14.03.2026 | 12:34
Մեր դե՞մ եք քվեարկելու, ասում են` ՌԴ-ի հայերը մեր դեմ են քվեարկելու. Փաշինյանը Սիսիան է գնացել․ ՏԵՍԱՆՅՈՒԹ
Երևանի տարածքում կկառուցվի հանրապետությունում ամենաէժան ջերմակայանը. Գարեգին Բաղրամյան
Տնտեսություն
21.11.2018 | 12:54
ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը այսօր հրավիրված մամուլի ասուլիսի ժամանակ հայտնեց, որ բարձր օգտակար գործողության գործակցով նոր կայան է կառուցվելու Երևանի տարածքում, համաձայնագիրն արդեն ստորագրվել է և այսօրվա գներով ամենաէժան ջերմակայանը կլինի հանրապետությունում։
Կայանի կառուցման ընթացքը կտևի շուրջ 26 ամիս, շինարարությանը կներգրավվի 1000-1200 աշխատող, այնուհետև 250 աշխատող կունենա էներգաբլոկը:
Անդրադառնալով Երևան ՋԷԿ-ի վերազինման աշխատանքներին՝ նախարարի պաշտոնակատարը նշեց, որ աշխատանքներն ավարտվել են նոր տեխնոլոգիա է ներդրվել, այսինքն՝ փոխարինվել է գազատուրբինը նոր տուրբինով, որի ՕԳԳ-ն ավելի բարձր է և ՋԵԿ-ը ներկայումս աշխատում է շուրջ 14-15 մեգավատով ավելի բարձր հզորությամբ:
Գարեգին Բաղրամյանը նաև նշեց, որ մեծ տեմպերով շարունակվում են ատոմակայանի կյանքի երկարաձգման աշխատանքները, մի քանի օրից նոր տուրբինը կգործարկենք և արդյունքում ատոմակայանում կունենանք ևս 20 մեգավատ հզորության ավելացում կոնկրետ այդ սարքավորումներով:
«Ատոմակայանն իր աշխատանքների ավարտին կունենա 10 տոկոս հզորության ավելացում»,- ասաց Բաղրամյանը։
Տեսանյութը՝ շուտով։
