Սամվել Կարապետյանը ճգնաժամային իրավիճակներ կառավարելու բացառիկ հմտություններ ունի․ նա միայնակ չի լինի կառավարությունում․ Էդգար Ղազարյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Քաղաքական գործիչ, «Ուժեղ Հայաստան» դաշինքի պատգամավորության թեկնածու Էդգար Ղազարյանը վստահ է՝ գործարար Սամվել Կարապետյանի գլխավորած քաղաքական ուժին կհաջողվի իշխանափոխություն իրականացնել ընտրությունների միջոցով։ Factor TV-ի հետ զրույցում Ղազարյանը նշել է, որ միացել է այս դաշինքին, քանի որ այն համարում է ընդդիմադիր դաշտի «ամենաազդեցիկ միավորը, որը ձևավորել է հանրային լայն կոնսոլիդացիա»։ Նա նաև անդրադարձել է դաշինքի ներկայացուցիչներին առնչվող ընտրակաշառքի գործին՝ այն որակելով «քաղաքական հետապնդման կլասիկ դրսևորում»։

Ղազարյանը, որը Նիկոլ Փաշինյանին իմփիչմենթի ենթարկելու նախաձեռնության հեղինակներից էր, պնդում է, որ այդ գործընթացը դեռևս իրատեսական է։ Նրա խոսքով՝ վարչապետին անվստահություն հայտնելու իրավական հնարավորությունները չեն սպառվել։

«Վարչապետին հիմա էլ, այսօր էլ կարելի է անվստահություն հայտնել, և ես հույս ունեմ, որ Ազգային ժողովում, ի վերջո, այդ համոզմունքին կգան։ Դա կարելի է անել նույնիսկ ընտրությունից հետո, որովհետև ընտրությունից հետո դեռ մինչև օգոստոսի 2-ը Նիկոլ Փաշինյանը պաշտոնավարման հնարավորություն ունի՝ անկախ ընտրությունների արդյունքներից»։

Անդրադառնալով Սամվել Կարապետյանի՝ որպես քաղաքական գործչի փորձառությանը, Ղազարյանը նշել է, որ քաղաքականությամբ զբաղվելու համար պարտադիր չէ ողջ կյանքում լինել այդ դաշտում։ Նրա համոզմամբ՝ Կարապետյանի հաջողությունների պատմությունը և ճգնաժամային կառավարման ունակությունները վկայում են նրա արդյունավետության մասին։

«Նա ճգնաժամային իրավիճակներ կառավարելու բացառիկ հմտություններ և ունակություններ ունի։ Երկիր ղեկավարելը ոչ ոք մենակ չի անում, դրա համար ամեն մարդ ձևավորում է թիմ։ Կառավարությունը կոլեգիալ մարմին է։ Քաղաքական գործունեության համար պետք է ժողովրդի վստահություն, հարգանք սեփական արժեքների, սեփական ժողովրդի, պետության նկատմամբ և կարողություն՝ այդ մարդկանց կյանքը փոփոխելու։ Այդ Սամվել Կարապետյանն այն մարդն է, որ ամենամեծ հակվածությունն ունի կատարելու փոփոխություններ մեր կյանքում, այսինքն՝ այս ծանր, ճգնաժամային իրավիճակից մեզ դուրս բերելու»։

Խոսելով «Ուժեղ Հայաստան»-ի ներկայացուցիչներին առնչվող ընտրակաշառքի ենթադրյալ դեպքերի մասին՝ Ղազարյանը կասկածի տակ է դրել գաղտնալսումների օրինականությունը և մեղադրանքների հիմնավորվածությունը։

«Եթե ապօրինի են գաղտնալսել, ի՞նչ ԵՄ գնալ։ Դա հանցագործություն է։ Իսկ եթե օրինական են գաղտնալսել, հետաքրքիր է՝ իրավապահ մարմինները մենակ «Ուժեղ Հայաստան»-ի ներկայացուցիչների համա՞ր են գաղտնալսման հայտ տվել դատարան, թե՞ ասենք նաև դիմել են, որ գաղտնալսեն Արմավիրի մարզպետի և համայնքի ղեկավարների խոսակցությունը»։

Նա պնդում է, որ իրավական տեսանկյունից ընտրակաշառքի մասին խոսք լինել չի կաարող, քանի որ «Ուժեղ Հայաստանը» դեռևս գրանցված ընտրական սուբյեկտ չէ։

«Ընտրակաշառքը ո՞րն է։ Որ դու դրանով ազդես կոնկրետ մարդու կամքի վրա, որը իր կամքին հակառակ կատարի այլ ընտրություն։ Առայժմ գոյություն չունի ընտրական սուբյեկտը, որի օգտին ենթադրյալ կաշառք տալով պետք է մարդը ընտրի։ Սա քաղաքական հետապնդման կլասիկ դրսևորում է։ Հայտարարեցինք, որ կիրակի օրը Արտաշատի գրասենյակի բացումն է, ուրբաթ օրը Արտաշատի գրասենյակի աշխատողներին բռնեցին»։

Հարցազրույցն ամբողջությամբ՝ տեսանյութում։

Ռոբերտ Անանյան