06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
ԱԺ արտահերթ նիստում մի շարք օրենքներ են ընդունվել
Հասարակություն
11.05.2026 | 19:50
Ազգային ժողովն այսօր արտահերթի նիստի ընթացքում ընդունել է կառավարության և ՔՊ կուսակցության պատգամավորների հեղինակած մի շարք նախագծեր։
Ընդունվել են՝
- ««Բաժնետիրական ընկերությունների մասին» օրենքում փոփոխություն և լրացումներ կատարելու մասին» օրենքի նախագիծը,
- «Դիվանագիտական ծառայության մասին» օրենքի նախագիծը,
- «Էներգետիկայի մասին», «Լիցենզավորման մասին» և «Պետական տուրքի մասին» օրենքներում լրացումներ և փոփոխություններ նախատեսող օրենսդրական փաթեթը,
- «Անձը հաստատող փաստաթղթի մասին» և կից ներկայացված օրինագծերի փաթեթը,
- ««Զինվորական ծառայության և զինծառայողի կարգավիճակի մասին» օրենքում լրացումներ և փոփոխություններ կատարելու մասին» և կից ներկայացված օրենքների նախագծերի փաթեթը։
ԱԺ պատգամավոր Հայկ Սարգսյանի հեղինակած «Հայաստանի Հանրապետության քրեական օրենսգրքում փոփոխություններ և լրացումներ կատարելու մասին» օրենքի նախագիծը թեև այսօր քննարկվել է պետական-իրավական հարցերի մշտական հանձնաժողովի նիստին, սակայն ԱԺ նիստի օրակարգում չի ընդգրկվել։
Այն վերաբերում էր թմրամիջոցների ապօրինի շրջանառության պատիժների խստացմանը։
