18.03.2026 | 18:39
Ալիևներն այցով Արցախում են
ՄԱԿ-ի ծովային կազմակերպությունը հատուկ նիստ է անցկացնում Լոնդոնում
Քաղաքականություն
18.03.2026 | 15:51
Լոնդոնում անցկացվում է ՄԱԿ-ի Միջազգային ծովային կազմակերպության (ՄԾԿ) արտահերթ նստաշրջանը։ BBC-ի հաղորդմամբ՝ նիստը տեղի է ունենում այն բանից հետո, երբ կազմակերպության ղեկավար Արսենիո Դոմինգեն հայտարարել է, որ ռազմական ուղեկցումները երկարաժամկետ լուծում չեն Հորմուզի նեղուցի՝ աշխարհի ամենածանրաբեռնված նավթային նավագնացության ջրանցքի բացման համար։
Պարսից ծոցում մնացած հազարավոր նավաստիների համար անհանգստությունը մեծանում է։ Այսօրվա հանդիպումը կկենտրոնանա նրանց անվտանգությունն ապահովելու համար ձեռնարկվող քայլերի վրա։
Իրանի դեմ իսրայելա-ամերիկյան պատերազմի սկսվելուց ի վեր մարտական գործողությունների ընթացքում զոհվել է առնվազն ութ նավաստի: Կազմակերպության ղեկավար Արսենիո Դոմինգեսը հայտարարել է, որ հետագա «կողմնակի վնասների» մտավախություն ունի:
Միջազգային ծովային կազմակերպության կանոնակարգերը պահանջում են, որ նավերը «բավարար և արդյունավետ անձնակազմով հագեցած լինեն», սակայն Պարսից ծոցում գտնվող նավերը մնում են պոտենցիալ թիրախներ։
Այսօրվա հանդիպումը կարող է հանգեցնել իրավիճակի դատապարտման հայտարարության, բայց միայն ռազմական գործողությունների դադարեցումը կարող է իսկապես պաշտպանել ծովում մնացածներին, ասվում է հրապարակման մեջ։
Թարգմանությունը՝ Էմմա Չոբանյանի
