Ամենայն Հայոց Գարեգին Բ կաթողիկոսին Վեհարանից հեռացնելու արշավի շրջանակում Փաշինյանը գրեթե ամեն կիրակի մասնակցում է պատարագի։ Նրան ուղեկցում են ՔՊ կուսակցության անդամներ։ Factor.am-ն այսօր փորձել է պարզել՝ արդյո՞ք Փաշինյանի հետ ամենուր պատարագի մասնակցող ՔՊ-ականներն այսօր որևէ եկեղեցի այցելել են։

Երևանի ավագանու անդամ Քրիստինե Վարդանյանը, որ Փաշինյանի հետ պատարագի է գնացել Հովհաննավանք, Գյումրիի Յոթ Վերք, Թալինի ու այլ եկեղեցիներ, այսօր Factor.am-ին փոխանցեց՝ պատարագի չի մասնակցել։

«Ես այս կիրակի չեմ մասնակցել, որովհետև դասընթացի եմ»,- ասաց նա։

Ավագանու ՔՊ-ական անդամից հետաքրքրվեցինք՝ արդյո՞ք չմասնակցելը պայմանավորված է նաև Նիկոլ Փաշինյանի բացակայությամբ։
«Նաև դրանով է պայմանավորված, բայց նաև դասընթացի եմ հիմա։ Ես պատարագին մասնակցում եմ առաջին հերթին Նիկոլ Փաշինյանի կոչով։ Ո՛չ, թե կոչով, այլ, որ Նիկոլ Փաշինյանն ասում է, որ էս ինչ օրը, էս ինչ տեղը գնալու է պատարագի, ես ևս գնում եմ։ Այսօր չկա Նիկոլ Փաշինյանի այդ առաջարկը, ես էլ գտնվում եմ դասընթացի»,- ասաց Վարդանյանը։

Պատարագի ակտիվ մասնակիցներից առողջապահության նախարար Անահիտ Ավանեսյանը նույնպես այս կիրակի չի մասնակցել պատարագի։ Նրա մամուլի խոսնակը Factor.am-ին փոխանցեց, որ և՛ նախորդ կիրակի, և՛ այս կիրակի նախարարը չի մասնակցել պատարագի։

ՔՊ վարչության անդամ Ալխաս Ղազարյանը Factor.am-ին ասաց՝ առողջական խնդիրների պատճառով չի կարողացել պատարագի մասնակցել։ Նա նշեց, որ եթե խնդիրներ չունենար, պետք է Թալինի եկեղեցի գնար։

ՔՊ-ական պատգամավոր Էմմա Պալյանն էլ Factor.am-ին վստահեցրեց, որ այս կիրակի պատարագի մասնակցել է Գյումրիի Անի թաղամասի եկեղեցում։

Պատարագների մեկ այլ մշտական մասնակից՝ ՔՊ վարչության փոխնախագահ Վահագն Ալեքսանյանն ու ՔՊ խմբակցության պատգամավոր Արման Եղոյանը մեր զանգերն անպատասխան թողեցին։

Նարեկ Կիրակոսյան

«Վարչապետը դեկտեմբերյ 21-ին Սանկտ Պետերբուրգում կմասնակցի Եվրասիական տնտեսական Բարձրագույն խորհրդի նիստին:

Դեկտեմբերի 22-ին կկայանա ԱՊՀ երկրների ղեկավարների ոչ պաշտոնական գագաթնաժողովը»,-հայտնում է վարչապետի մամուլի քարտուղար Նազելի Բաղդասարյանը:

Գրողի խոսքով՝ մեր քաղաքական դաշտում, օրինակ՝ Ազգային ժողովում, կռիվների ժամանակ պոպուլիզմը, հայհոյանքը, Օվերտոնի պատուհանի ընդլայնումը դարձել են քաղաքականություն վարելու գլխավոր միջոց. «Մարդիկ որպես արժեք ընդունել են, որ, եթե ուզում ես հասնել իշխի կամ մնալ իշխի, պետք է այդ միջոցներին դիմել, նրանք գիտեն, որ էմոցիոնալ բախումը ժողովուրդն ավելի շատ է դիտելու»:

Հարցին, թե կանգնած լինելով 2026-ի խորհրդարանական ընտրությունների շեմին, արդյոք մենք բավականաչափ քննադատական մտածողություն ունեցող հասարակություն ենք, այսպես ասած, «թացը չորից տարբերելու համար», մեր զրուցակիցը պատասխանում է.«Ոչ միայն մեզ մոտ, այլև աշխարհի մասշտաբով, ընտրությունների ժամանակ մարդն ընտրում է վատի ու վատթարի միջև, դրա համար նա քննադատական մտածողության կարիք ունի: Պետք է, օրինակ, իշխը տարբերել պետությունից, իսկ դա մեզ մոտ հաճախ նույնացվում է»:

Մանրամասները՝ տեսանյութում:

Աննա Բաբաջանյան

Ակցիան փորձեցին խոչընդոտել ՀՀ ԱԱԾ ծառայողները՝ նշելով, որ չի կարելի ԱԱԾ-ի դիմաց ակցիա անել։ Ծառայողներից մեկը նաև խոչընդոտեց Factor.am-ի լրագրողի աշխատանքը՝ նախ առաջարկում էր, որ չտեսանկարահանենք, նկարածը ջնջենք, ապա փորձ արեց հեռախոսը վերցնել լրագրողի ձեռքից, սակայն նրան չհաջողվեց։

ԱԱԾ-ի դիմաց տեղադրված առարկաները մի քանի րոպե մնալուց հետո պարեկային ծառայողների կողմից հավաքվեցին։

Ակցիայից հետո կազմակերպիչ Կարեն Քյուփելյանին ոստիկանությունը բերման է ենթարկել։ Այս տեղեկությունը Factor.am-ին փոխանցեց Կարեն Քյուփելյանը։ Նա նշեց, որ ոստիկանության կենտրոնի բաժնում է։

ՆԳՆ-ից Factor.am-ին հայտնեցին, որ ակցիայից հետո երկու անձ ներկայացվել է համայնքային ոստիկանության կենտրոնական բաժին։ Ըստ ՆԳՆ-ի՝ նրանք չեն կատարել ոստիկանների օրինական պահանջը։

Նշենք, որ 2024 թվականից ՀՀ կառավարության որոշմամբ ՀՀ ԱԱԾ ծառայողի օրն այլևս չի նշվում դեկտեմբերի 20-ին։ ՀՀ ԱԱԾ աշխատակցի օրը հունվարի 8-ն է։

Նարեկ Կիրակոսյան

Հայտարարությունը ներկայացնում ենք ստորև.

«Հակաեկեղեցական հրոսակախումբը իր տխրահռչակ պարագլխի բացահայտ հովանավորությամբ դեկտեմբերի 18-ին կրկին ներխուժեց Մայր Աթոռ, փորձելով ասպատակել նվիրական սրբավայրը։

Քստմնելի էր արշավորդների առաջին շարքերում տեսնել տիրադավությունն իրենց ճակատին որպես աղվեսադրոշմ դաջած դեռևս բարձրաստիճան հոգևորականներին, որոնք ոստիկանական շարքերի հետևում էին ծվարել՝ շփոթված և շվարած հայացքներով։

Ակնհայտ է, որ իրենք ևս հասկանում են, որ ընտրել են ինքնաոչնչացման և ինքնաժխտման ճանապարհը՝ խամաճիկ դառնալով խառնակիչ տիկնիկավարի ձեռքին, որը կարճ ժամանակ հետո իրենց ևս զոհաբերելու է ատելության և թշնամության իր արյունածարավ կուռքին։

Մայր տաճարի պատերը շատ ասպատակողների են տեսել՝ սա էլ տեսան (բոլորն էլ փոշիացել են) և այդ առումով դեկտեմբերի 18-ը կմնա մեր նորագույն պատմության խայտառակ ու ամոթալի էջերից մեկը։

Այս ամոթալի պատկերի դիմաց առանձնակի հիացմունքով ենք անդրադառնում մեր ուխտապահ եկեղեցականներին և հավատացյալ ժողովրդի խիզախ կեցվածքին, որը ևս մեկ անգամ փաստեց, որ հայ մարդու մեջ չի կարող սպանվել ինքնության զգացումը՝ անկախ հալածանքների սաստկությունից։

Մեր և կալանավորված մեր մյուս հոգևոր եղբայրների՝ Միքայել և Մկրտիչ սրբազանների անունից, մեր հավատարմությունն ենք հայտնում Ամենայն Հայոց Հայրապետին և Լուսավորչի գահին, և մեր զորակցությունը զինվորյալ և նվիրյալ հոգևոր դասին և ժողովրդին։ Առանձնակի ջերմությամբ աղոթում ենք Տեր Վրթանես քհն․ Բաղալյանի շուտափույթ ապաքինման համար։

Թող մեր տերը անխախտ ու անսասան պահի Մայր աթոռ Սուրբ Էջմիածինը, մեր համբուրելի և խոցված հայրենիքն ու ժողովրդին, որպեսզի մեր կյանքից մեկնի մեգը, մերժվի մառախուղը, վերանա մութը, չքանա չարիքը, հալածվեն հուսահատությունները և թագավորի Տիրոջ ամենակարող ձեռքը»։

Բագրատ արք․ Գալստանյան

Արշակ արք․ Խաչատրյան

19․12․2025»։

Հիշեցնենք, որ դեկտեմբերի 18-ինՀայ Առաքելական եկեղեցու տասը եպիսկոպոսներ հավատացյալներին կոչ էին արել հավաքվել Մայր Աթոռում և պահանջել Գարեգին Բ-ից հեռանալ։ Հայ առաքելական եկեղեցու Արագածոտնի թեմը հայտնել էր, որ դեկտեմբերի 18-ին՝ ժամը 19:00-ին, Արագածոտնի թեմի Բյուրականի Սուրբ Հովհաննես եկեղեցում նախատեսված միասնական ժամերգությունը կտեղափոխվի և տեղի կունենա Մայր Աթոռ Սուրբ Էջմիածնում նույն օրը՝ ժամը 17:00-ին:

Մինչ կաթողիկոսը միասնության կոչ էր անում և իր դեմ դուրս եկած Կճոյանին, Միրզախանյանին, Սարոյանին և մյուսներին առաջարկում է վերադառնալ հարցերը եկեղեցական կանոններով քննարկելուն, վերջինները Մայր Աթոռի քարտուղարություն Գարեգին Բ-ի հրաժարականի պահանջով դիմում են ներկայացրել։

«Բացարձակապես զարմացած չեմ և ունեմ խորը վստահություն, որ իր համագործակցությունը ԿԳԲ-ի իրավահաջորդ ՖՍԲ-ի հետ շարունակվում է»,- նշում է «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը։

Ի՞նչ է ցույց տալիս տեղեկատվության այս արտահոսքը, որքանո՞վ այն կարելի է վստահելի համարել։ Իրավապաշտպան Զարուհի Հովհաննիսյանն այստեղ խնդրահարույց դրսևորում է տեսնում։ 

«Եթե լյուստրացիայի մասին ենք խոսում, օրինակ՝ գաղտնի գործակալների ցանցի կամ համագործակցության վերաբերյալ, այդ փաստաթղթերը տրամադրվում են կոնկրետ օրենքի շրջանակում, և մեր փորձից եմ ասում, որ ցանկացած նմանատիպ հարցման պարագայում ԱԱԾ-ն բաց այսպիսի փաստաթղթեր չի փոխանցում, հատկապես՝ լրատվամիջոցներին»,- նշեց Զարուհի Հովհաննիսյանը։

Իրավապաշտպանի խոսքով՝ սա բերում է այն մտքին, որ Ազգային անվտանգության ծառայությունը փաստաթուղթն իշխող կուսակցության կողմից ստեղծված լրատվամիջոցին տրամադրել է հրահանգով։ 

Հովհաննիսյանի կարծիքով՝ խնդիր է փաստաթղթի՝ նման կերպ հրապարակումը։ 

«Նույն իրավիճակը ստեղծվել էր, օրինակ, Արարատ Միրզոյանի շուրջ մի քանի տարի առաջ, և նա չհերքեց, այլ հաստատեց, որ որպես Հայոց ցեղասպանության թանգարանի գիտաշխատող այդ շրջանակում համագործակցել է կոնկրետ պետության հետ և պետական կառույցի հետ։ Այսինքն՝ այդտեղ շատ դժվար է որևէ բան գտնելը և ասելը»,- նշեց իրավապաշտպանը։

Զարուհի Հովհաննիսյանի կարծիքով՝ Եզրաս արքեպիսկոպոս Ներսիսյանի համար այս փաստաղթղթի հրապարակումը որևէ հետևանք չի կարող ունենալ։ Նրա դիտարկմամբ՝  փորձ է արվում լեգիտիմացնել այն գործընթացները, որոնք եկեղեցու շուրջ են տեղի ունենում, իսկ Դանիել Իոաննիսյանը ստեղծված իրավիճակը կապում է իշխանությունների կողմից լյուստրացիա չհայտարարելու հետ։ 

«Ակնհայտ է՝ հիմա հրապարակվեց քաղաքական նպատակահարմարության տեսանկյունից։ Սա, իհարկե, խնդիր է, որովհետև մենք պետք է ունենայինք լյուստրացիա, բոլոր այդ անձանց պետք է ինդենտիֆիկացնենք, հասարակական-քաղաքական կյանքից դուրս հանեինք»,- ասաց Իոաննիսյանը։

Կաթողիկոսի եղբայրը, ըստ Civic-ի հրապարակումների, Պետական անվտանգության կոմիտեի գործակալ է եղել 1986-88 թվականներին, այդ ժամանակ նա եկեղեցում որևէ պաշտոն չի զբաղեցրել։ Մինչ այդ, Գևորգյան հոգևոր ճեմարանի դասախոս է եղել, 1988-ից՝ Լենինգրադի Սբ. Հարություն եկեղեցու հոգևոր հովիվը։ 

Արդյո՞ք արտահոսքը հաստատում է, որ Եզրաս արքեպիսկոպոսի ենթադրյալ համագործակցությունը շարունակվում է նաև ՌԴ Անվտանգության դաշնային ծառայության հետ, այս մասին լրատվամիջոցը փաստեր չի ներկայացնում։  Իշխանականները տարբեր առիթներով որպես ասվածի ապացույց նշում են այն, որ  Եզրաս արքեպիսկոպոսը 2 ամիս առաջ Վլադիմիր Պուտինից Ալեքսանդր Նևսկու շքանշան է ստացել։  

Մանրամասները՝ տեսանյութում։

Եվգենյա Համբարձումյան

Վեհարանից Մայր տաճար ժամերգության գնացող Գարեգին Բ Ամենայն հայոց կաթողիկոսը լսում է իրեն ուղղված կողմ և դեմ արտահայտություններ։ Կաթողիկոսին ուղեկցող հոգևորականները թույլ չեն տալիս լրագրողներին մոտենալ Հայ առաքելական եկեղեցու առաջնորդին։ Գարեգին Բ-ն եկեղեցի է մտնում առանց քաղաքացիների վանկարկումներին արձագանքելու։

Նախատեսված ժամից ուշ վեհարանի մոտ են գալիս քաղաքացիներին Մայր Աթոռի բակ հրավիրած եպիսկոպոսները՝ Նավասարդ Կճոյանի, Վազգեն Միրզախանյանի, Գևորգ Սարոսյանի և մյուսների գլխավորությամբ։ Նշյալ հոգևորականներին ուղեկցում են ամուր շղթա կազմած քաղաքացիական հագուստով  անձինք, որոնք բիրտ կերպով հարվածում և հեռացնում են եպիսկոպոսներին հարցեր տալու ցանկություն ունեցող լրագրողներին։

Կաթողիկոսն ու նրան կաթողիկոսական գահից հեռանալու պահանջ ներկայացնող հոգևորականները միաժամանակ միմյանց կոչերով են դիմում։

«Շարունակվում են հարձակումները մեր Սուրբ եկեղեցու դեմ։ Սուրբ Էջմիածնի դեմ հերթական ոտնձգության փորձը կատարվեց այսօր, ցավոք, մեր որոշ եկեղեցականների միջոցով»,- հայտարարում է Ամենայն Հայոց կաթողիկոսը։

Մինչ կաթողիկոսը միասնության կոչ է անում և իր դեմ դուրս եկած Կճոյանին, Միրզախանյանին, Սարոյանին և մյուսներին առաջարկում է վերադառնալ հարցերը եկեղեցական կանոններով քննարկելուն, վերջինները Մայր Աթոռի քարտուղարություն Գարեգին Բ-ի հրաժարականի պահանջով դիմում են ներկայացնում։

Տասը եպիսկոպոսները հեռանում են՝  լավ պատրաստված  պաշտպանական շղթա կազմած քաղաքացիական հագուստով անձանց  ուղեկցությամբ ու էլի լագրողների և քաղաքացիներրի  նկատմամբ բիրտ  ուժի դրսևորմամբ։ Հարցերը, թե ինչու են եպիսկոպոսները  թիկնազորով  պատնեշված՝ մնում են անպատասխան։

«Մեր մասնակցությամբ թույլ չտվեցինք, որ պղծություն տեղի ունենա։ Տաճարի դռներն էին փորձում ջարդել, մեզ համար անընդունելի էր, մենք այդ առումով կարևոր դերակատարություն ունեցանք»,- ասում է ԱԺ «Հայաստան» խմբակցության պատգամավոր Գառնիկ Դանիելյանը։

ՔՊ խմբակցության պատգամավոր Արման Եղոյանը հակադարձում է․ «Դա միայն ժպիտ է առաջացնում, ո՞վ է հարձակվել եկեղեցու վրա։ Եկել էին հարձակվեին եկեղեցու տասը եպիսկոպոսների վրա, որ պաշտպանեն մյուս խումբ եպիսկոպոսներին»։

Ընդդիմության և իշխանության ներկայացուցիչնները միմյանց են մեղադրում Հայ Առաքելական եկեղեցու բնականոն գործունեությունը խաթարելու համար։

«Ալիք մեդիա»-ի հիմնադիր Արսեն Խառատյանը, անդրադառնալով կաթողիկոս-վարչապետ կոնֆլիկտին, նշում է, որ ապագայում այլ գործողություններ կլինեն, մինչև անգամ ձերբակալություն, եթե կողմերից որևէ մեկը զիջումների չգնա։

Ուշագրավ է, որ երեկ, երբ և՛ կաթողիկոսն ու նրա շքախումբը, և՛ տասը հոգևորականները  հեռացել էին, անգամ ընդդիմադիր և իշխանական քաղաքական գործիչներն ու պաշտոնյաներն էին գնացել, տարածքում հավաքված ժողովուրդը դեռ տևական ժամանակ չէր հանդարտվում՝ միմյանց հասցեին ատելության խոսք ու վիրավորանքներ հնչեցնելով։

Մանրամասները՝ տեսանյութում։

Նարեկ Կիրակոսյան

Ո՞ւմ է պետք կանխիկ փողը, ո՞վ է սիրում գումարը պահել թղթի տեսքով․ Factor TV-ն ուսումնասիրել է Կառավարության անդամների հայտարարագրերը։

Փոխվարչապետ Մհեր Գրիգորյանը 50 միլիոն դրամ կանխիկ ունի, Տիգրան Խաչատարյանը՝ 10 հազար դոլար։ Աշխատանքի և սոցիալական հարցերի նախարար Արսեն Թորոսյանը 3 միլիոն դրամի չափով կանխիկ է հայտարարագրել, արդարադատության նախարար Սրբուհի Գալյանը՝ 2,7 միլիոն դրամ և 5000 դոլար, արտաքին գործերի նախարար Արարատ Միրզոյանը՝ 37 հազար դոլար և 2 միլիոն 750 հազար դրամ, առողջապահության նախարար Անահիտ Ավանեսյանը կանխիկ 250 հազար դրամ ունի, բարձր տեխնոլոգիական արդյունաբերության նախարար Մխիթար Հայրապետյանը՝ 4 միլիոն 910 հազար դրամ և 8700 եվրո։

Էկոնոմիկայի նախարար Գևորգ Պապոյանը 1 միլիոն 900 հազար դրամ է հայտարարագրել, ներքին գործերի նախարար Արփինե Սարգսյանը՝ 1,5 միլիոն դրամ, 34 հազար դոլար և 500 եվրո։ Շրջական միջավայրի նախարար Համբարձում Մաթևոսյանը 2 միլիոն դրամ կանխիկ գումար ունի, տարվա սկզբին առկա 20 հազար դոլար կանխիկը ծախսել է։ Պաշտպանության նախարար Սուրեն Պապիկյանը 20 հազար դոլար, 10 հազար եվրո և 1 միլիոն դրամ է հայտարարագրել, տարածքային կառավարման և ենթակառուցվածքների նախարար Դավիթ Խուդաթյանը՝ 4,1 միլիոն դրամ, ֆինանսների նախարար Վահե Հովհաննիսյանը՝ 100 հազար դրամ։

Կառավարության միակ անդամը, որը կանխիկ գումար չի հայտարարագրել Կրթության, գիտության, մշակույթի և սպորտի նախարար Ժաննա Անդրեասյանն է։ 

«Ինչ կա մեր նորմալ, բնականոն կյանքում, որը սահմանված է օրենսդրությամբ, բարոյական նորմերով  և այլն, և այլն։ Ի՞նչ կա, որ հնարավոր չէ անել անկանխիկով»,- նույն նիստի ժամանակ նշեց վարչապետը։

Ինքը՝ Նիկոլ Փաշինյանը, 700 հազար դրամի և 500 դոլարի չափով կանխիկ է հայտարարագրել, նրա կինը՝ Աննա Հակոբյանը՝ 650 հազար դրամ և 8500 դոլար։

Կառավարությանը ենթակա մարմինների ղեկավարները ևս հայտարարագիր և կանխիկ գումարների վերաբերյալ տվյալներ են ներկայացնում։ Օրինակ՝ Շուկայի վերահսկողության տեսչական մարմնի ղեկավար Արմեն Կոտոլյանը 4 միլիոն դրամ և 2000 դոլար կանխիկ է հայտարարագրել, Սննդամթերքի անվտանգության տեսչական մարմնի ղեկավար Տիգրան Պետրոսյանն ավելի քան 186 միլիոն դրամ կանխիկ ունի, Վիճակագրական կոմիտեի նախագահ Ստեփան Մնացականյանը 22 հազար դոլար, 4 հազար եվրո, 2 միլիոն դրամ է հայտարարագրել, Քաղաքաշինության կոմիտեի նախագահ Եղիազար Վարդանյանը՝ 30 միլիոն 800 հազար դրամ, 19 հազար 500 եվրո, 24 հազար 900 դոլար։

«ՀԴՄ-ների մասին որ խոսեցիք, պատկերը բավականին լավն է։ Բոլոր կտրոնների քանակով 18 տոկոսանոց աճ ունենք, հասույթով 11 տոկոսանոց աճ ունենք։ Այստեղ ուրախալին այն է, որ անկանխիկի վարքագիծը կտրուկ փոխվել է առևտրում։ Անկանխիկի կտրոնների քանակով 52 աճ ունենք, իսկ հասույթների 31 տոկոսանոց աճ ունենք։ Այսինքն՝ կտրոնների և հասույթների մեծ մասն ապահովվում է անկանխիկի միջոցով»,- Կառավարության նույն նիստի ժամանակ հայտարարեց ՊԵԿ նախագահը։

Էդուարդ Հակոբյանը 4 միլիոն դրամ կանխիկ է հայտարարագրել։ Բնապահպանության և ընդերքի տեսչական մարմնի ղեկավար Հովհաննես Մարտիրոսյանը և Կադաստրի կոմիտեի ղեկավար Սուրեն Թովմասյանը կանխիկ գումարներ չունեն։

Վարչապետին ենթակա մարմիններից Ազգային անվտանգության ծառայության տնօրեն Անդրանիկ Սիմոնյանը 20 հազար դոլար և 15 միլիոն 350 հազար դրամ կանխիկ դրամ է հայտարարագրել, Պետական պահպանության ծառայության պետ Արթուր Գասպարյանը՝ 8 միլիոն 300 հազար դրամ, 9700 դոլար, 1800 եվրո։ Քննչական կոմիտեի ղեկավար Արթուր Պողոսյանը 14 միլիոն դրամ և 5 հազար դոլար կանխիկ ունի, Մարդու իրավունքների պաշտպան Անահիտ Մանասյանը՝ 3400 եվրո, 6600 դոլար և 100 հազար դրամ։

10 մարզերի ղեկավարները նույնպես կանխիկ գումարներ են հայտարարագրել, առանձնացրել ենք նրանցից մի քանիսինը։

Արարատի մարզպետ Սեդրակ Թևոնյանը 13 միլիոն դրամ կանխիկ գումարի է տիրապետում, Արմավիրի մարզպետ Վահրամ Խաչատրյանը 78 հազար 500 եվրո, 20 հազար դոլար և հայտարարատու տարվա սկզբին եղած 27 միլիոն 800 դրամից մնացած 3 միլիոն 800 հազար դրամ ունի։ Կոտայքի մարզպետ Ահարոն Սահակյանը 10 միլիոն դրամ կանխիկ գումար է հայտարարագրել, Շիրակի մարզպետ Դավիթ Առուշանյանը 10 միլիոն դրամ, 25 հազար դոլար և 18 հազար եվրո է հայտարարագրել։ Տավուշի մարզպետ Հայկ Ղալումյանը 10 հազար դոլար և 1 միլիոն դրամ կանխիկ դրամ ունի։ Վայոց ձորի մարզպետ Վահագն Արսենյանը մեծ չափի կանխիկ գումար է հայտարարագրել՝ 1,5 միլիոն դոլար, 35 միլիոն դրամ,  650 հազար եվրո, 5 միլիոն ռուբլի։

Հիմա այս պաշտոնյաների ի՞նչին է պետք կանխիկ փողը․ Փաշինյանի հարցին, փաստորեն, պետք է պատասխանեն առաջին հերթին հենց ինքն ու Կառավարության մյուս անդամները։

Մանրամասները՝ տեսանյութում։

Եվգենյա Համբարձումյան

Մեկնաբանելով 10 հոգևորականների կողմից Կաթողիկոսի հրաժարականի պահանջը և իշխանության կողմից եկեղեցու վերաբերյալ հնչող քննադատությունները, Դանիելյանը նշել է․ «Իշխանությունը, անձամբ Նիկոլ Փաշինյանը, միշտ ձգտել է միջամտել Հայ Առաքելական եկեղեցու ներքին գործերին։ Դեռ 2018 թվականից ի վեր բազմաթիվ հանդիպումներ են եղել Կաթողիկոսի հետ և ինքը այդ հարցը՝ կուսակրոնության մասին, չի հնչեցրել։ Փաշինյանը փորձել է պարտադրել իր կամքը, մասնավորապես՝ որոշ եպիսկոպոսների նշանակման կամ ազատման հարցում։ Երբ դա չի հաջողվել, սկսվել են տեղեկատվական գրոհները»։

Պատգամավորը նաև անդրադարձել է Մայր աթոռում իշխանական և ընդդիմադիր անձանց հավաքին՝ կաթողիկոսի պաշտպանության կամ հրաժարականի պահանջով․ «Այդ ժամանակ, երբ եկեղեցու ներսում ժամերգություն էր ընթանում, մի ագրեսիվ խումբ փորձում էր դուռը ջարդել և ներխուժել»։

Ի պատասխան իշխանության կողմից հնչող մեղադրանքներին, թե ընդդիմությունը մասնակցում է Հայաստանի դեմ հիբրիդային պատերազմին և ֆինանսավորվում է դրսից, Դանիելյանը հայտարարել է․ «Եթե մենք գործակալ ենք, թող քրեական գործեր հարուցեն և ապացուցեն։ Իշխանությունը պարբերաբար մեղադրանքներ է հնչեցնում՝ առանց որևէ փաստի։ Դա զրպարտություն է, որի նպատակը ընդդիմախոսներին վարկաբեկելն է»։

Նա հերքել է այն մեղադրանքները իշխանականների կողմից եղած, երբ ՀՅԴ-ի որոշ քայլեր նրանց հիշեցրել են հիբրիդային հարձակումներ, մասնավորապես՝ անվտանգային ճգնաժամերի դեպքում ընդդիմադիր ցույցերը և վարչապետի հրաժարական պահանջելը։ 2023 թվականի սեպտեմբերյան իրադարձությունները, երբ Դաշնակցության անդամները մասնակցել են Արցախի պաշտպանությանը․ «Մենք մեր կյանքով ենք ապացուցել մեր նվիրվածությունը հայրենիքին։ Մեր ընկերներից շատերը զոհվել են, այդ թվում՝ Երևանի քաղաքային կառույցի ղեկավարը։ Մեզ հակապետականության մեջ մեղադրելը ոչ միայն սուտ է, այլև անբարոյականություն»։

Խոսելով արտաքին քաղաքականության մասին՝ Դանիելյանը քննադատել է իշխանության վարած արտաքին քաղաքականությունը․ «Իշխանությունը պարբերաբար զիջումներ է անում, բայց դրա դիմաց ստանում է միայն նոր պահանջներ։ Ադրբեջանը օկուպացրել է ՀՀ ինքնիշխան տարածքները, բայց իշխանությունը շարունակում է խոսել խաղաղության մասին»։

Նա նաև անդրադարձել է Բաքվում պահվող հայ գերիների խնդրին՝ նշելով․ «Ադրբեջանի բանտերում մեր հայրենակիցները, այդ թվում՝ Արցախի ռազմաքաղաքական ղեկավարությունը, գտնվում են ծայրահեղ ծանր վիճակում։ Սա մեզ համար առաջնային խնդիր է, որը պետք է լուծվի»։

Հարցազրույցն ամբողջությամբ՝ տեսանյութում։

Ռոբերտ Անանյան

Նիստի ընթացքում քննարկվել են մայրաքաղաքում երթևեկության ծանրաբեռնվածության նվազեցմանն ուղղված առաջարկներն ու իրավիճակային լուծումները։ Մասնավորապես, անդրադարձ է կատարվել մասնավոր ընկերությունների կողմից մշակված նորարարական գործիքների կիրառման հնարավորությանը՝ ճանապարհային գրաֆիկի վերաբերյալ տվյալների հավաքագրման և վերլուծության միջոցով առավել արդյունավետ որոշումներ կայացնելու նպատակով։

Նիստի ավարտին փոխվարչապետը պատասխանատուներին հանձնարարել է ըստ իրավիճակների մանրամասն վերլուծել ներկայացված առաջարկները՝ 2026 թվականի սկզբին դրանք ամփոփելու և առաջիկա գործողությունների ծրագիր մշակելու համար։