«Այդ պահին ինքը զբաղված էր սադրանքով, իր լկտի վարքով և խոսելաձևով, որին ես ուղղակի ասացի՝ զբաղվի՛ր քո գործով։ Ինքը կանգնած տեղից շատ տհաճ բառապաշարով իմ թիմակիցներին ինչ-որ բան էր ասում։ Ասացի՝ զբաղվիր քո գործով։ Այդ նույն րոպեին ինքը ինչ-որ բան շպրտեց իմ վրա ու պատասխանը, բնականաբար, ստացավ, որովհետև ամեն անգամ չի կարելի ասել՝ դե ոչ ադեկվատ կին է, դե սադրիչ է, թող անցնի։ Ինչ-որ պահ է գալիս, որ պետք է մարդուն պատասխանը տաս, որ հասկանա՝ պետք է սթափվի։ Ընդամենը սա, իսկ առհասարակ Անի Խաչատրյանի հետ ես ոչ խոսելու բան ունեմ, ոչ իր հետ ընդհանուր եզրեր ունենք ու երբեք չենք էլ ունենա»,- պատմեց Ավետիսյանը։

Անդրադառնալով Անի Խաչատրյանի պնդմանը, թե Ավետիսյանն է վիրավորական արտահայտություններ հնչեցրել, ավագանու ընդդիմադիր անդամը հերքեց՝ նշելով, որ տեսագրությունները ցույց են տալիս տեղի ունեցածի իրական պատկերը։

Նշենք, որ Խաչատրյանը ծեծկռտուքից հետո ասել էր, որ Աննա Ավետիսյանն ավելորդ խոսել է։ «Ասաց՝ «դու… անցի՛ այն կողմ», «վեր ընկի էն կողմ», լավ չեմ հիշում արդեն, որի բարոյական և քաղաքական իրավունքը չուներ նա»,- ասել էր Անի Խաչատրյանը։

Հիշեցնենք, որ այսօր ավագանու նիստի ընթցաքում իրավիճակը լարվեց, բանը հասավ ծեծկռտուքին։ Դահլիճ հրավիրվեցին անվտանգության աշխատակիցները, նիստն ընդմիջվեց 30 րոպեով։ Սակայն դահլիճից դուրս՝ արդեն միջանցքում, կրքերը չհանդարտվեցին։ Ծեծկռտուքի մասնակիցներին փորձում էր հանդարտեցնել նաև Երևանի քաղաքապետ Տիգրան Ավինյանը։

Մանրամասները՝ տեսանյութում։

Արփի Հակոբյան

Ավելի վաղ հայտնել ենք, որ Վճռաբեկ դատարանը վարույթ չի ընդունել Երևանի ավագանու բողոքը, որը վերաբերում էր վճարովի ավտոկայանատեղիների՝ «կարմիր գծերի» թանկացմանը։ Այսպիսով՝ ուժի մեջ է մտել Վարչական դատարանի որոշումը, որով անվավեր են ճանաչվել ավագանու՝ կայանման վճարների բարձրացմանը վերաբերող դրույթները։

«Կարծում եմ՝ դատարանը, ամենայն հարգանքով, իրավասու չէ գնահատական տալու քաղաքական մարմինների քաղաքականության ճիշտ կամ սխալ լինելուն, ոնց որ և մենք իրավունք չունենք դատական իշխանության դատական ակտերի մասով իրավական հիմնավորումները վիճարկելու։

Մենք կարող ենք համաձայն չլինել, մենք կարող ենք ընդհանուր դատական իշխանության աշխատանքից դժգոհ լինել, բայց կոնկրետ դատական ակտերը, եթե օրինական ուժի մեջ մտած են, ենթակա են կատարման»,- նշեց նա։

Մանրամասները՝ տեսանյութում։

«Նաև ես պետք է նշեմ, որ որևիցե կերպ չեմ ուզում արդարացնել նաև իշխանության, այսպես ասեմ, պահվածքը, որովհետև իրենք պետք է լինեին այդ իրավիճակը հանդարտեցնողը և ոչ թե որոշակի սադրանքների տանողը։

Ընդհանրապես պատասխանատուն ո՞վ է այդ վարման։ Չեմ ասում կոնկրետ Փամբուխչյանը… իշխանությո՛ւնը, չէ՞։ Եթե բանից դուրս չի գալիս, գոնե իշխանությունը ինչ-որ լուծում գտնի»,- ասաց նա։

Մանրամասները՝ տեսանյութում։

Հիշեցնենք՝ ծեծկռտուքը սկսվեց այն բանի հետո, երբ իշխանական ավագանու անդամները ընդդիմության կողմից ենթադրյալ ընտրակաշառքի մասին խոսեցին, ինչպես նաև լրտեսության և պետական դավաճանության համար մեղադրվող Անդրանիկ Թևանյանի մասին։

Լրագրողի հարցին՝ Թևանյանի անմեղության կանխավարկածը չհարգելը նորմա՞լ երևույթ է, Գրիգորյանն արձագանքեց․ «Իսկ երբ որ իշխանությանը վարչական ռեսուրսի չարաշահում են վերագրում, այդ ո՞ր դատական ակտով է։ Իշխանությանը վերագրվող ո՞ր իրավախախտումն է դատական ակտով փաստաթղթավորված, մեկի անունը ասե՛ք։ Այդ ո՞նց է այդ երկակի ստանդարտը. այսինքն՝ երբ որ իշխանությանը քննադատելուց են լինում, այդտեղ անմեղության կանխավարկած չկա՞, դատարանի օրինական ուժի մեջ մտած վճռի պահանջ չկա՞։ Հենց ընդդիմության մասին ենք սկսում խոսել, նոր այդ ժամանակ դառնում է՝ «վա՛յ, անմեղության կանխավարկածը»»,- նշեց փոխքաղաքապետը։

Մանրամասները՝ տեսանյութում։

«Քաղաքական ուժերը չեն կարող անընդհատ խոսել իրավունքների կարևորության մասին, բայց իրենց վարքագծով տարածել ֆիզիկական կամ բռնության այլ տեսակների, վիրավորանքի, ատելության խոսքի և անհանդուրժողականության տարատեսակ դրսևորումներ:

Մարդու իրավունքների պաշտպան Անահիտ Մանասյանը հունիսի 23-ին Երևանի քաղաքապետարանում տեղի ունեցած միջադեպը մտահոգիչ է համարում մարդու իրավունքների տեսանկյունից և անհամատեղելի՝ ժողովրդավարական կառավարման ու քաղաքակիրթ քաղաքական բանավեճի հետ:

Պաշտոն զբաղեցնող անձինք իրենց այսպիսի վարքագծով ոչ միայն տարածում են բռնությունն ու անհանդուժողականությունը որպես վարքագծի օրինակելի ձև, այլ նաև խոչընդոտում են մարդու իրավունքների պաշտպանության և խթանման ամբողջ համակարգի զարգացմանը:

Այս ամենը խստորեն դատապարտելի երևույթ է»,- ասված է հաղորդագրությունում։

Հիշեցնենք, որ Երևանի ավագանու նիստի ժամանակ ավագանու անդամների միջև ծեծկռտուք էր սկսվել։

Հունիսի 15-ին սոցիալապես անապահով ընտանիքի անչափահաս քույրերը Փամբակ գետի վրա տեղադրված խողովակն օգտագործելով փորձել էին հասնել խնամքի կենտրոն, սակայն, այդպես էլ տեղ չէին հասել։ Քույրերն ընկել էին վարարած Փամբակ գետը։ Որոնողական աշխատանքների արդյունքում փրկարարները հունիսի 17-ին գտան 7-ամյա, իսկ 22-ին՝ 13-ամյա երեխաների մարմինները։

Այսօր վանաձորցիները Factor.am-ի հետ զրույցում հայտնեցին, որ այդ խողովակը այլ դժբախտությունների պատճառ էլ է դարձել։ Տարիներ առաջ 6-ամյա մի տղա է խողովակի վրայից ընկել գետը և խեղդվել։ Տարածքում անգամ հուշաքար կա, սական, մահաբեր խողովակը միայն քույրերի գետն ընկնելուց հետո հեռացվեց` հունիսի 18-ին։ Այն այժմ գցած է գետի ափին։

Ինչո՞ւ խողովակը հեռացվեց երկու քույրերի մահվան պատճառ դառնալուց հետո․ Factor.am-ն այսօր փորձեց այս հարցի պատասխանը ստանալ Վանաձորի համայնքապետի պաշտոնակատար Արկադի Փելեշյանից։ Համայնքապետարանից հայտնեցին, որ Փելեշյանը տեղում չէ։ Երբ առաջարկեցինք, որ հարցերին պատասխանի աշխատակազմի ղեկավարը, կրկին փոխանցեցին, որ տեղում չէ։ Համայնքի ղեկավարի օգնական Էդիկ Հունանյանն էլ առաջարկեց իրեն այդ թեմայով հարցեր չտալ։

Հարցերի պատասխան չունեն համայնքապետարանի հարևանությամբ գտնվող Լոռու մարզպետարանում։ Այստեղ ևս փոխանցեցին, որ մարզպետ Արեն Մկրտչյանը տեղում չէ` արձակուրդում է, իսկ փոխմարզպետը, ասացին, խիստ զբաղված է։ Մարզպետարանից նաև փոխանցեցին, որ հարցը համայնքապետարանի տիրույթում է։

Նախորդ շաբաթ լրագրողների հետ հանդիպմանը Նիկոլ Փաշինյանը, պատասխանելով հարցին, թե ինչու ավելի վաղ չէր հեռացվել խողովակը, ասել էր` գուցե քաղաքացիների դիմադրությանն արժանանար այդ գործընթացը։

«Այսպիսի բաներ կան, որ պետք է ավելի խորը վերլուծության արժանանան և հասկանանք՝ ի՞նչ պետք է անեինք, որ չենք արել։ Բայց էլի եմ ասում, որ եթե էս դեպքը չլիներ, գնային էդ կտրելու, ժողովուրդը դիմադրելու էր, չէ՞, ասելու էին՝ էդտեղով անցնում-դառնում ենք, ինչի՞ եք մոնտաժում։ Եվ, ցավոք, հաճախ է պատահում, որ մի ողբերգություն է լինում, նոր հետ ենք նայում, ասում ենք՝ բա ինչի՞ էս կամ էն որոշումը չի կայացվել, ինչի՞ տեղում էդ բանը տենց չի եղել»,- ասել էր վարչապետը։

Այսօր Վանաձորի «Երրորդ մաս» կոչվող թաղամասի բնակիչները Factor.am-ի հետ զրույցում ասացին, որ երբեք էլ դեմ չեն եղել, իրենց խոսքով ասած, «մահաբեր խողովակի» հեռացմանը՝ շեշտելով, որ տարածքում առկա է անվտանգ կամուրջ անցուդարձի համար։

Նարեկ Կիրակոսյան

Factor TV-ն փրկարարական ծառայողից հետաքրքրվեց՝ եթե այդ խողովակը տարբեր տարիների դժբախտությունների պատճառ է եղել, ինչո՞ւ ավելի վաղ չի ապամոնտաժվել։ Պաշտոնյան հորդորեց այլ պատասխանատուի ուղղել հարցը. «Դե դա արդեն համայնքի հետ կապված ա, մեր հետ կապված չի: Համայնքապետին դիմեք»։

Հիշեցնենք՝ հունիսի 15-ին՝ ժամը 17։05-ին, 112 ահազանգ էր ստացվել, որ 7 և 13 տարեկան երկու քույրեր Վանաձոր քաղաքի Նարեկացի փողոցի հասցեներից մեկից դուրս էին եկել և չէին հասել նախատեսված վայր։ Հունիսի 17-ին Փամբակ գետում հայտնաբերվել էր 2018 թվականի ծնված Նարե Մարտիրոսյանի մարմինը։ Ավելի ուշ ապամոնտաժվել էր «մահաբեր» անունը ստացած խողովակը։

Մանրամասները՝ տեսանյութում։

«Դեսպան Նարեկ Մկրտչյանն այցելել է Վաշինգտոնում գործող ռազմավարական հետազոտությունների ուղեղային կենտրոն՝ CSIS, որտեղ հանդիպում է ունեցել Եվրոպայի, Ռուսաստանի և Եվրասիայի ծրագրի տնօրեն Մաքս Բերգմանի, ինչպես նաև կենտրոնի այլ ներկայացուցիչների հետ։

Հանդիպման ընթացքում դեսպանը ներկայացրել է ՀՀ-ԱՄՆ համագործակցության օրակարգը՝ մասնավորապես անդրադառնալով վերջերս ստորագրված մի շարք փաստաթղթերի, որոնք ստեղծում են համագործակցության նոր հնարավորություններ բարձր տեխնոլոգիաների, արհեստական բանականության, կարևորագույն հանքանյութերի, կիսահաղորդիչների արդյունաբերության, էներգետիկայի և այլ ռազմավարական ոլորտներում։

Քննարկումների առանցքում են եղել նաև տարածաշրջանային զարգացումները և հաստատված խաղաղության գործընթացին առնչվող հարցերը՝ ներառյալ այդ գործընթացում Միացյալ Նահանգների ունեցած դերակատարումն ու ներդրումը։

Դիտարկվել են նաև CSIS-ի և հայկական հետազոտական ու վերլուծական կենտրոնների միջև համագործակցության հաստատման հնարավորությունները»,- ասված է ԱՄՆ-ոում ՀՀ դեսպանության տարածած հաղորդագրությունում։