24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ադրբեջանական կրակոցների արդյունքում Չինարիում անասնապահական ֆերման ամբողջությամբ այրվել է
22.07.2017 | 18:42
Ադրբեջանական զինուժը հուլիսի 20-ին ժամը 8:00-19:00 կրակել է Չինարի համայնքի ուղղությամբ , թիրախավորել են նաև դաշտում աշխատող կոմբայնը։ Այս մասին Factor.am-ի հետ զրույցում տեղեկացրեց համայնքի ղեկավար Սամվել Սաղոյանը:
Ըստ գյուղապետի՝ ամեն տարի այս ժամանակահատվածում, երբ գյուղացիները սկսում են ցորենը հնձել, հակառակորդը փորձում է խոչընդոտել` անկանոն կրակ բացելով գյուղի և դաշտերի ուղղությամբ: Գնդակոծության հետևանքով գյուղը կրել է զգալի նյութական վնասներ:
«60 մետր երկարությամբ 12 մետր լայնությամբ մի ֆերմա ամբողջությամբ այրվել է, պատկանում էր Տիգրան Վանյան անունով ֆերմերի: Վնասվել են մի քանի տուն, մանկապարտեզի տանիքը: Ընդհանուր առմամբ գյուղը կրել է 12-13 մլն դրամի չափով վնաս»,- նշեց Սաղոյանը:
Համայնքի ղեկավարը տեղեկացրեց, որ կրակոցներ հնչել են նաև երեկ: Այսօր, սակայն, իրավիճակը գյուղում հանգիստ է:
Շողիկ Գալստյան
