14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Արման Նուռի անհատական մեծ ցուցահանդեսը Վենոզայում
Մշակույթ
14.11.2018 | 21:01
Ֆլորենցիայի բիենալեում առաջին մրցանակ նվաճելուց ուղիղ մեկ տարի անց Արման Նուռը կրկին Իտալիայում էր՝ նվաճելու արդեն Հարավային Իտալիայի պահանջկոտ արվեստասերի սիրտը:
Իտալիայի Բազիլիկատա նահանգի Պալացցո սան Ջերվազիո քաղաքում տեղի է ունեցել Արման Նուռի «Արատտա» հավաքածուին նվիրված դասախոսություն: «Արատտա» հավաքածուն իրենց քաղաքում առաջին անգամ ցուցադրելու համար Պալացցո Սան Ջերվազիո քաղաքի քաղաքապետը Նուռին պարգևատրել է, որով էլ դրվել է Իտալիայում հայկական մշակութային հարթակի առաջին հիմնաքարը:
Այս ամենին նախորդել է մամուլի ասուլիս Պոտենցա քաղաքում, որին ներկա են եղել նաև բարձրաստիճան պաշտոնյաներ` Բազիլիկատա տարածաշրջանի գործող նախագահ Ֆլավիա Ֆլանկոնին և խորհդատու Աուրելիո Պաչեն: Ի խորհուրդ հայ-իտալական մշակութային այս համագործակցության, տարածաշրջանի նախագահը Նուռին հռչակել է Բազիլիկատայի մշակութային դեսպան Հայաստանում:
Այնուհետև տեղի է ունեցել Արման Նուռի ամենախոշոր անհատական ցուցահանդեսի բացումը Վենոզայի Պորտա Չելի միջազգային ցուցասրահում: «Դիագրամ» խորագիրը կրող ցուցադրությունում ներկայացվել են գեղանկար, գրաֆիկա, քանդակ և ոսկերչական զարդեր:
