24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Ավտոբուսի վարորդի ծեծի գործով 3 անձի նկատմամբ քրեական հետապնդում է հարուցվել
13.04.2026 | 19:00
Երևանում թիվ 74 երթուղին սպասարկող ավտոբուսի վարորդի վրա հարձակման դեպքով քրեական վարույթ է նախաձեռնվել։ Factor.am-ի հարցին ի պատասխան՝ այս մասին հայտնեց Քննչական կոմիտեի մամուլի խոսնակ Կիմա Ավդալյանը։
Նախաքննության ընթացքում հանրային քրեական հետապնդում է հարուցվել 3 անձի նկատմամբ։ Նրանցից մեկի նկատմամբ խուլիգանության, մի խումբ անձանց կողմից խուլիգանության ու մի խումբ անձանց կողմից ֆիզիկական ներգործության հատկանիշներով, իսկ երկուսի նկատմամբ՝ մի խումբ անձանց կողմից խուլիգանության ու ֆիզիկական ներգործության հատկանիշներով։
Նրանց նկատմամբ որպես խափանման միջոց է կիրառվել բացակայելու արգելքը։
Ավելի վաղ տեղեկացրել էինք, որ թիվ 74 երթուղին սպասարկող ավտոբուսում ապրիլի 8-ին վիճաբանություն է տեղի ունեցել, որը վերածվել է վարորդի վրա հարձակման միջադեպի։
Ավտոբուսում երկու ուղևոր վիճաբանել են ուղեվարձը չվճարելու համար։
«Վիճաբանությանը միջամտել է վարորդը՝ հորդորելով դադարեցնել այն և նշել, որ հանրային տրանսպորտը կռվի վայր չէ»,- հայտնել է «Երևանի ավտոբուս» ՓԲԸ-ի խոսնակ Գեղամ Ասատրյանը։
Նրա խոսքով՝ ավտոբուսում միջադեպից որոշ ժամանակ անց վեճի մասնակից ուղևորը մի քանի անձանց հետ գտել է տվյալ ավտոբուսը, կանգնեցրել այն, իջեցրել վարորդին ու ծեծի ենթարկել։ Վարորդը վնասվածքներով տեղափոխվել է հիվանդանոց։
Արփի Հակոբյան
