05.10.2026 | 14:27
«Քըխ» նախկինների ավանդույթները շարունակվում են, ավելի նոր ու հրեշավոր կերպարանք են ստացել․ Խամոյան․ ՏԵՍԱՆՅՈՒԹ
Ուղեվարձը չվճարելու վեճը վերածվել է բռնության․ վարորդը հարձակման է ենթարկվել ու հիվանդանոց տեղափոխվել
Հասարակություն
13.04.2026 | 18:00
Երևանում թիվ 74 երթուղին սպասարկող ավտոբուսում ապրիլի 8-ին վիճաբանություն է տեղի ունեցել, որը վերածվել է վարորդի վրա հարձակման միջադեպի։
«Երևանի ավոտոբուս» ՓԲԸ-ի խոսնակ Գեղամ Ասատրյանը, Factor TV-ի հարցին ի պատասխան, հայտնեց, որ միջադեպը սկսվել է ավտոբուսի ներսում՝ երկու ուղևորների միջև առաջացած վեճից։ Նրանք վիճաբանել են ուղեվարձը չվճարելու համար։
«Վիճաբանությանը միջամտել է վարորդը՝ հորդորելով դադարեցնել այն և նշել, որ հանրային տրանսպորտը կռվի վայր չէ»,- ընդգծեց խոսնակը։
Ասատրյանի խոսքով՝ որոշ ժամանակ անց վեճի մասնակից ուղևորը մի քանի անձանց հետ գտել է տվյալ ավտոբուսը, կանգնեցրել այն, իջեցրել վարորդին ու ծեծի ենթարկել։ Վարորդը վնասվածքներով տեղափոխվել է հիվանդանոց։ Նա հանցագործության մասին հաղորդում է ներկայացրել։
ՆԳՆ-ից Factor TV-ին հայտնեցին, որ դեպքը տեղի է ունեցել Տիգրան Մեծի պողոտայում, 3 անձ խուլիգանության կասկածանքով ձերբակալվել է։
Դեպքի առթիվ նախաձեռնվել է քրեական վարույթ։
Արփի Հակոբյան
