06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Հայաստանի ամերիկյան համալսարանը մարտի 31-ից կվերադառնա առկա ուսուցման ձևաչափին
Հասարակություն
30.03.2026 | 22:35
Հայաստանի ամերիկյան համալսարանը (ՀԱՀ) մարտի 31-ից կվերադառնա առկա ուսուցման ձևաչափին։ Այս մասին տեղեկացվում է համալսարանի համայնքին ուղղված պաշտոնական հաղորդագրությունում։
Ինչպես հաղորդագրության մեջ նշել էր համալսարանի նախագահ դոկտոր Բրյուս Պողոսյանը, առցանց դասերին ժամանակավոր անցնելու որոշումը կայացվել էր բացառապես զգուշավորության նկատառումներից ելնելով՝ առաջնահերթ համարելով համայնքի անվտանգությունը։
Միևնույն ժամանակ, ՀՀ կրթության, գիտության, մշակույթի և սպորտի նախարարությունից ստացված հավաստիացումների համաձայն՝ համալսարանին սպառնացող որևէ էական կամ նշանակալի վտանգ առկա չէ, ինչի հիման վրա էլ որոշում է կայացվել վերադառնալ բնականոն ուսումնական գործընթացին։
ՀԱՀ արտակարգ իրավիճակների և ճգնաժամային կառավարման հանձնաժողովի որոշմամբ՝ դասերը կվերսկսվեն առկա ձևաչափով արդեն վաղվանից՝ մարտի 31-ից։
ՀԱՀ-ն կոչ է անում համայնքի անդամներին շարունակել հետևել իրենց էլեկտրոնային փոստերին և վերջին թարմացումների համար հիմնվել բացառապես համալսարանի պաշտոնական հաղորդագրությունների վրա։
