Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ BMW մակնիշի ավտոմեքենան դուրս է եկել ճանապարհի երթևեկելի հատվածից և բախվել ճամփեզրյա ծառերին․ վարորդը տեղում մահացել է։

Փրկարարները հոսանքազրկել են ավտոմեքենան, փակել գազաբալոնի փականը և իրականացրել հերթապահություն։

Այս մասին հայտնում է ՆԳՆ փրկարար ծառայությունը։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը՝ 03։07-ին, մարվել՝ 03։33-ին։ Այրվել են Mazda և Nissan մակնիշների ավտոմեքենաները․ տուժածներ չկան։

Այս մասին հայտնում են Վրաստանի ՆԳՆ ԱԻ դեպարտամենտը և ՌԴ ԱԻՆ Հյուսիսային Օսիայի ճգնաժամային կառավարման կենտրոնը։

Օրը ցերեկով Երևանում տեղի ունեցած հաշվեհարդարի հետևանքով 1 անձ մահացել է։ Մահացածը 45-ամյա Արսեն Վարդանյանն է։ Հիվանդանոց տեղափոխված 6 վիրավորներից մեկն այսօր դուրս է գրվել, մյուսների վիճակը միջին ծանրության է։ ՔԿ-ն նախաձեռնել է քրեական վարույթ՝ սպանության, սպանության փորձի, խուլիգանության և հրազենի ապօրինի շրջանառության հոդվածներով։ Ըստ ՔԿ-ի՝ իրականացվում են անհետաձգելի քննչական գործողություններ՝ դեպքի բոլոր հանգամանքները պարզելու և մեղավորներին պատասխանատվության ենթարկելու համար։

Աջափնյակում առաջին անգամ չէ, որ մարտաֆիլմի սցենարով հաշվեհարդար  է տեղի ունենում։ 2024 թվականի մարտի 15-ին միմյանց դեմ հրազեն, նռնակ ևայլ զինատեսակներ էին կիրառել։ Անկանոն կրակահերթերի գնդակները վնասել էին երրորդ հարկում գտնվող բնակարանի ապակիները։

Այս դեպքից մի քանի ամիս անց՝ հունիսի 11-ին, կրկին Աջափնյակում հնչած կրակոցներից սպանվեց Սերգեյ Գրիգորյանը, որը քրեական շրջանակներում հայտնի էր Ֆազ մականունով։

«Դուք հիմա նստած եք աշխարհի 7-րդ անվտանգ երկրում»․ Մինչ Նիկոլ Փաշինյանը բրիտանական Telegraph-ին տված հարցազրույցում, հղում անելով ոչ վստահելի տվյալներ ներկայացնող «Նումբեո» կայքին, պնդում էր, թե Հայաստանն աշխարհի անվտանգ երկրների շարքում 7-րդն է, Երևանում և մարզերում այսպիսի դեպքերը հաջորդում էին մեկը մյուսին։

Այսպես, 2026-ի հունվարի 14-ին միջադեպ էր տեղի ունեցել Երևանի Աբովյան փողոցում՝ անչափահասների մասնակցությամբ։ Հնչել էին կրակոցներ, գործադրվել էին կտրող-ծակող գործիքներ։

2025 թվականի հոկտեմբերի 12-ին Կոտայքի մարզում 61-ամյա տղամարդը որսորդական հրացանով մի քանի ժամում չորս հոգու էր սպանել։ Արամուսի դաշտում նա կյանքից զրկել էր ամուսինների, իսկ Զովաշենի ճանապարհին՝ սպանել 46-ամյա մի տղամարդու և 44-ամյա կնոջ։

2025 թվականի հոկտեմբերի 24-ին մեկ անձ վիրավորվել էր Փափազյան փողոցում հնչած կրակոցներից, հաջորդ օրը Դավթաշենում հնչած կրակոցներից մահացել էր 33-ամյա մի տղամարդ։

2025 թվականի սեպտեմբերի 23-ի գիշերը կայծակնային արագությամբ տարածվեց Փարաքար համայնքի ղեկավար Վալոդյա Գրիգորյանի սպանության լուրը։ Մերձավանում արձակված 18 կրակոցներից սպանվել էր նաև ՀՀ ոստիկանության քրեական հետախուզության գլխավոր վարչության օպերլիազոր Կարեն Աբրահամյանը, վիրավորվել՝ Գրիգորյանի ընկերներից Արծրուն Գալստյանը։ Նույն տարվա փետրվարին ևս Մերձավանում կրակոցներ էին հնչել․ գյուղի ղեկավար Մհեր Ախտոյանի տան մոտ սպանվել էր Ախտոյանի հորաքրոջ որդին՝ Գրիգոր Օհանյանը։ Գործով 15 մեղադրյալների թվում է Վալոդյա Գրիգորյանի եղբայրը։

Հաջորդ օրը՝ սեպտեմբերի 24-ին, կրակոցների վայրը Երևանի թիվ 107 մանկապարտեզի տարածքն էր։ Գնդակները դիպել էին մանկապարտեզի պատուհաններին ու հայտնվել ներսում։

2025-ի հունիսի երկուսին կրակոցներ էին հնչել Շենգավիթ վարչական շրջանի Մանանդյան փողոցում։ Երկու անձ մարմնական վնասվածքներ էր ստացել։

Պատիժների և բանտային համակարգերի միջազգային փորձագետ Արշակ Գասպարյանը Factor TV-ի հետ զրույցում ասում է՝ ՆԳՆ ոստիկանությունը պետք է աշխատի կանխարգելիչ գործողությունների տրամաբանությամբ։

Այս դեպքերի ֆոնին հիշարժան է դառնում պաշտոնը ստանձնելու օրը ՆԳ նախարար Արփինե Սարգսյանի խոստումը․ «ՀՀ-ի համար, ՀՀ քաղաքացու համար նոր նվաճում արձանագրել ներքին անվտանգության ոլորտում»։

Նախարարի այս խոստման ֆոնին աճել է կրակոցներով ուղեկցվող միջադեպերի թիվը։ Ըստ վիճակագրական կոմիտեի՝ 2025 թվականին հրազենով 152 հանցագործություն է կատարվել, 2024-ին այդ թիվը եղել է 109-ը։ 2025 թվականին, 2024-ի համեմատ, դեպքերն աճել են շուրջ 40 տոկոսով: Փորձագետի խոսքով՝ ներքին անվտանգությունը պետք է համակարգային գործողություններով և բոլոր գերատեսչությունների մասնակցությամբ կազմակերպվի։ Ըստ նրա՝ միակ պատասխանատուն ՆԳ նախարարը չէ։

Գասպարյանը շեշտում է՝ հանցագործությունները կանխարգելելու լավագույն միջոցը համայնքային ոստիկանի, պարեկի, օպերատիվ հետոախուզական աշխատակցի և բնակչի համագործակցությունն է։ Ըստ նրա՝ այժմ ռեսուրներն այլ տեղ են ուղղվում։

Արդյո՞ք իրավապահ համակարգը հետևություններ կանի աղմկահարույց դեպքերից և կանխարգելիչ միջոցառումներ կձեռնարկի, թե՞ սպանություններից հետո միայն բացահայտման մասին հայտարարություններով հանդես կգա, ցույց կտա ժամանակը։

Մանրամասները՝ տեսանյութում։

Նարեկ Կիրակոսյան

Տնակը մի քանի ամիս առաջ է գնել, գումարը դեռ ամբողջությամբ չի վճարել։ Անապահովության նպաստով երկու պատուհան ու դուռ է կարողացել գնել։

Երկու անչափահասների մայրը երրորդ ամիսն է՝ նպաստ չի ստանում։ Մերժման հիմքում գույքահարկի համագումարային չափի գերազանցումն է։

Մանրամասները՝ տեսանյութում։

Անի Թամրազյան

Սա լավ առիթ է ձեռք բերելու զեղչով գրքեր, ծանոթանալու հայ և օտար հեղինակների գործերին։

Գրքի տոնին, ինչպես ամեն տարի, այս տարի էլ միացել են գրադարաններ, թանգարաններ, հրատարակչություններ։

Հայաստանում Գրքի տոնը նշում են 2008 թ.-ից, նախաձեռնությունը պատկանում է Հայաստանի կառավարությանը:

Աննա Բաբաջանյան

Փորձաքննության պատասխանը ստանալուց հետո Քննչական կոմիտեն, որը քրեական վարույթ է նախաձեռնել անձի անձնական կյանքի գաղտնիությունը խախտելու համար, առերևույթ խախտելով անձի անձնական կյանքի գաղտնիության իրավունքը, հայտարարեց․ հաստատվել է տեսանյութում Արշակ արքեպիսկոպոս Խաչատրյանի պատկերված լինելու հանգամանքը։

Ինքը՝ Արշակ արքեպիսկոպոս Խաչատրյանը, չի ընդունում տեսանյութի իրական լինելը։ Ամենայն հավանականությամբ, հենց այս հանգամանքով պայմանավորված հարց չի բարձրացրել անձնական կյանքի գաղտնիության իրավունքը խախտելու մասին։

Քննչական կոմիտեի կողմից փորձաքննության պատասխանը հրապարակելուց հետո հոգևորականի փաստաբան Արսեն Բաբայանը բարձրաձայնել է այն մասին, որ փորձաքննությունն ընդամենը 1 էջից է բաղկացած, ընդ որում՝ դրա կեսը լուսանկար է։

«Ես պետական ծառայության 15 տարուց ավելի և փաստաբանության երեք տարվա փորձառության ընթացքում այսպիսի անհեթեթության չէի հանդիպել։ Ուրեմն «եզրակացությունը» բաղկացած է ընդամենը մեկ էջից, որի կեսից ավելին լուսանկար է։ Այսինքն՝ ամբողջ եզրակացությունն ուղիղ կես էջ է։ Բայց սա էլ դեռ ամբողջը չէ։ Այդ «եզրակացությամբ» ամբողջությամբ հերքվում է քննչական մարմնից լրատվամիջոցներին հայտնած տեղեկությունը, թե՝ «Հաստատվել է տեսանյութում Արշակ արքեպիսկոպոս Խաչատրյանի պատկերված լինելու հանգամանքը»։ Այս տեղեկությունը իրականությանը չի հապատասխանում։

Հիմա տեսեք, թե ինչ է եզրակացրել փորձագետը, որը տեսագրության մեջ պատկերված անձի և համացանցից որպես նմուշ վերցված Արշակ սրբազանի լուսանկարը համեմատել է իրար։
Քանի որ նրանցում պատկերված անձանց ճակատային շրջանի, քթային շրջանի և կզակի շրջանի ձևը, ինչպես նաև սանրվածքը համընկնում են, և այն հանգամանքը, որ երկուսն էլ կրում են ակնոցներ, ապա կարելի է եզրակացնել, որ լուսանկարներում պատկերված է միևնույն անձը։ Այսինքն ի՞նչ է ստացվում։ Փորձագետը նայել է լուսանկարներին ու ասել՝ լսի, հա էլի, նման են բայց իրար»,- հայտնել է Բաբայանն ու դիտարկել, որ իրենց կողմը երբևէ չի ասել, թե տեսագրության մեջ պատկերված անձն ընդհանրապես նման չէ Արշակ սրբազանին։

«Պարզ չի՞ որ ցանկացած մեկին ցույց տաս այդ տեսագրությունն ու Արշակ սրբազանի նկարը նա էլ կասի՝ «հա էլի, լսի, ոնց որ նման են իրար»։ Սա՞ է ձեր փորձաքննությունը։ Իսկ ամենակարևորը․ փորձաքննության անվանումից թեև տպավորություն է, որ պետք է ստուգվեր նաև տեսագրության իսկությունը, բայց դա չի արվել։ Այսինքն՝ քննչականին չի հետաքրքրել, թե արդյո՞ք տեսագրությունն իրական է, թէ, օրինակ, արհեստական բանականությամբ ստեղծված։ Կամ հնարավո՞ր է, որ մոնտաժման միջոցով է ստացվել այդ տեսագրությունը։ Այս ամբողջից ելնելով կարող ենք հստակ պնդել, որ Քննչական կոմիտեն հաստատեց Արշակ արքեպիսկոպոս Խաչատրյանի պնդումն առ այն, որ տեսագրության բովանդակությունն իր հետ առնչություն չունի»,- հայտնել էր Բաբայանը։

Այս փորձաքննության պատասխանը ստանալուց հետո փաստաբան Բաբայանը միջազգային փորձաքննությունների է ուղարկել տեսագրությունները՝ դրանց իսկությունը պարզելու նպատակով։

Փաստաբանն օրեր առաջ հայտնեց, որ երեք տարբեր պետություններից ստացված փորձագիտական եզրակացությունները հաստատում են Արշակ արքեպիսկոպոս Խաչատրյանի այն պնդումը, որ նա որևէ առնչություն չունի տեսագրությունների բովանդակության հետ։

Ըստ փաստաբանի՝ փորձագետները, ի թիվս այլնի, հանգել են հետևյալ եզրակացություններին՝

1. Տեսագրության բովանդակությունը կեղծ է և ստեղծվել է հատուկ ծրագրային միջոցների կիրառմամբ,
2. Տեսարանները օբյեկտիվ իրականության մեջ գոյություն չեն ունեցել,
3. Տեսագրության մեջ երևացող անձանց հավաստի նույնականացում կատարելն անհնարին է։

Բաբայանը հայտնել է նաև, որ առկա են այլ կարևոր եզրահանգումներ, որոնք հիմնավոր կերպով վկայում են կեղծարարության մասին և խոստացել մամուլի ասուլիսի միջոցով այլ մանրամասներ հայտնել։

Բաբայանի կողմից կատարված այս հայտարարությունից հետո Քննչական կոմիտեն կրկին հանդես է եկել հայտարարությամբ, որ Արշակ արքեպիսկոպոս Խաչատրյանի անձնական կյանքի գաղտնիությունը խախտելու դեպքի առթիվ ՀՀ քննչական կոմիտեում իրականացվող քրեական վարույթով նշանակվել և ստացվել է դատատեսաձայնագրային և դատադիմանկարային փորձաքննության եզրակացությունը, համաձայն որի՝ հաստատվել է տեսանյութերում վերջինիս պատկերված լինելու հանգամանքը:

Ինչ վերաբերում է Արսեն Բաբայանի կողմից վկայակոչված երեք փորձագիտական եզրակացություններին, ապա, ըստ Քննչական կոմիտեի, դրանք չեն կարող դիտարկվել որպես ապացույց, քանի որ ստացվել են քրեական վարույթի շրջանակից դուրս և չեն նշանակվել վարույթն իրականացնող մարմնի կողմից՝ քրեական դատավարության օրենսդրությամբ սահմանված կարգով։

«Ավելին, կամայական կերպով ձեռք բերված նման եզրակացությունները չեն կարող ունենալ որևէ ապացուցողական ուժ, քանի որ փորձագետի եզրակացությունը քրեական վարույթում իրավական արժեք է ստանում բացառապես այն դեպքում, երբ այն հիմնված է վարույթի նյութերի ամբողջական ուսումնասիրության վրա և իրականացվում է համապատասխան դատավարական երաշխիքների պահպանմամբ։ Ուստի վարույթից դուրս, առանց պատշաճ դատավարական հիմքի և նյութերի լիարժեք ուսումնասիրության ստացված ցանկացած գնահատական չի կարող դիտարկվել ո՛չ որպես ապացույց, ո՛չ որպես փորձագետի իրավաչափ կարծիք և չի կարող հիմք հանդիսանալ որևէ իրավական հետևության համար»,- ասվում է Քննչական կոմիտեի հաղորդագրության մեջ։

Այսինքն՝ Քննչական կոմիտեն իրավական արժեք է տալիս փորձագետի եզրակացությանը, եթե այն հիմնված է վարույթի նյութերի ամբողջական ուսումնասիրության վրա, մինչդեռ Արսեն Բաբայանը պնդում է, որ փորձագետի եզակացությունն ընդամենը կես էջից է բաղկացած։

Ո՞վ է մանիպուլացնում և ո՞վ է ճիշտ, արդյո՞ք եզրակացությունն իսկապես կես էջից է բաղկացած

Factor TV-ին հասանելի է դարձել քրեական վարույթում առկա փորձագիտական եզրակացության պատասխանը։

Դրանում փորձագետը հայտնում է․

«Քրեական վարույթով ներգրավված լինելով որպես փորձագետ, ուսումնասիրելով վարույթն իրականացնող մարմնի կողմից ներկայացված հետազոտման ենթակա օբյեկտները՝ թվով 4 տեսանյութերը, դրանք համադրելով տրամադրված հետազոտական նմուշի հետ պարզեցի հետևյալը.

Լուսանկարների համեմատական հետազոտության արդյունքները թույլ են տալիս պնդել, որ նրանցում պատկերված անձանց ճակատային շրջանի (1-ուռուցիկ), քթային շրջանի (2-ուղղաբլրաձև) և կզակի շրջանի ձևը համընկնում են (5): Հարկ է նշել նաև, որ լուսանկարներում պատկերված անձանց մոտ համընկնում են նաև սանրվածքի ձևը (մասնավորապես ականջի հատվածում առկա մազածածկույթը բակերը (4) և ակնհայտ նմանատիպ ճաղատությունը (3) և կրում են օպտիկական ակնոցներ:

Համեմատական հետազոտության արդյունքներով վերը նշված ընդհանրությունները և նմանությունները առավել ակներև են տեսանյութի նվագարկման ռեժիմում՝ դինամիկ պայմաններում։

Հաշվի առնելով վերը նկարագրվածը՝ կարելի է եզրակացնել, որ լուսանկարներում պատկերված է միևնույն անձը»։

Արաքս Մամուլյան

ՀՀ կառավարությունից հայտնում են, որ 2024 և 2025 թթ. Արագածոտնի, Արարատի, Արմավիրի, Գեղարքունիքի, Լոռու, Շիրակի, Տավուշի և Սյունիքի մարզերում տեղացած կարկուտի հետևանքով հողօգտագործողներին պատճառված վնասը կազմել է 2,717,357,895 դրամ։ 2025 թ. ընթացքում Կառավարությունը փոխհատուցվել է 1,714,662,611 դրամ, ինչի արդյունքում Արմավիրի մարզի Մեծամոր (2024թ․-ին կրած վնասի մասով), Արմավիր և Բաղրամյան (2025թ․-ին կրած վնասի մասով), Արագածոտնի մարզի Աշտարակ և Լոռու մարզի Գյուլագարակ համայնքները կարկտահարության հետևանքով կրած վնասների համար փոխհատուցվել են մասնակի։

Փաստացի վնասի և փոխհատուցված գումարների տարբերությունը վճարելու նպատակով՝ անհրաժեշտություն է առաջացել 2026 թ. պետբյուջեում կատարել վերաբաշխում։ Առկա ֆինանսական պարտավորությունները ամբողջապես մարելու նպատակով կպահանջվի 1,002,695,284.4 դրամ։

Փաստաբան Արամ Վարդևանյանը, դիտարկելով, որ գործով մյուս մեղադրյալներն ազատության մեջ են, հարց տվեց․ ստացվում է՝ բոլորը կարող են պատշաճ վարքագիծ դրսևորել, իսկ սրբազանը՝ ո՞չ։

Դատարանը,լսելով կողմերին երկարացրեց Բագրատ արքեպիսկոպոս Գալստանյանի կալանքի ժամկետը։