Սպորտ | Factor.TV https://factor.am Tue, 15 Sep 2026 18:23:12 +0000 hy-AM hourly 1 https://wordpress.org/?v=7.0.4 https://factor.am/wp-content/uploads/2024/01/cropped-Untitled-5-32x32.png Սպորտ | Factor.TV https://factor.am 32 32 Ֆուտզալի Հայաստանի հավաքականը ոչ-ոքի խաղաց Մոլդովայի հետ https://factor.am/1061025.html https://factor.am/1061025.html#respond Tue, 15 Sep 2026 18:23:12 +0000 https://factor.am/?p=1061025 Ֆուտզալի Հայաստանի ազգային հավաքականն ընկերական հանդիպում է անցկացրել Մոլդովայի հավաքականի հետ։ Գրանցվեց 3:3 հաշիվը։

Մոլդովայում կայացած խաղում հայկական թիմի կազմում հեթ-տրիկի հեղինակ է դարձել Միհրան Դերմենջյանը։

Հայաստանի և Մոլդովայի հավաքականները ևս մեկ ընկերական խաղ կանսկացնեն սեպտեմբերի 17-ին:

ՖԻՖԱ-ի դասակարգման աղյուսակում ֆուտզալի Հայաստանի հավաքականը զբաղեցնում է 15-րդ տեղը, իսկ Մոլդովան 66-րդն է։

Դավիթ Եղիազարյան

]]> https://factor.am/1061025.html/feed 0 Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով https://factor.am/1060943.html https://factor.am/1060943.html#respond Tue, 15 Sep 2026 16:44:25 +0000 https://factor.am/?p=1060943 Ուզբեկստանի Սամարղանդ քաղաքում սեպտեմբերի 16-ին կմեկնարկի շախմատի 46-րդ Համաշխարհային օլիմպիադան:

Հայաստանի հավաքականի կազմում ընդգրկված են Հայկ Մարտիրոսյանը, Ռոբերտ Հովհաննիսյանը, Շանթ Սարգսյանը, Գաբրիել Սարգսյանը և Մանուէլ Պետրոսյանը: Թիմի մարզիչն է Արման Փաշիկյանը:

Կանանց Հայաստանի հավաքականի կազմում հանդես կգան Էլինա Դանիելյանը, Մարիամ Մկրտչյանը, Լիլիթ Մկրտչյանը, Սուսաննա Գաբոյանը և Անահիտ Մկրտչյանը: Հավաքականի մարզիչը Զավեն Անդրիասյանն է:

Տղամարդկանց Հայաստանի հավաքականը մեկնարկային աղյուսակում 208 երկների շարքում վարկանիշով զբաղեցնում է 10-րդ տեղը, իսկ կանանց հավաքականը 191 երկրների շարքում՝ 16-րդն է, հաղորդում է ՀՇՖ մամուլի ծառայությունը:

Համաշխարհային օլիմպիադայի առաջին տուրը կկայանա սեպտեմբերի 16-ին ու կմեկնարկի Երևանի ժամանակով 14:00-ին։ Պայքարը կավարտվի սեպտեմբերի 27-ին:

]]> https://factor.am/1060943.html/feed 0 ԵԼ. Հայտնի են «Արարատ-Արմենիա» – «Սպարտա Պրահա» հանդիպման մրցավարները https://factor.am/1060950.html https://factor.am/1060950.html#respond Tue, 15 Sep 2026 16:13:37 +0000 https://factor.am/?p=1060950 Ֆուտբոլի Հայաստանի չեմպիոն «Արարատ-Արմենիայի» ու չեխական «Սպարտա Պրահայի» միջև Եվրոպա լիգայի հիմնական փուլի առաջին տուրի հանդիպումը կսպասարկի Շվեդիան ներկայացնող մրցավարական անձնակազմ, հաղորդում է ՈՒԵՖԱ-ի պաշտոնական կայքը:

Հանդիպման գլխավոր մրցավար է նշանակվել ազգությամբ իրաքցի Մոհամեդ Ալ Հակիմը:

41-ամյա մրցավարը նախկինում երեք անգամ սպասարկել է հայկական ակումբների մասնակցությամբ հանդիպումներ: Եզրերում Ալ Հակիմին կօգնեն Մեհմետ Կալումը և Ֆրեդրիկ Կլիվերը: Չորրորդ պաշտոնյան Յոակիմ Սարսն է:

«Արարատ-Արմենիա» – «Սպարտա Պրահա» հանդիպումը կկայանա սեպտեմբերի 16-ին Վազգեն Սարգսյանի անվան «Հանրապետական» մարզադաշտում ու կմեկնարկի ժամը 20:45-ին: Եվրոպա լիգայի հիմնական փուլում երևանյան ակումբը մրցելու է նաև լեհական «Յագելոնիայի» (հոկտեմբերի 15), նիդերլենդական «ԱԶ Ալկմարի» (հոկտեմբերի 22), պորտուգալական «Տորենսեի» (նոյեմբերի 5), ավստրիական «Զալցբուրգի» (նոյեմբերի 26), նիդերլենդական «ՆԵԿ Նեյմեգենի» (դեկտեմբերի 10), սլովենական «Ցելյեի» (հունվարի 21) ու իտալական «Միլանի» (հունվարի 28) հետ:

Դավիթ Եղիազարյան

]]> https://factor.am/1060950.html/feed 0 Հայաստանի հավաքականի բասկետբոլիստը կխաղա ԱՄՆ-ում https://factor.am/1060939.html https://factor.am/1060939.html#respond Tue, 15 Sep 2026 14:52:08 +0000 https://factor.am/?p=1060939 Հայաստանի ազգային հավաքականի բասկետբոլիստ Դանիել Կիրակոսյանը միացել է ԱՄՆ-ի Georgetown College Tigers բասկետբոլային թիմին, հաղորդում է ՀԲՖ մամուլի ծառայությունը:

Կիրակոսյանը նոր մրցաշրջանում հանդես կգա ամերիկյան քոլեջային բասկետբոլում՝ ներկայացնելով Georgetown College-ը։

Նախորդ մրցաշրջանում հայ բասկետբոլիստը հանդես է եկել Երևանի «Ուրարտուի» կազմում՝ թիմի հետ դառնալով Հայաստանի Պրոբասկետ Ա լիգայի չեմպիոն և մրցաշրջանի արդյունքներով ընդգրկվելով առաջնության լավագույն հնգյակում

]]> https://factor.am/1060939.html/feed 0 Վահան Բիչախչյանը մոտ է խաղադաշտ վերադառնալուն https://factor.am/1060935.html https://factor.am/1060935.html#respond Tue, 15 Sep 2026 14:42:27 +0000 https://factor.am/?p=1060935 Լեհական «Լեգիայի» և Հայաստանի ազգային հավաքականի կիսապաշտպան Վահան Բիչախչյանը հայտնել է վնասվածքից հետո խաղադաշտ վերադառնալու հնարավոր ժամկետները:

«Հավատում եմ, որ եթե ամեն բան լավ լինի, հաջորդ շաբաթ կսկսեմ մարզվել թիմի հետ։ Եթե ամեն ինչ լավ ընթանա, հնարավոր է՝ կկարողանամ մասնակցել «Յագելոնիայի» դեմ հանդիպմանը»,- 27-ամյա ֆուտբոլիստի խոսքը մեջբերում է CANAL+-ը։

Վահան Բիչախչյանը խաղադաշտից բացակայում է օգոստոսի 3-ից: «Լեգիա» – «Յագելոնիա» Լեհաստանի առաջնության 9-րդ տուրի հանդիպումը կկայանա սեպտեմբերի 20-ին։

Դավիթ Եղիազարյան

]]> https://factor.am/1060935.html/feed 0 Հայտնի է՝ որ ստադիոններն են ընդունելու եվրագավաթների եզրափակիչներն առաջիկա տարիներին https://factor.am/1060913.html https://factor.am/1060913.html#respond Tue, 15 Sep 2026 13:53:32 +0000 https://factor.am/?p=1060913 ՈՒԵՖԱ-ն ներկայացրել է 2028 և 2029 թվականներին եվրագավաթների մրցաշարերը եզրափակիչները հյուրընկալով ստադիոնները:

2028 թվականին Չեմպիոնների լիգայի եզրափակիչը կընդունի Մյունխենի «Բավարիայի» տնային ստադիոն «Ալյանց Արենան», իսկ 2029 թվականին՝ Բարսելոնայի «Կամպ Նոու» մարզադաշտը, հաղորդում է ՈՒԵՖԱ-ի մամուլի ծառայությունը:

Եվրագավաթների հաջորդ մրցաշարերի եզրափակիչների ստադոնները

Չեմպիոնների լիգա

2028 թ. «Ալյանց Արենա», Մյունխեն (Գերմանիա)

2029 թ. «Կամպ Նոու», Բարսելոնա (Իսպանիա)

Եվրոպա լիգա

2028 թ. Բուխարեստի Ազգային ստադիոն (Ռումինիա)

2029թ. Սերբիայի Ազգային ստադիոն, Բելգրադ (Սերբիա)

Կոնֆերենեցիաների լիգա

2028 թ. «Յուվենտուս», Թուրին (Իտալիա)

2029 թ. «Պուշկաշ Արենա», Բուդապեշտ (Հունգարիա)

ՈՒԵՖԱ-ի Սուպերգավաթ

2027 թ.  «Յոհան Կրոյֆ Արենա», Ամստերդամ (Նիդերլանդներ)

2028 թ. «Աստանա Արենա», Աստանա (Ղազախստան)

]]> https://factor.am/1060913.html/feed 0 Մեկնարկել է Հայաստան – Չեռնոգորիա հանդիպման տոմսերի վաճառքը https://factor.am/1060905.html https://factor.am/1060905.html#respond Tue, 15 Sep 2026 13:38:41 +0000 https://factor.am/?p=1060905 Մեկնարկել է Հայաստան – Չեռնոգորիա ֆուտբոլի Ազգերի լիգայի C2 խմբի հանդիպման տոմսերի առցանց վաճառքը։

Տոմսերը հասանելի են tickets.ffa.am կայքում: Յուրաքանչյուր անձ կարող է գնել առավելագույնը 4 տոմս:

Արևմտյան տրիբունայի տոմսերի արժեքը 12000-16000 դրամ է, Արևելյան տրիբունայի տոմսերն արժեն 4000-8000 դրամ, իսկ Հարավային ու Հյուսիսային տրիբունաների տոմսերը՝ 1000-5000 դրամ:

Հայաստան – Չեռնոգորիա խաղը կկայանա սեպտեմբերի 28-ին՝ ժամը 20։00-ին, Երևանի Վազգեն Սարգսյանի անվան «Հանրապետական» մարզադաշտում:

Հիշեցնենք, որ սեպտեմբերի 25-ին Հայաստանի հավաքականն ընդունելու է նաև Լատվիայի հավաքականին:

]]> https://factor.am/1060905.html/feed 0 Հայաստանի գավաթ. հայտնի են 1/8 եզրափակիչի զույգերը https://factor.am/1060746.html https://factor.am/1060746.html#respond Tue, 15 Sep 2026 10:07:51 +0000 https://factor.am/?p=1060746 ՀՖՖ գրասենյակում սեպտեմբերի 15-ին կայացել է ֆուտբոլի Հայաստանի գավաթի խաղարկության 1/8 եզրափակիչի վիճակահանությանը, հաղորդում է ՀՖՖ մամուլի ծառայությունը:

Գործող գավաթակիր «Նոան» կմրցի «Սյունիքի» հետ, իսկ չեմպիոն «Արարատ-Արմենիայի» մրցակիցը կլինի «Օլիմպիան»:

1/8 եզրափակիչի հանդիպումները կկայանան հոկտեմբերի հոկտեմբերի 26-28-ին:

Հայաստանի գավաթ, 1/8 եզրափակիչ

«Օլիմպիա» – «Արարատ-Արմենիա»

«Միկա» – «Ավշար-Արարատ»

«Ալաշկերտ» – ԲԿՄԱ

«Նոա» – «Սյունիք»

«Փյունիկ – «Արարատ»

«Լեռնային Արցախ» – «Շիրակ»

«Ուրարտու» – «Անդրանիկ»

«Վան» – «Գանձասար»

]]> https://factor.am/1060746.html/feed 0 Կյանքից հեռացել է «Արարատ-73»-ի ֆուտբոլիստ Սերգեյ Պողոսյանը https://factor.am/1060729.html https://factor.am/1060729.html#respond Tue, 15 Sep 2026 09:27:49 +0000 https://factor.am/?p=1060729 Կյանքից հեռացել է Երևանի «Արարատի» նախկին կիսապաշտպան Սերգեյ Պողոսյանը։ Անվանի ֆուտբոլիստը 78 տարեկան էր:

«Մեծ ցավով տեղեկացանք, որ 78 տարեկան հասակում կյանքից հեռացել է լեգենդար «Արարատ-73»-ի ֆուտբոլիստ Սերգեյ Պողոսյանը։

Սերգեյ Պողոսյանն «Արարատում» հանդես է եկել 1970-ից 1975 թվականներին՝ մասնակցելով 99 խաղի և դառնալով 6 գոլի հեղինակ։ Նա 1973 թվականին «Արարատի» կազմում դարձել է ԽՍՀՄ չեմպիոն և գավաթակիր։

Հետագայում ավարտել է ԵՊՀ իրավաբանական ֆակուլտետը, որից հետո երկար տարիներ աշխատել է դատախազության համակարգում, հասնելով Հայաստանի Հանրապետության զինվորական դատախազության բաժնի ավագ դատախազի պաշտոնին։ Արդարադատության գնդապետ։

2007 թ. հիմնադրել և ղեկավարում էր Հայաստանի ֆուտբոլի վետերանների միությունը։

2013 թ. հոկտեմբերի 10-ին Հայկական ֆուտբոլի զարգացման գործում ներդրած նշանակալի ավանդի և ձեռք բերած փայլուն նվաճումների համար պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։

«Արարատ» ֆուտբոլային ակումբն իր խորին ցավակցություններն է հայտնում Սերգեյ Պողոսյանի ընտանիքի անդամներին և հարազատներին»,- նշված է «Արարատի» ցավակցական ուղերձում:

]]> https://factor.am/1060729.html/feed 0 Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով․ ՏԵՍԱՆՅՈՒԹ https://factor.am/1060318.html https://factor.am/1060318.html#respond Mon, 14 Sep 2026 10:15:13 +0000 https://factor.am/?p=1060318 Լողորդ Հովհաննես Գաբրիելյանը պատմական ռեկորդ է սահմանել․ նա դարձել է առաջին մարդը, որը լողալով հաղթահարել է Սևանա լիճը երկայնքով՝ 74 կմ։ Հովհաննեսը ջրում անցկացրել է շուրջ 36 ժամ։ Սեպտեմբերի 14-ի առավոտյան՝ ժամը 06:55-ին, նա հասել է Ծովագյուղի Փիրուզե լողափ։

Բարդագույն ֆիզիկական փորձությունից հետո Հովհաննեսն այժմ գտնվում է բժիշկների հսկողության ներքո՝ ուժերը վերականգնելու նպատակով։

Հովհաննեսը նախորդ տարի ևս փորձել էր սահմանել այս ռեկորդը, սակայն այն կիսատ էր մնացել․ նախորդ անգամ նա լողացել էր 23 ժամ 37 րոպե։

Մանրամասները՝ տեսանյութում։

Աննա Բաբաջանյան

]]> https://factor.am/1060318.html/feed 0