07.08.2026 | 13:50
«Ծաղկաձորում մարզվելը հիանալի է»․ Արման Ծառուկյան
Պլանավորված էր․ երեք երիտասարդ «Nissan»-ով գալիս են, որպեսզի ավտոբուսում հարց լուծեն․ Քոչարյան․ ՏԵՍԱՆՅՈՒԹ
Հասարակություն
14.04.2026 | 13:25
ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, խորհրդարանի նիստում անդրադառնալով օրերս ավտոբուսում տեղի ունեցած միջադեպին, նշեց, որ դրա արագ բացահայտումը կարևոր էր, սակայն ընդգծեց՝ նման դեպքերը պատահական չեն։
«Երեք երիտասարդներ «Nissan»-ով գալիս են, որպեսզի ավտոբուսում հարց լուծեն։ Դա պատահական չի, դա պլանավորված գործողություն է, և համարենք, որ ինչքան ընտրությունները մոտենան, այդպիսի պրովոկացիոն գործողությունները շատանալու են»,- ընդգծեց ՔՊ-ական պատգամավորը։
Նա հիշեց նաև Մարտի 1-ի իրադարձությունները՝ նշելով, որ նախկինում ևս գործել են խմբեր, որոնք կազմակերպված ձևով են ի հայտ եկել, և այսօր էլ նման ուժերի առկայությունը չի բացառվում։
Հիշեցնենք՝ թիվ 74 երթուղին սպասարկող ավտոբուսում ապրիլի 8-ին վիճաբանություն է տեղի ունեցել, որը վերածվել է վարորդի վրա հարձակման միջադեպի։
Ավտոբուսում երկու ուղևոր վիճաբանել են ուղեվարձը չվճարելու համար։ Վիճաբանությանը միջամտել է վարորդը՝ հորդորելով դադարեցնել այն և նշել, որ հանրային տրանսպորտը կռվի վայր չէ։ Ավտոբուսում միջադեպից որոշ ժամանակ անց վեճի մասնակից ուղևորը մի քանի անձանց հետ գտել է տվյալ ավտոբուսը, կանգնեցրել այն, իջեցրել վարորդին ու ծեծի ենթարկել։ Վարորդը վնասվածքներով տեղափոխվել է հիվանդանոց։ Նախաձեռնվել է քրեական վարույթ։
Մանրամասները՝ տեսանյութում։
