Կրթական | Factor.TV https://factor.am Thu, 19 Nov 2026 14:13:19 +0000 hy-AM hourly 1 https://wordpress.org/?v=7.1.5 https://factor.am/wp-content/uploads/2024/01/cropped-Untitled-5-32x32.png Կրթական | Factor.TV https://factor.am 32 32 Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր https://factor.am/1082669.html Thu, 19 Nov 2026 14:20:23 +0000 https://factor.am/?p=1082669 Կառավարությունը հաստատել է «Երևանի պետական համալսարան» հիմնադրամի ռեկտորի ընտրության արդյունքները, ըստ որի Հովհաննես Հովհաննիսյանը ևս 5 տարի ժամկետով կշարունակի լինել ԵՊՀ ռեկտոր։ Հովհաննես Հովհաննիսյանը շնորհակալություն է հայտնել վստահության՝ Հայաստանի խոշորագույն կրթական և գիտական հաստատությունը ղեկավարելու համար։

«ԵՊՀ-ն, շնորհիվ Կառավարության մեծածավալ ներդրումների, հագեցվել է նորագույն գույքով, սուպեր համակարգչով, ինչի շնորհիվ մեր գիտական արդյունքները գրեթե կրկնապատկվել են», -ասել է նորընտիր ռեկտորը՝ հավելելով, որ կրթական ոլորտում նոր մարտահրավերներ, բարեփոխումներ են սպասվում՝ նոր օրենքից բխող փոփոխություններով պայմանավորված։

]]>
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը https://factor.am/1082357.html Wed, 18 Nov 2026 18:51:37 +0000 https://factor.am/?p=1082357 ԿԳՄՍ նախարարի հրամանով հաստատվել է հոգեբանի, հատուկ մանկավարժի ծառայություն մատուցող մասնագետների, ինչպես նաև արտադպրոցական ծրագրեր իրականացնող ուսումնական հաստատությունների, այդ թվում՝ մանկապատանեկան ստեղծագործական, մշակութային և գեղագիտական կենտրոնների, երաժշտական, արվեստի դպրոցների մանկավարժական աշխատողների և մարզադպրոցների մարզիչ-մանկավարժների կամավոր ատեստավորման ժամանակացույցը: Այս մասին տեղեկացնում են ԿԳՄՍՆ-ից։

Ըստ այդմ՝ նշյալ խմբերի համար կամավոր ատեստավորումը կանցկացվի դեկտեմբերի 5-ին և 12-ին՝ ժամը 10:00-ին:

Քննական կենտրոնների մասին մասնակիցները կիրազեկվեն լրացուցիչ։

]]>
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի https://factor.am/1082345.html Wed, 18 Nov 2026 17:55:30 +0000 https://factor.am/?p=1082345 Նոյեմբերի 6-ից 14-ը ՌԴ «Սիրուս» դաշնային տարածքում տեղի է ունեցել Աստղագիտության միջազգային բաց օլիմպիադան, որին մասնակցել է 14 երկրի 69 ներկայացուցիչ: Հայաստանի թիմում ընդգրկված էր 6 մասնակից: Այս տարի նույնպես ՀՀ թիմը գրանցել է լավագույն արդյունք՝ արժանանալով 2 ոսկե և 4 արծաթե մեդալների: Այս մասին տեղեկացնում են ԿԳՄՍՆ-ից։

Ոսկե մեդալի են արժանացել՝

Ռուզաննա Շիրոյան- Երևանի Ա. Շահինյանի անվան ֆիզմաթ մասնագիտացված դպրոց
Բագրատ Բագրատյան- Երևանի Ա. Շահինյանի անվան ֆիզմաթ մասնագիտացված դպրոց
Արծաթե մեդալի են արժանացել՝

Նատալի Մարգարյան – Երևանի Ա.Շահինյանի անվան ֆիզմաթ մասնագիտացված դպրոց
Տիգրան Գասպարյան- Երևանի Ա.Շահինյանի անվան ֆիզմաթ մասնագիտացված դպրոց
Էմիլ Հարությունյան – Հայաստանի ազգային պոլիտեխնիկական համալսարանի ավագ դպրոց
Արարատ Պետրոսյան – Հայաստանի ազգային պոլիտեխնիկական համալսարանի ավագ դպրոց
Թիմը ղեկավարել է ՀՀ դպրոցականների աստղագիտության հանրապետական հանձնաժողովի նախագահ Արտավազդ Հարությունյանը:

]]>
Երևանի դպրոցներից մեկում առարկայի դասավանդումը վստահվել է համապատասխան որակավորում չունեցող անձի․ Կրթության տեսչական մարմին https://factor.am/1082169.html Wed, 18 Nov 2026 11:41:49 +0000 https://factor.am/?p=1082169 Երևանի հիմնական դպրոցներից մեկում Կրթության տեսչական մարմինը խախտումներ է հայտնաբերել։ Մասնավորապես՝ «Թվային գրագիտություն և համակարգչային գիտություն» առարկայի դասաժամերը տրամադրվել են օրենքով սահմանված մասնագիտական որակավորում չունեցող անձի։ Դպրոցում բացակայել է նաև կենսաբանության լաբորատորիան, թափուր են եղել կենսաբանության լաբորանտի և հոգեբանի հաստիքները։ Ստուգումն իրականացվել է «Կրթություն և համերաշխություն» արհմիության ներկայացուցչի ահազանգի հիման վրա։ Միաժամանակ, մասնագիտական հետազոտությամբ դպրոցում անառողջ բարոյահոգեբանական մթնոլորտի և ղեկավարության կողմից աշխատակիցների նկատմամբ ճնշումների վերաբերյալ պնդումները չեն հաստատվել։ Դպրոցի ղեկավարությանը հանձնարարվել է վերացնել արձանագրված խախտումները։

Կրթության տեսչական մարմնի հաղորդագրությունը՝ ստորև․

Վարչական վարույթը հարուցվել է ՀՀ կրթության տեսչական մարմնի կողմից՝ «Կրթություն և համերաշխություն» արհմիության ներկայացուցչի ահազանգի հիման վրա, ըստ որի՝ Երևանի N հիմնական դպրոցում տիրում է անառողջ բարոյահոգեբանական մթնոլորտ, և աշխատում են անձինք, որոնք չունեն օրենքով սահմանված մասնագիտական որակավորում։

ՀՀ կրթության տեսչական մարմինը հրավիրել է «Հանրապետական մանկավարժահոգեբանական կենտրոն» ՊՈԱԿ-ի փորձագետի, ում կողմից իրականացված հետազոտության համաձայն՝ դպրոցի մանկավարժական կոլեկտիվում տիրում է առողջ, կայուն և փոխադարձ հարգանքի վրա հիմնված բարոյահոգեբանական մթնոլորտ (մասնակիցների 92,5 %-ը գնահատել է բարձր)։ Ղեկավար անձնակազմի կողմից բուլինգի կամ ճնշումների որևէ դրսևորում աշխատակիցների նկատմամբ չի արձանագրվել. ղեկավարման ոճը բնութագրվում է որպես ժողովրդավարական և աջակցող։ Բողոքները հիմնականում անձնական բնույթի են և կապված են որոշ առանձին աշխատակիցների ներքին տարաձայնությունների հետ։

Վարչական վարույթի ընթացքում Կրթության տեսչական մարմնի կողմից արձանագրվել են հետևյալ խախտումները.

«Թվային գրագիտություն և համակարգչային գիտություն» առարկայի թափուր դասաժամերը տրվել են բարձրագույն մանկավարժական կրթություն չունեցող անձի (ավարտել է Սևանի պետական քոլեջը՝ տեխնիկ-ծրագրավորողի որակավորմամբ), ինչը հակասում է «Հանրակրթության մասին» օրենքի 26-րդ հոդվածի պահանջներին։

Դպրոցին հատկացված լաբորանտի 3 հաստիքից համալրված է միայն 1,5-ը (քիմիայի և ֆիզիկայի գծով), իսկ կենսաբանության լաբորանտի հաստիքը թափուր է, կենսաբանության լաբորատորիա գոյություն չունի, ինչը խախտում է ՀՀ կառավարության N 216-Ն որոշման պահանջները։

Սահմանված կարգով չի համալրվել նաև հոգեբանի 0,5 հաստիքային միավորը։

Կրթության տեսչական մարմնի ղեկավարի կողմից դպրոցի ժամանակավոր պաշտոնակատարին հանձնարարվել է վերացնել արձանագրված խախտումները.

«Թվային գրագիտություն և համակարգչային գիտություն» առարկայի դասավանդումը համապատասխանեցնել օրենսդրությանը։

Օրենքի պահանջներին համապատասխան՝ համալրել հոգեբանի և կենսաբանության լաբորանտի թափուր հաստիքները։

Ապահովել կենսաբանության լաբորատորիայի բնականոն գործունեությունը։

Շարունակել հոգեբանի աշխատանքները՝ տարեկան պլանին համապատասխան, և սերտորեն համագործակցել տարածքային մանկավարժահոգեբանական աջակցության կենտրոնի հետ։

]]>
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ https://factor.am/1081945.html Wed, 18 Nov 2026 06:47:43 +0000 https://factor.am/?p=1081945 ԿԳՄՍ նախարարության Կրթական տեխնոլոգիաների ազգային կենտրոնը գործարկել է «Ուսուցչի ԱԲ ուղեցույց» հայալեզու պորտալը՝ ai.armedu.am, որը նախատեսված է ուսուցիչներին արհեստական բանականության գործիքների ընտրության և կիրառման հարցում աջակցելու համար։ Պորտալում ներկայացված է 65 ԱԲ գործիք՝ խմբավորված 10 բաժիններում՝ ըստ ուսումնական նպատակների։ Կայքում հասանելի են նաև ավելի քան 100 արդյունավետ հրահանգների օրինակներ՝ կազմված Հայաստանի կրթական ծրագրի հիման վրա։

ԿԳՄՍՆ-ի հաղորդագրությունը՝ ստորև․

ԿԳՄՍ նախարարության Կրթական տեխնոլոգիաների ազգային կենտրոնը գործարկել է «Ուսուցչի ԱԲ ուղեցույց» հայալեզու պորտալը՝ https://ai.armedu.am։ Այն օգնում է դասավանդողներին կողմնորոշվել արհեստական բանականության գործիքների բազմազանության մեջ և ընտրել ուսումնական ծրագրին համապատասխան գործիքակազմ։ Պորտալում ներկայացված 65 ԱԲ գործիքները խմբավորված են 10 բաժիններում՝ ըստ ուսումնական նպատակների և խնդիրների։

Պորտալում կան ավելի քան 100 արդյունավետ հրահանգների օրինակներ, որոնք կազմվել են ՀՀ կրթական ծրագրի բովանդակությունից բխող իրական օրինակներով։ Գործիքների ընտրությունը հիմնված է արդյունավետության, էթիկայի և սովորողների անվտանգության սկզբունքների վրա։ Տեղեկությունները ստուգված են գործիքների պաշտոնական կայքերում 2026 թ. հոկտեմբերի դրությամբ։

Պորտալը հավասարապես հարմար է համակարգչով, պլանշետով և հեռախոսով օգտագործման համար։

]]>
Ժաննա Անդրեասյանը և Միխայիլ Դեգտյարևը քննարկել են սպորտի ոլորտում Հայաստան-Ռուսաստան համագործակցության հեռանկարները https://factor.am/1080935.html Sat, 14 Nov 2026 15:24:57 +0000 https://factor.am/?p=1080935 ՀՀ ԿԳՄՍ նախարար Ժաննա Անդրեասյանն ու ՌԴ սպորտի նախարար Միխայիլ Դեգտյարևը քննարկել են երկու երկրների մարզական համագործակցության ընդլայնման հնարավորությունները և ստորագրել 2027 թվականի համատեղ միջոցառումների ծրագիրը։ Այս մասին տեղեկացնում են ԿԳՄՍՆ-ից։

«ԿԳՄՍ նախարար Ժաննա Անդրեասյանը շնորհակալություն է հայտնել ընդունելության համար և կարևորել սպորտի ոլորտում ձևավորված համագործակցության շարունակական զարգացումը, մարզական ֆեդերացիաների միջև կապերի ընդլայնումը, ինչպես նաև երիտասարդ մարզիկների աջակցությանը և սպորտի զարգացմանն ուղղված համատեղ ծրագրերի իրականացումը։

Հանդիպման ընթացքում կողմերն անդրադարձել են մարզիչների և մարզական մասնագետների մասնագիտական կարողությունների զարգացման հնարավորություններին։ Այս համատեքստում քննարկվել են փոխադարձ վերապատրաստումների, մասնագիտական փորձի փոխանակման ծրագրերի, համատեղ գիտագործնական համաժողովների և սեմինարների կազմակերպման, ինչպես նաև մարզիկների պատրաստման և վերականգնման ժամանակակից մեթոդաբանությունների փոխանակման հարցերը։ Կարևորվել է նաև սպորտային բժշկության ոլորտում համագործակցության զարգացումը։

Անդրադարձ է եղել նաև մասսայական սպորտի զարգացմանը, բնակչության ֆիզիկական ակտիվության խթանմանը։ Քննարկվել են դպրոցական և ուսանողական սպորտի զարգացման, երեխաների ու երիտասարդների՝ ֆիզիկական կուլտուրայով կանոնավոր զբաղվելու խրախուսման, զանգվածային մարզական միջոցառումների կազմակերպման և մարզական ենթակառուցվածքների զարգացման ուղղությամբ փորձի փոխանակման հնարավորությունները։

Առանձին քննարկման առարկա են դարձել ադապտիվ սպորտին առնչվող հարցերը՝ կարևորելով հաշմանդամություն ունեցող մարզիկների պատրաստման մեթոդաբանությունը և մասնագիտական փորձի փոխանակումը։

Հանդիպման ավարտին կողմերը ստորագրել են «Հայաստանի Հանրապետության և Ռուսաստանի Դաշնության միջև ֆիզիկական կուլտուրայի և սպորտի ոլորտում համագործակցության զարգացման 2027 թվականի միջոցառումների ծրագիրը», որն արտացոլված է Հայաստանի Հանրապետության և Ռուսաստանի Դաշնության միջև տնտեսական համագործակցության միջկառավարական հանձնաժողովի 24-րդ նիստի արձանագրությունում»,- ասվում է հաղորդագրությունում։

]]>
Աշակերտները նախարարի հետ քննարկել են բուլինգի և առցանց անվտանգության հարցերը https://factor.am/1080664.html Sat, 14 Nov 2026 09:16:37 +0000 https://factor.am/?p=1080664 ԿԳՄՍ նախարարին կից աշակերտական խորհրդի նոր կազմի առաջին նիստում քննարկվել են երեխաների առցանց անվտանգության, կիբերանվտանգության, բուլինգի կանխարգելման, ինչպես նաև կրթական համակարգում իրականացվող փոփոխությունների հարցերը։ Աշակերտները նախարարին են ներկայացրել իրենց առաջարկները և բարձրացրել նոր դասագրքերին, գնահատման համակարգին ու քննություններին վերաբերող խնդիրներ։

ԿԳՄՍ նախարարության հաղորդագրությունը՝ ստորև․

Տեղի է ունեցել ՀՀ կրթության, գիտության, մշակույթի և սպորտի նախարարին կից աշակերտական խորհրդի նոր կազմի անդրանիկ նիստը, որը վարել է նախարար Ժաննա Անդրեասյանը:

Նիստին մասնակցել է նաև ԿԳՄՍ նախարարի տեղակալ Աննա Բաբաջանյանը:

Աշակերտական խորհրդի նիստի օրակարգում ընդգրկված էին սովորողների առցանց անվտանգության, կիբերանվտանգության, բուլինգի, ինչպես նաև կրթական համակարգում ներդրված հիմնարար փոփոխությունների և ուսուցման գործընթացի բարելավման հարցերը:

Նախարար Ժաննա Անդրեասյանը մասնակիցներին շնորհավորել է խորհրդի նոր կազմում ընդգրկվելու առիթով՝ կարևորելով նաև նրանց դերն ու դիրքորոշումը հանրակրթության ոլորտում իրականացվող փոփոխությունների համատեքստում:
Անդրադառնալով երեխաների առցանց անվտանգության ապահովման խնդրին՝ նախարարը նշել է, որ տեխնոլոգիաների զարգացմանը զուգընթաց այս հարցը դառնում է ավելի ու ավելի հրատապ։ «Տեխնոլոգիաները ուսուցման գործընթացում շատ կարևոր գործիք են՝ դրանց ճիշտ և նպատակային օգտագործման դեպքում։ Գլխավոր խնդիրն այն է, որ դրական կողմերի հետ միասին, դրանք նաև բազմաթիվ մարտահրավերներ են առաջ բերել: Բազմաթիվ հետազոտություններ, այդ թվում՝ 4 տարին մեկ անցկացվող PISA (Program for International Student Assessment) միջազգային հետազոտությունը ցույց են տալիս, որ օրինակ՝ բուլինգը, ավելի լայն դրսևորումներ է ստանում առցանց տարածքում։ Եվ շատ կարևոր է հասկանալ՝ որն է երեխաներին այս տիրույթում պաշտպանելու ճիշտ ձևը»,- նշել է նախարարը՝ ընդգծելով, որ գործընկեր գերատեսչությունների ու կազմակերպությունների հետ իրականացվում են երեխաների առցանց անվտանգության պաշտպանությանը միտված գործիքակազմերի մշակման աշխատանքներ:

Նրա խոսքով՝ արդեն ձևավորվել է նաև համատեղ աշխատանքային խումբ՝ թիրախային անելիքները հասկանալու և համապատասխան քայլերը հստակեցնելու նպատակով։

Կարևորելով աշակերտների ամբողջական իրազեկվածությունը և թեմայի վերաբերյալ նրանց դիրքորոշումը՝ նախարարը մանրամասն հետաքրքրվել է, թե աշակերտներն ինչ են մտածում բուլինգի դրսևորումների, այդ երևույթի կանխարգելման, կիբերանվտանգության և առցանց տիրույթում պաշտպանված լինելու մասին, ինչպիսի վարքագիծ են դրսևորում սոցցանցերում և այլն։

Կիբերանվտանգության, բուլինգի առանձին դեպքերի, դրանց կանխման և հնարավոր ռիսկերի վերաբերյալ աշակերտները ներկայացրել են իրենց դպրոցների փորձառությունը, ինչպես նաև նախարարին ուղղել թեմայի հետ կապված մի շարք հարցեր, նաև հանդես եկել առաջարկներով:

Հատկապես ընդգծվել է դպրոցներում իրազեկման արշավների պարբերական անցկացումը, այս խնդիրների կանխարգելման ուղղությամբ հոգեբանների աշխատանքի արդյունավետության բարձրացումը, աշակերտ-դպրոց-ծնող համագործակցային կապի բարելավումը։

Նիստի ընթացքում աշակերտական խորհրդի անդամները նախարարին հարցեր են ուղղել նաև նոր դասագրքերի, գնահատման համակարգի, դպրոցների ավարտական և բուհերի ընդունելության քննությունների, թեստային առաջադրանքների, էսսեի ձևաչափի ներդրման նպատակի և այլնի վերաբերյալ։

]]>
Քննարկվել է ՀՀ դպրոցներում ռուսերենի դասավանդման արդյունավետության բարձրացումը https://factor.am/1079828.html Wed, 11 Nov 2026 14:13:21 +0000 https://factor.am/?p=1079828 ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանում Ռուսաստանի դեսպան Սերգեյ Կոպիրկինին։ Հանդիպման ընթացքում ի թիվս այլնի կողմերն անդրադարձել են Հայաստանի դպրոցներում ռուսերենի ուսուցման արդյունավետության բարձրացմանը, դասագրքերի որակի բարելավմանը և ուսուցիչների մասնագիտական կարողությունների զարգացմանը։

ԿԳՄՍ նախարարության հաղորդագրությունը՝ ստորև․

Հայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինին:Հանդիպմանը ներկա է եղել նաև ԿԳՄՍ նախարարի տեղակալ Քրիստինա Թաթարյանը:

ՀՀ ԿԳՄՍ նախարարության տարածած հաղորդագրության մեջ նշվում է, որ Ժաննա Անդրեասյանը կարևորել է երկու երկրների միջև բազմակողմ համագործակցության զարգացումը: Այս համատեքստում նա հիշատակել է 2026 թվականի նոյեմբերի 9-ից 16-ը Ռուսաստանում Հայաստանի մշակույթի օրերի անցկացումը, որի շրջանակում նախատեսվում են բազմաթիվ միջոցառումներ՝ ի նպաստ մշակութային կապերի ամրապնդմանը:Սերգեյ Կոպիրկինը շնորհակալություն է հայտնել հանդիպման համար՝ իր հերթին կարևորելով կրթամշակութային կապերի շարունակական զարգացումը: Ընդգծվել են միջթանգարանային համագործակցության, համատեղ նախագծերի իրականացման, երկխոսության հարթակների ձևավորման հնարավորությունները:

Կողմերը կարևորել են կրթության ոլորտում համագործակցությունը՝  այս համատեքստում  անդրադառնալով ՀՀ դպրոցներում ռուսերենի ուսուցման արդյունավետության բարձրացմանը, դասագրքերի որակի բարելավմանը, ուսուցիչների մասնագիտական կարողությունների զարգացմանը։ Հանդիպման ընթացքում քննարկվել են նաև Ռուս-հայկական համալսարանի 30 և Կ. Ստանիսլավսկու անվան ռուսական դրամատիկական թատրոնի 90-ամյակները 2027 թ. պատշաճ նշելու և միջոցառումներ կազմակերպելու հետ կապված հարցեր, ինչպես  նաև երկուստեք հետաքրքրություն ներկայացնող այլ հարցեր:

]]>
ԱԺ Կրթության, գիտության, մշակույթի, սպորտի և սփյուռքի հարցերի մշտական հանձնաժողովի նիստը` ՈՒՂԻՂ https://factor.am/1079265.html Tue, 10 Nov 2026 10:11:29 +0000 https://factor.am/?p=1079265 Մեկնարկել է ԱԺ Կրթության, գիտության, մշակույթի, սպորտի և սփյուռքի հարցերի մշտական հանձնաժողովի նիստը:

]]>
Փոխադարձ ճանաչել Հայաստան-Իրան ժամանակակից արվեստը. Ժաննա Անդրեասյանը հանդիպել է Իրանի փոխախագահին https://factor.am/1079124.html Mon, 09 Nov 2026 19:24:41 +0000 https://factor.am/?p=1079124 Հայաստանն ու Իրանը կխթանեն ժամանակակից արվեստի, գրականության, կինոյի և կրթության ոլորտներում համագործակցությունը։ Այս հարցերը քննարկել են ԿԳՄՍ նախարար Ժաննա Անդրեասյանն ու Իրանի փոխնախագահ Սեյեդ Համիդ Փուրմոհամմադին՝ Երևանում կայացած հանդիպման ընթացքում։

«Իրանի Իսլամական Հանրապետության փոխնախագահ Սեյեդ Համիդ Փուրմոհամմադիի գլխավորած պատվիրակության՝ Հայաստան պաշտոնական այցի շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է պատվիրակությանը:

Ողջունելով հյուրերին` ԿԳՄՍ նախարար Ժաննա Անդրեասյանն ընդգծել է երկու ժողովուրդների միջև պատմական, մշակութային դարավոր կապերի ամրապնդման կարևորությունը և շարունակականության ապահովումը: Նախարարն առանձնակի հիացմունքով հիշատակել է նախորդ տարի Իրանի Պերսեպոլիսի պատմական հուշարձան-համալիրի տարածքում տեղի ունեցած Հայաստանի ազգային ֆիլհարմոնիկ նվագախմբի բացօթյա համերգը՝ որպես բացառիկ մշակութային իրադարձություն՝ շնորհակալություն հայտնելով ջերմ ընդունելության համար:

Սեյեդ Համիդ Փուրմոհամմադին ևս կարևորել է երկու երկրների միջև կրթամշակութային կապերի ամրապնդումը՝ պատմական ժառանգության պահպանումն ու զարգացումը:

Կողմերն առանձնակի կարևորել են երկու ժողովուրդների ժամանակակից արվեստի ճանաչումն ու հանրահռչակումը՝ փոխադարձ միջոցառումների և համատեղ ծրագրերի իրականացման ճանապարհով: Մասնավորապես՝ նախանշվել է Թեհրանի սիմֆոնիկ նվագախմբի սպասվող համերգը Հայաստանում, կարևորվել է օրերս Գևորգ Ասատրյանի թարգմանությամբ լույս ընծայված Ֆիրդուսու «Շահնամե» ստեղծագործության հանրահռչակումը հայ ընթերցողների շրջանում:

Այս համատեքստում ընդգծվել է երկու երկրներում անցկացվող գրքի փառատոներին փոխադարձ մասնակցությունը, ժամանակակից գրականության թարգմանությունները, շնորհանդեսների կազմակերպումը: Արվեստի ոլորտում առանձնակի շեշտադրվել է ֆիլմարտադրությանը և կինոփառատոների անցկացմանն ուղղված ծրագրերի խթանումը՝ արդեն իսկ ունեցած հաջող փորձառության հիման վրա:

Քննարկվել է նաև երիտասարդության ոլորտում համատեղ նախագծերի իրականացման հնարավորությունը` մասնավորապես ընդգծելով երիտասարդական ճամբարների ձևավորման հեռանկարները: Պաշտոնյաները երիտասարդների ներգրավումը դիտարկել են նաև զբոսաշրջության զարգացման տեսանկյունից:

Հանդիպմանն անդրադարձ է եղել նաև Հայաստանի հանրակրթական դպրոցներում պարսկերենի ուսուցման խթանմանը: Այս համատեքստում կարևորվել են պարսկերեն ուսումնական նյութերի մշակումը, ուսուցիչների մասնագիտական վերապատրաստումն ու փորձի փոխանակումը:

Հանդիպմանը քննարկվել են երկուստեք հետաքրքրություն ներկայացնող այլ հարցեր»,- ասվում է հաղորդագրությունում:

]]>