանը նշել է. «Ես համարում եմ, որ խիստ մտահոգիչ է նման ցածր որակի քաղաքական գործիչներ կան ու հավակնում են կրկին վերարտադրվել կամ դառնալ վարչապետ։ Իրար «համբալներով» են դիմում։ Նախ այդ խուլիգանական բառապաշարը, որ արտահայտում են, իրենք գիտե՞ն դրա ծագումը որտեղից է գալիս, կամ գիտե՞ն «կզացնել» բառը ինչ է նշանակում»։

Նա քննադատել է նաև լրատվամիջոցներին, որոնք, նրա խոսքով, հնարավորություն են ընձեռում գործող իշխանություններին և «կոլաբորացիոնիստ ընդդիմությանը» վերարտադրվելու համար՝ «պղտոր ջրում ձուկ որսալով»։ Մեկնաբանելով վարչապետի և Արթուր Օսիպյանի միջև տեղի ունեցած միջադեպը՝ Սիմոնյանը նշել է.

«Արթուր Օսիպյանը հայրենասեր անձնավորություն է։ Իմ տեղեկություններով՝ Շուշիի բանտում կտտանքների են ենթարկել, մահվան սպառնալիք են հնչեցրել, բայց այդ անձնավորությունը ռուս, այդ չակերտավոր ասած, բռնազավթիչների դեմ է գնացել, թուրքերի դեմ է գնացել։ Երկրի ղեկավարն էլ կարող էր զգուշացնել, ասել՝ եթե այդ ժեստիկուլյացիաներով, այդ ոճով պետք է ինձ հետ խոսես, դադարեցնում եմ հնարավորությունն ինձ հետ խոսելու։ Ու եթե կշարունակեր, շուռ էր գալի, գնում էր ընդամենը։ Ինչ է նշանակում՝ ռադդ քաշի, համբալ»։

Արձագանքելով վարչապետի հայտարարություններին, թե ինքը չի հանձնել Արցախը, Սիմոնյանն ասել է. «Միայն այն փաստը, որ ասում է՝ «դուք եք փախել, ես չեմ հանձնել», արդեն նշանակում է, որ ինքն է հանձնել, որովհետև չի կարելի նման կերպ խոսել քաղաքացիների հետ»։

Ներկայացնելով իրենց կուսակցության այլընտրանքը՝ Գուրգեն Սիմոնյանը թվարկել է մի քանի առանցքային ուղղություններ.

Ինստիտուցիոնալ ժողովրդավարություն. «Հայաստանի Հանրապետությունում ժողովրդավարությունը պետք է լինի ինստիտուցիոնալ, որ ռուպորով ինչ-որ մեկը չֆռռա, ասի՝ տարեք սրան ու տանեն»։

Եվրոպական ինտեգրում. «Մենք խոստանում ենք, որ Եվրամիությանն ասոցացման հայտ պետք է ներկայացնենք և իրականացնենք այդ գործընթացի մեկնարկը Հայաստանի Հանրապետությունում»։

Անվտանգային նոր ճարտարապետություն. «Մենք պետք է դուրս գանք ՀԱՊԿ-ից, պետք է ձգտենք երկկողմանի ռազմաքաղաքական դաշինքների՝ Հայաստան-Ֆրանսիա, Հայաստան-Մեծ Բրիտանիա, Հայաստանի-Միացյալ Նահանգներ։ Այդ խճանկարը կարելի է հարստացնել մի քանի եռաթև կամ բազմակողմ դաշինքներով, օրինակ՝ Հայաստան-Հունաստան-Կիպրոս, Հայաստան-Մերձբալթյան երկրներ-Սկանդինավյան երկրներ, համագործակցություն Ուկրաինայի հետ»։

Հրաժարում հետխորհրդային կառույցներից. «Մենք պետք է դուրս գանք ՀԱՊԿ-ից, ԵԱՏՄ-ից և ԱՊՀ-ից։ Որովհետև եթե դու շարունակում ես մնալ ԱՊՀ-ում, դու քո ինքնիշխանությունը կասկածի տակ ես դնում։ Եթե շարունակում ես մնալ ԵԱՏՄ-ում, դու փլուզվող տնտեսության մաս ես դառնալու»։

Որպես քաղաքական դաշտի առողջացման կարևորագույն գործիք՝ Գուրգեն Սիմոնյանը նշել է լյուստրացիայի անհրաժեշտությունը։

«Լյուստրացիան, եթե դու չես իրականացնում, դու ժողովրդին տալիս ես, թողնում ես կեղծ ընտրանքների դաշտում։ Լյուստրացիան ոչ թե Լինչի դատաստանի մասին է, լյուստրացիան մաքրելու մասին է, որ հաջորդ անգամ պասիվ ընտրական իրավունքից որոշ անուն-ազգանուններ և ուժեր չօգտվեն, որ նորից էլի չտեսնեք ընտրացուցակներում «Ռոբերտ Քոչարյան» դաշինք, կամ Նիկոլ Փաշինյանի ՔՊ չտեսնեք, Դաշնակցություն չտեսնեք։ Հոգնել ենք։ Լյուստրացիան իրավաքաղաքական գործընթաց է, և դա բոլոր պետություններն անցնում են բռնազավթումից հետո, որ առողջանան, նորմալ երկիր դարձնեն»։

Նրա խոսքով, լյուստրացիան պետք է իրականացնի ԱԺ-ում ստեղծված ժամանակավոր հանձնաժողովը՝ ներգրավելով անկողմնակալ իրավաբանների, փաստաբանների և արտերկրից եկած մասնագետների։

Հարցազրույցն ամբողջությամբ՝ տեսանյութում։