Արամ Ա-ն նշել է, որ ինքը և Գարեգին Բ Ամենայն Հայոց կաթողիկոսը մշտական կապի մեջ են և պարբերաբար խորհրդակցում են հայրենիքին ու հայ ժողովրդին հուզող հարցերի շուրջ։ Նրա խոսքով՝ ինքը Գարեգին Բ-ին հայտնել է իր խոր մտահոգությունն ու նույնիսկ առաջարկել անձամբ չներկայանալ դատարան՝ փոխարենը ուղարկելով ներկայացուցիչ։

Մեծի Տանն Կիլիկիո կաթողիկոսը նաև կոչ է արել պետական պատասխանատուներին հարգալից վերաբերմունք ցուցաբերել Հայ Առաքելական եկեղեցու և Ամենայն Հայոց կաթողիկոսի նկատմամբ։

Նա ընդգծել է, որ նման հարցերը պետք է քննարկվեն փոխադարձ ըմբռնման և պատշաճության մթնոլորտում՝ միաժամանակ հարգելով պետության օրենքներն ու եկեղեցու ներքին կարգն ու կանոնը։

Հիշեցնենք՝ օգոստոսի 7-ին՝ ժամը 16։00-ին, Արմավիրի մարզի առաջին ատյանի ընդհանուր իրավասության դատարանում տեղի կունենա Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի և Գերագույն հոգևոր խորհրդի անդամ վեց եպիսկոպոսների քրեական գործի նախնական դատալսումների առաջին նիստը:

Ընդդիմադիր «Ուժեղ Հայաստան» խմբակցության պատգամավոր Տիգրան Աբրահամյանը հայտարարել է. «Աճել է պետական պարտքը։ 2018 թվականին եղել է 6,9 միլիարդ դոլար, թող լինի 7 միլիարդ։ Այսօր 14,5 միլիարդ դոլար է»։

Իրականում, 2018-ի ապրիլին պարտքը կազմել է 6 միլիարդ 867 միլիոն դոլար, իսկ այս տարվա հունիսի վերջին պաշտոնական թիվը 13,9 միլիարդ դոլար է։

14,5 միլիարդի ցուցանիշը ստացվում է այն դեպքում, եթե պաշտոնական պարտքին գումարվեն Կենտրոնական բանկի պարտքը (462,6 միլիոն դոլար) և Կառավարության ներքին երաշխիքները (173,3 միլիոն դոլար)։ Բայց այս տարվա սկզբին Կառավարության նախաձեռնությամբ այս ցուցանիշները հանվել են պետական պարտքի պաշտոնական հաշվարկից։

Աբրահամյանը նաև ասում է․ «Պատկերացնենք հինգ հոգանոց հայկական ընտանիք, այդ ընտանիքը 25 հազար դոլար պարտք ունի»։ 

Այս հաշվարկը հեռու է գործնական իրականությունից, քանի որ պարտքի մարմանը մասնակցում են նաև խոշոր ընկերությունները. օրինակ՝ 2026-ի բյուջեով քաղաքացիների եկամտահարկը կազմում է հարկային մուտքերի ընդամենը 26%-ը։

Իշխող «Քաղաքացիական պայմանագիր» խմբակցության պատգամավոր Սերգեյ Բագրատյանն էլ հակադարձել է. «Այս պահին ՀՀ բանկերում Հայաստանի քաղաքացիներն ունեն 7 տրիլիոն ավանդ, 7 տրիլիոն։ Երբևէ նման թիվ չի եղել․․․ Մոտ 20 միլիարդ դոլար քաղաքացիների փողն է։ Դա նշանակում է՝ մենք բարեկեցիկ հասարակություն ունենք»։

Այս պնդումը ևս անճշտություններ է պարունակում. ռեզիդենտների ավանդները կազմում են 6 տրիլիոն 412  միլիարդ դրամ (շուրջ 17,8 միլիարդ դոլար), իսկ հաշիվների ընթացիկ միջոցները հանելու դեպքում թիվը նվազում է ևս 5 միլիարդ դոլարով։ Բացի այդ՝ ավանդները մարդկանց սեփականությունն են, իսկ պարտքը՝ բոլորինը։

Ինչ վերաբերում է Կառավարության ստանձնած ներքին երաշխիքներին, ապա հունիսի վերջին դրանց ծավալը 173 միլիոն դոլար էր, որից 150 միլիոնը հատկացվել է «Լիդիան Արմենիա» ընկերությանը՝ Ամուլսարի հանքի շահագործման համար։ Եթե ընկերությունը չփակի իր վարկը, դրա մարման պարտավորությունը մնալու է Հայաստանի Հանրապետության ուսերին։

Մանրամասները՝ տեսանյութում։

Գարիկ Հարությունյան

Սամվել Սիմոն Սիմոնյանը Հանրապետության տոնի առթիվ, կրթության, գիտության, մշակույթի, տնտեսության զարգացման, ինչպես նաև հայապահպանության գործում ներդրած նշանակալի ավանդի և երկարամյա արգասաբեր գործունեության համար պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով:

Նախագահ Վահագն Խաչատուրյանը շնորհավորել է Սամվել Սիմոն Սիմոնյանին՝ բարձր գնահատելով նրա երկարամյա հայրենանվեր գործունեությունը: Հանրապետության նախագահը նրան մաղթել է քաջառողջություն, նոր հաջողություններ և շարունակական արդյունավետ գործունեություն:

Որոշմամբ, ընդհանուր առմամբ նախատեսվում է ապահովել 61 մանկապարտեզի հիմնանորոգման/վերանորոգման շինարարական աշխատանքները (35 մանկապարտեզի մասով՝ աշխատանքներն ավարտելու, 8 մանկապարտեզի մասով՝ աշխատանքները մեկնարկելու, իսկ 18 մանկապարտեզի մասով հիմնական շինարարական աշխատանքներն ավարտված են, սակայն անհրաժեշտություն է առաջացել լրացուցիչ աշխատանքների)։ Արդյունքում՝ կապահովվի «մինչև 2026թ 300 դպրոցի և 500 մանկապարտեզի կառուցման, վերակառուցման, հիմնանորոգման և վերանորոգման» ծրագրի շարունակական կատարումը։

Նիկոլ Փաշինյանը ներկայացրել է մանկապարտեզների ցանկը.

Արագածոտնի մարզ՝ Աշտարակի թիվ 5 Արաքս Մուրադյանի անվան մանկապարտեզ, Աշտարակ բնակավայրի թիվ 1 «Մանուշակ» մանկապարտեզ, Ապարանի թիվ 1 մանկապարտեզ, Քուչակի մանկապարտեզ, Հարթավանի մանկապարտեզ, Ներքին Սասնաշենի մանկապարտեզ,

Արարատի մարզ՝ Վեդու թիվ 2 նախադպրոցական ուսումնական հաստատություն, Փոքր Վեդու «Զարթոնք» նախադպրոցական ուսումնական հաստատություն, Մասիս համայնքի Մասիս քաղաքի թիվ 5 մսուր-մանկապարտեզ, Արտաշատ համայնքի Դալար գյուղի մանկապարտեզ, Արտաշատի թիվ 4 մսուր-մանկապարտեզ, Վանաշենի նախադպրոցական ուսումնական հաստատություն, Մասիս համայնքի Սիս գյուղի «Անուշիկ» մսուր-մանկապարտեզ,

Արմավիրի մարզ՝Այգեկի մանկապարտեզ,

Գեղարքունիքի մարզ՝ Մարտունի քաղաքի թիվ 4 մանկապարտեզ, Ձորագյուղի մանկապարտեզ, Սևան համայնքի «Հեքիաթ» մանկապարտեզ, Ծովագյուղի մանկապարտեզ, Կարմիրգյուղի մանկապարտեզ, Զովաբերի մանկապարտեզ, Գավառի թիվ 7 մանկապարտեզ, Ճամբարակի թիվ 3 մսուր-մանկապարտեզ,

Լոռու մարզ՝ Շիրակամուտի «Արևիկ» մանկապարտեզ, Վանաձորի թիվ 32 մանկապարտեզ, Ալավերդի համայնքի «Արևներ» մսուր-մանկապարտեզ, Վանաձորի թիվ 40 մանկապարտեզ, Վանաձորի թիվ 11 մանկապարտեզ,

Կոտայքի մարզ՝ Մրգաշենի մանկապարտեզ, Հրազդանի թիվ 13 ՆՈՒՀ, Գառնիի մանկապարտեզ, Շիրակի մարզի՝«Լապտերիկ» մսուր մանկապարտեզ, Սառնաղբյուրի մանկապարտեզ, Արևիկ մանկապարտեզ,
Սյունիքի մարզ՝ Գորիս քաղաքի թիվ 5 ՆՈՒՀ, Սիսիանի թիվ 4 ՆՈՒՀ, Լեռնաձորի մանկապարտեզ, Անգեղակոթի մանկապարտեզ, Շաղատի մանկապարտեզ, Ներքին Խնձորեսկի մանկապարտեզ,

Վայոց ձորի մարզ՝ Աղավնաձորի մանկապարտեզ, Վայքի թիվ 1 մանկապարտեզ, Վայքի թիվ 3 մանկապարտեզ,

Տավուշի մարզ՝ Դիլիջանի թիվ 1 մանկապարտեզ, Հաղարծինի մանկապարտեզ, Կոթիի մսուր-մանկապարտեզ, Սարիգյուղի մանկապարտեզ, Բերդավանի մսուր-մանկապարտեզ, գ․ Տավուշի մանկապարտեզ, Վերին Կարմիրաղբյուրի մանկապարտեզ, Պառավաքարի մանկապարտեզ, Չորաթանի մանկապարտեզ, Չինչինի մանկապարտեզ, Չինարի մանկապարտեզ, Նավուրի մանկապարտեզ, Ներքին Կարմիրաղբյուրի մանկապարտեզ, Մովսեսի մանկապարտեզ, Վ․ Ծաղկավանի մանկապարտեզ, Բերդ քաղաքի թիվ 3 մսուր-մանկապարտեզ, Բերդ քաղաքի թիվ 2 մսուր-մանկապարտեզ, Այգեձորի մանկապարտեզ և նույն մանկապարտեզի 2-րդ մասնաշենք։

Որոշմամբ գումար է հատկացվում նաև մանկապարտեզների բակերի բարեկարգման համար։ Կարևորելով այդ հարցի լուծումը՝ վարչապետն ընդգծել է, որ տվել է համապատասխան հանձնարարական։

Հովհաննես Ավոյանը Հանրապետության տոնի առթիվ, կրթության, գիտության, մշակույթի, տնտեսության զարգացման, ինչպես նաև հայապահպանության գործում ներդրած նշանակալի ավանդի և երկարամյա արգասաբեր գործունեության համար պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով:

Նախագահ Վահագն Խաչատուրյանը շնորհավորել է Հովհաննես Ավոյանին բարձր պարգև ստանալու առթիվ, վստահություն հայտնել, որ նրա փորձն ու գործունեությունը հետագայում ևս կնպաստեն Հայաստանի Հանրապետության զարգացմանն ու առաջընթացին: Նախագահը նրան մաղթել է շարունակական ձեռքբերումներ ու նորանոր հաջողություններ:

Անդրադառնալով Արամ Վարդևանյանի ելույթներին՝ պատգամավորը նկատել է, որ դրանք թատերականացված տպավորություն են թողնում․ «Երբ որ դուք ելույթ եք ունենում, իմ մոտ այնպիսի տպավորություն է, որ հեսա պիտի այդ պահին լույսերը անջատվեն, պրոժեկտորը միանա, սպիտակ ծրարով և ոսկե արձանիկով մեկը դուրս գա ու ասի՝ «Օսկարը գնում է քեզ, Արամ Վարդևանյան»։ 

Նա նաև քննադատել է թեկնածուի, ըստ Գաբրիելյանի մեկնաբանմամբ, ուղիղ հարցերին բովանդակային չպատասխանելու ունակությունը։ 

Մանրամասները՝ տեսանյութում։

Եվգենյա Համբարձումյան

Ազգային ժողովի նիստում պատգամավոր Նարեկ Ղահրամանյանն խորհրդարանում անդրադարձել է ԱԺ նախագահի տեղակալի թեկնածու Արամ Վարդևանյանի մասնագիտական ու քաղաքական անցյալին, ընտրակաշառքի թեմային և ադրբեջանցիների վերադարձի վերաբերյալ շրջանառվող թեզերին։

Ղահրամանյանը կասկածի տակ է դրել ընդդիմադիր խմբակցությունների լեգիտիմությունը՝ Արամ Վարդևանյանին անվանելով «ամենամեծ մանդատագողը»։ Ըստ նրա՝ ընդդիմությունն իր մանդատները ստացել է կեղծ թեզերի շնորհիվ։

«Եթե չլիներ ձեր կողմից կեղծ թեզը 300,000 ադրբեջանցիների… հինգ տարի հետո եթե 300,000 ադրբեջանցիները վերադարձած չլինեն, ես ձեր բոլորի նկարները դնելու եմ իմ ֆեյսբուքյան պատին և… համարելու եմ «բեզաչոտնիկ»»,- հայտարարել է պատգամավորը, ինչի համար արժանացել է նիստը նախագահողի զգուշացմանը։

Այս արտահայտությունից հետո ԱԺ փոխնախագահ Վահագն Ալեքսանյանը նախազգուշացում է հայտարարել Ղահրամանյանին և կոչ արել զերծ մնալ նման որակումներից։

Մանրամասները՝ տեսանյութում։

Եվգենյա Համբարձումյան

Խոսելով ԱԺ փոխխոսնակի պաշտոնում Արամ Վարդևանյանի թեկնածության մասին՝ Կարապետյանը նրան բնութագրեց որպես «միջազգային մաշտաբի տաղանդավոր գործիչ»՝ ընդգծելով, որ իշխող «Քաղաքացիական պայմանագիր» խմբակցությունը մեծ սխալ թույլ կտա, եթե չընտրի նրան։ Լրագրողների այն դիտարկմանը, թե Վարդևանյանը փոխել է մի քանի քաղաքական ճամբարներ՝ ՀՀԿ, «Հայաստան» խմբակցություն, Կարապետյանը նշեց.

«Մարդուն զարգացումը միշտ անհրաժեշտ է։ Դա նման է համալսարաններ ավարտելուն․ սկզբից մեկն է ավարտում, հետո՝ մյուսը, իսկ հիմա նա եկել է ամենալավ համալսարանը՝ «Ուժեղ Հայաստան»։ Դուրս գալու հավանականությունը զրո է»։

Անդրադառնալով խորհրդարանում տիրող լարված մթնոլորտին և հնարավոր «բախումներին», Կարապետյանը նշեց, որ իր թիմակիցները պատրաստ են ցանկացած սցենարի։

«Մեր «ուժեղները» ուժեղ են և պատրաստ են կռվի։ Այն մարդիկ, ովքեր գնացել են Ազգային ժողով, քաջ գիտակցում են՝ ում հետ գործ ունեն»,- հայտարարեց նա։

Կարապետյանը պարզաբանեց նաև իր նախորդ հայտարարություններից մեկը, որը սուր արձագանք էր գտել իշխանական պատգամավորների շրջանում։ Նրա խոսքով՝ իր օգտագործած «գյոռմամիշ» արտահայտությունը վերաբերում էր ոչ թե ՔՊ-ին, այլ իրենից «բիզնես խլողներին»։

Ինչ վերաբերում է իր թիմակիցների կողմից ծառայողական մեքենաներից և պարգևավճարներից հրաժարվելուն, Կարապետյանը նշեց, որ դա նրանց անձնական որոշումն է. «Եթե անգամ օրենքով հնարավոր չլինի հրաժարվել պարգևավճարներից, այդ գումարները կուղղվեն բարեգործության»,- նշեց նա։

Զրույցի ավարտին Կարապետյանը վստահություն հայտնեց, որ մեկ տարի անց իր թիմի գործունեությունը կգնահատվի որպես «փառահեղ հաղթանակ»։

Մանրամասները՝ տեսանյութում։

Ռոզա Վարդանյան

Արձագանքելով պատգամավորի հարցին, թե ի՞նչ փուլում է գտնվում քաղաքացիությունից հրաժարվելու գործընթացը, Արամ Վարդևանյանը պարզաբանել է, որ հիմնական խնդիրը Սամվել Կարապետյանի անազատության մեջ գտնվելն է։ 

«Սամվել Կարապետյանը մինչ օրս կալանավորված է։ Քաղաքացիությունից հրաժարվելու գործընթացի համար… անձը ֆիզիկապես պետք է գնա դեսպանատուն»,- նշել է նա։

Վարդևանյանը դժգոհություն է հայտնել դատական համակարգի կողմից կիրառվող սահմանափակումների վերաբերյալ՝ շեշտելով, որ Կարապետյանին թույլ չեն տալիս նույնիսկ մարդկային տարրական գործողություններ կատարել։ 

«Սամվել Կարապետյանին մինչ օրս թույլ չեն տվել նույնիսկ իր հոր գերեզմանը այցելի»,- հայտարարել է նա։

Մանրամասները՝ տեսանյութում։

Եվգենյա Համբարձումյան

«Մենք վատ փորձ ունենք կապված հավատարմագրային կառավարման տալու հետ։ Օրինակ, «Վեոլիա ջուրը» տրված է հավատարմագրային կառավարման և անգամ կառավարությունն ընդունում է, որ խնդիրները ներդրում չանելուց է, իսկ ներդրում պետք է անի պետությունը։ Նախ պետք է պարզել, թե այդ կազմակերպությունը ինչքանո՞վ է վերցնելու և տարեկան մինչև 40-50 մլրդ ներդրումային ծրագիրն ով է իրականացնելու։ Ենթադրում եմ, որ այդ ընկերությունը չի իրականացնի, որովհետև իր սեփականը չի, պետք է ի վերջո, շահույթ ունենա, պետությունն էլ չունի դա իրականացնելու հնարավորությունը»,- նշեց նա։

Մանրամասն՝ տեսանյութում։