16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
362 մլն դրամ եկամուտ 1 տարում․ ինչ ունեցվածք է հայտարարագրել «Բոլորին դեմ եմ»-ի առաջին համարը
15.05.2026 | 18:30
Առաջիկա խորհրդարանական ընտրությունների մասնակից ուժերի ներկայացուցիչները Կենտրոնական ընտրական հանձնաժողով են ներկայացրել իրենց գույքի և եկամուտների հայտարարագրերը՝ 2026-ի ապրիլի 1-ի դրությամբ։ Factor.am-ն ուսումնասիրել է դրանք և առանձնացրել է քաղաքական ուժերի ցուցակների առաջին թեկնածուների ունեցվածքը։
«Բոլորին դեմ եմ» ժողովրդավարական կուսակցության ցուցակի առաջին համար Սպարտակ Կյուրեղյանն անցած 1 տարում ունեցել է 362․5 մլն դրամ եկամուտ, այդ թվում՝ աշխատավարձեր «Բուտեխ» ՓԲԸ-ից՝ 8,540 դրամ, «Այբբենգիմ» ՓԲԸ-ից՝ 11,616 դրամ, «Թի Էյ Բիզնես Կենտրոն» ՍՊԸ-ից՝ 11․5 մլն դրամ, «Զելըս» ՓԲԸ-ից՝ 9․3մլն դրամ, «Գոյա» ՓԲԸ-ի՝ 1․4 մլն դրամ, նաև «Այբբենգիմ» ՓԲԸ-ի բաժնետոմսերի վաճառքից՝ 288․2 մլն դրամ, «Զելըս» ՓԲԸ բաժնետոմսերի վաճառքից՝ 52 մլն դրամ։
Կյուրեղյանը հայտարարագրել է 102 մլն դրամ և 37 հազար դոլար դրամական միջոցներ։ Նա ունի «Այբբենգիմ Գույք» ՓԲԸ-ի, «Բալիստիք» ՓԲԸ-ի, Բուտեխ ՓԲԸ-ի բաժնեմասեր, «Ա 3 ՍՊԸ ֆոնդում»՝ 10 % մաս։
Կյուրեղյանն ունի 2 բնակարան (37․3 քմ և 53․49 քմ, հեղ․՝ գտնվելու վայրերը նշված չեն), կառուցվող շենքում բնակարանի գնման իրավունք (106 քմ) և ավտոկայանատեղի։ Կյուրեղյանը հայտարարագրել է նաև ավտոմեքենա՝ Tesla Model Y (2020 թ-ի արտադրության)։
Գայանե Խաչատրյան
