«Այցի ընթացքում նախատեսված են հանդիպումներ տեղի պաշտոնյաների, ԱՄՆ փոխանակման ծրագրերի շրջանավարտների, «Խաղաղության կորպուսի» կամավորների, քաղաքացիական հասարակության ներկայացուցիչների, ուսանողների և ԱՄՆ գործընկերների հետ։ Կապանի ամերիկյան անկյունում հավատարմատար Ալենը կներկայացնի «Հիմնադիրների թանգարան» ցուցադրությունը, Մեղրիում կհանդիպի ԱՄՆ-ի կողմից ֆինանսավորվող ACCESS ծրագրի աշակերտների հետ, կայցելի Մեղրիի սահմանային հատված՝ ընթացիկ համագործակցության մասին ավելին իմանալու: Նախատեսվում է նաև այց «ՔոնթուրԳլոբալի» Գորիսի գրասենյակ՝ քննարկելու էներգետիկ անվտանգությանը և հնարավոր համագործակցությանը վերաբերող հարցեր։

Այցն ընդգծում է հայ-ամերիկյան աճող գործընկերությունը և մեր շարունակական համատեղ աշխատանքը՝ ընդլայնելու տնտեսական հնարավորությունները, ամրապնդելու էներգետիկ համագործակցությունը, աջակցելու կրթությանն ու մշակութային ժառանգության պահպանմանը և կառուցելու ավելի բարեկեցիկ ապագա մեր երկրների համար»,- ասվում է հաղորդագրությունում։

Խորհրդարանական ընտրություններում «Քաղաքացիական պայմանագիր» կուսակցության հաղթանակը ոչ թե քաղաքական ուժի, այլ Հայաստանի քաղաքացու հաղթանակն է։ «Ցանկացած հաղթանակ, բնականաբար, ոգևորություն է պատճառում, և դա մեզ համար միանշանակ հաղթանակ է, և դա մեր հաղթանակը չէ։ Դա Հայաստանի Հանրապետության արժանապատիվ, իրավատեր, պետականատեր ու պետականակենտրոն քաղաքացու հաղթանակն է», – նշեց Պետրոսյանը։

Նա շնորհակալություն հայտնեց ավելի քան 727 հազար քաղաքացիներին, ովքեր իրենց վստահության քվեն տվել են ՔՊ-ին և վարչապետ Փաշինյանին, ինչպես նաև շուրջ 1.5 միլիոն քաղաքացիներին, ովքեր մասնակցել են ընտրություններին՝ ցուցաբերելով բարձր քաղաքացիաիրավական գիտակցություն։

Անդրադառնալով սահմանադրական մեծամասնություն չունենալու հանգամանքին՝ Պետրոսյանը նշեց. «Այս պահին ունենք որակյալ մեծամասնություն։ Եթե նույնիսկ որակյալ մեծամասնություն չենք էլ ունենա, ունենք պարզ մեծամասնություն՝ ձևավորելու ենք միանձնյա իշխանություն»։

Ռոմանոս Պետրոսյանը վստահություն հայտնեց, որ խորհրդարան անցած ընդդիմադիր ուժերի ներսում կգտնվեն անհատներ, որոնց հետ հնարավոր կլինի համագործակցել պետական շահից բխող հարցերում։

«Ես լիահույս եմ և վստահ եմ, որ բոլոր երեք ընդդիմադիր ֆրակցիաների, եթե «Բարգավաճ Հայաստանը» կանցնի, իհարկե, կազմերում կլինեն ողջամիտ, հայաստանակենտրոն, արժանապատիվ անձինք, ում հետ որ գուցե աշխատենք, և իրենք առաջնահերթ իրենց անձնական ու իրենց կուսակցություններին ներկայացնող կլանային շահերը ցածր կդասեն պետական, ազգային ու հանրության շահերից»։

Նա հակադրեց ՔՊ-ի և ընդդիմադիր ուժերի ստացած քվեների բնույթը։ «Մեր բոլոր 727 հազար ձայները մենք վաստակել ենք բացառապես քաղաքական, գաղափարական, սկզբունքային դիրքորոշում ունեցող քաղաքացիների քվեով, ի տարբերություն ընդդիմադիր ճամբարի, որտեղ տասնյակ ընտրակաշառքի խոստումների կամ առարկայական տրման դեպքեր կան, որոնցով հիմա տասնյակ քրեական վարույթներ են նախաձեռնված»։

Պետրոսյանի խոսքով՝ «Հայաստանի էլեկտրական ցանցեր» ընկերության պետականացման գործընթացը մտել է հանգուցալուծման փուլ։ «Շաբաթների ընթացքում կառավարությունն արդեն որոշման ձևաչափում կընդունի հանրության գերակա շահ ճանաչելու այդ բեկումնային որոշումը, և որտեղ սահմանված կլինեն արդեն հետագա քայլերը՝ միտված վերջնական պետականացմանը»։

Նա պարզաբանեց, որ սեփականատերերի կողմից կառավարության առաջարկը մերժվելուց հետո, այժմ կառավարությունը մշակում է որոշման նախագիծ, որով ՀԷՑ-ը կճանաչվի հանրության գերակա շահ։ Դրանից հետո լիցենզավորված ընկերությունը կգնահատի բաժնետոմսերի արժեքը, կկատարվի փոխհատուցում, և «գործընթացը կավարտվի պետական ռեգիստրի գործակալությունում ՀԷՑ-ի 100% բաժնետոմսերը Հայաստանի Հանրապետության անունով գրանցելով»։

Խոսելով Ռուսաստանի կողմից հնարավոր տնտեսական ճնշումների մասին՝ Պետրոսյանն ընդգծեց, որ քաղաքացին իր քվեով ցույց է տվել, որ խաղաղությունն ու արժանապատիվ հարաբերություններն ավելի բարձր է դասում, քան հնարավոր տնտեսական խնդիրները։ Նրա խոսքով՝ իշխանությունն աշխատում է տնտեսության դիվերսիֆիկացման ուղղությամբ։

«Մեր էներգետիկ ենթակառուցվածքների, այդ թվում նաև արևային էներգետիկայի ոլորտում ունեցած զարգացման տեմպերն ու ահռելի պոտենցիալը ինձ վստահություն են ներշնչում, որ մենք կարողանալու ենք նաև պատվով դիմագրավելու էներգետիկ սպառնալիքներով պայմանավորված այդ մարտահրավերներին և ռիսկերը կառավարելի դարձնելուց հետո նաև դրանք լիովին չեզոքացնելու»։

Վարչապետի հետ միջադեպից հետո կալանավորված և արդեն 23 օր հացադուլի մեջ գտնվող Արթուր Օսիպյանի իրավիճակի վերաբերյալ Ռոմանոս Պետրոսյանը նշեց. «Ես ցավում եմ, որ այդ իրավիճակը հասունացել է, բայց նաև Օսիպյանի այդ հրապարակային հայտարարությունները, գրառումներն եմ տեսել, որտեղ ուղիղ բռնության կոչ է արվում Հանրապետության ղեկավարի անձի, այդ թվում նաև ֆիզիկական հաշվեհարդարի տեսքով։ Եվ այդ բռնության կոչի արձագանքն իրավապահներին ես իրավաչափ եմ համարում»։

Հարցազրույցն ամբողջությամբ՝ տեսանյութում։

Ռոբերտ Անանյան

«Ջերմորեն շնորհավորում եմ Նիկոլ Փաշինյանին ընտրություններում տարած հաղթանակի առիթով:

Հայաստանի ժողովուրդը վերահաստատել է իր հանձնառությունը եվրոպական ապագային: Կիպրոսը պատրաստ է էլ ավելի զարգացնել մեր երկկողմ համագործակցությունը և Կիպրոս-Հայաստան հարաբերությունները»:

«Նիկոլ Փաշինյանի վարչապետության պայմաններում Վրաստանի և Հայաստանի հարաբերություններն աննախադեպ բարձր մակարդակի վրա են։ Եվ ես շատ ուրախ եմ, որ այդ հարաբերությունները կշարունակվեն»,- ասել է Կոբախիձեն։

Վրաստանի վարչապետը նշել է, որ շնորհավորել է Փաշինյանին՝ ընդգծելով նրա դերը հայ-վրացական հարաբերություններում։

«Փաշինյանի անձնական դերը Վրաստանի և Հայաստանի միջև հարաբերություններում շատ բարձր է», – նշել է Կոբախիձեն։

«Մեր հանդիպումը տեղի է ունենում միջազգային իրավիճակի կտրուկ վատթարացման ֆոնին։ Առանցքային արտաքին գործոնը, անկասկած, Մերձավոր Արևելքում տեղի ունեցող իրադարձություններն են»,- նշել է Սիսոևը։

Նա ասել է, թե Վաշինգտոնի կողմից աջակցվող Իսրայելի ագրեսիան Պաղեստինի դեմ սրվել է Իրանի դեմ ԱՄՆ-Իսրայել ռազմական արշավի պատճառով՝ «դառնալով վերջին տարիներին ամբողջ միջազգային անվտանգության համակարգի համար ամենալուրջ մարտահրավերը»։

«Էներգակիրների և հանքանյութերի համաշխարհային մատակարարումների արգելափակումը, կարևորագույն ենթակառուցվածքների վրա հարձակումները և հետագա սրման ռիսկը նախադրյալներ են ստեղծում լայնածավալ աղետի համար և կարող են առաջացնել հզոր միգրացիոն հոսքեր, Լիբիայի և Իրաքի նման մարդասիրական ճգնաժամ։ ԱՊՀ բոլոր երկրները, մասնավորապես, Իրանին սահմանակից Ադրբեջանը, Հայաստանը և Թուրքմենստանը, կարող են բախվել դրա հետևանքներին»,- հայտարարել է նա։

Բացի այդ, նաև հիշեցրել է, որ Սիրիան պահպանում է ահաբեկչական ակտիվության ամենախոշոր օջախներից մեկի կարգավիճակը, որտեղ շարունակվում է զինված հակամարտությունը իշխանությունների և ԻԼԻՊ-ի  գլխավորած ահաբեկչական կառույցների միջև։

Թարգմանությունը՝ Էմմա Չոբանյանի

«Այստեղ կարևոր է սպասել վերջնական պաշտոնական արդյունքներին։ Գիտեք, կային շատ անհասկանալի կետեր։ Մենք տեսել ենք  բազմաթիվ հաղորդագրություններ խախտումների մասին։ Հետևաբար, մենք, ամեն դեպքում, նախընտրում ենք սպասել պաշտոնական եզրակացություններին»,- ասել է Պեսկովը։

Թարգմանությունը՝ Էմմա Չոբանյանի

]]> https://factor.am/1028543.html/feed 0 https://factor.am/1028472.html https://factor.am/1028472.html#respond Tue, 09 Jun 2026 10:18:49 +0000 https://factor.am/?p=1028472 Խորվաթիայի վարչապետ Անդրեյ Պլենկովիչը շնորհավորել է վարչապետ Նիկոլ Փաշինյանին Հայաստանում ընտրություններում տարած հաղթանակի առիթով: Նա նշել է.

«Շնորհավորում եմ վարչապետ Նիկոլ Փաշինյանին ընտրություններում հաղթանակի առիթով։

Ես անհամբեր սպասում եմ մեր համագործակցության շարունակմանը և Խորվաթիայի և Հայաստանի միջև հարաբերությունների հետագա ամրապնդմանը։ Խորվաթիան վճռականորեն աջակցում է Հայաստանի բարեփոխումների ջանքերին և Եվրամիության հետ նրա խորացող գործընկերությանը, որը հիմնված է ժողովրդավարության, կայունության և բարգավաճման նկատմամբ մեր համատեղ հանձնառության վրա»։

Նշվում է, որ պաշտոնական որոշում դեռևս չի կայացվել, ժամանակացույցը դեռևս հաստատված չէ, սակայն Փաշինյանը հայտարարել է իր հետաքրքրության մասին, իսկ համաեվրոպական կենտրոնամետ ընտանիքը կարող է հաստատել «Քաղաքացիական պայմանագրի» անդամակցությունն այս տարվա վերջին։

ԵԺԿ-ին միանալու մտադրություն ունեցող այլ կուսակցությունների թվում են Հունգարիայի իշխող «Տիսա»-ն, Դանիայի «Լիբերալ դաշինքը», Չեխիայի «STAN»-ը և Չեռնոգորիայի իշխող «Եվրոպան հիմա» շարժումը (PES), որի առաջնորդ Միլոժկո Սպաջիչը երկուշաբթի մասնակցել է Սարաևոյում կայացած ԵԺԿ ընդլայնման միջոցառմանը։

Հրապարակման մեջ նշվում է, որ Փաշինյանը համոզիչ հաղթանակ է տարել կիրակի անցկացված ընտրություններում, որոնք «ուղեկցվել են Ռուսաստանի միջամտության մեղադրանքներով»։

Հիշեցնենք, որ Հայաստանի հանրապետական կուսակցությունը՝ ՀՀԿ-ն, դեռևս 2012 թվականին անդամակցել է Եվրոպական ժողովրդական կուսակցությանը՝ ստանալով դիտորդ անդամ կուսակցության կարգավիճակ։

Թարգմանությունը՝ Էմմա Չոբանյանի