15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
5 օր հանրապետությունում տեղումներ չենք ունենա. Գագիկ Սուրենյան
Հասարակություն
08.03.2026 | 16:59
Վաղվանից սկսած տեղումները կդադարեն, և հինգ օր մենք հանրապետությունում տեղումներ չենք ունենա։ Այս մասին ֆեյսբուքյան իր էջում հայտնել է «Հիդրոօդերևութաբանության և մոնիթորինգի կենտրոն» ՊՈԱԿ տնօրենի տեղակալ Գագիկ Սուրենյանը։
«Ճիշտ է, օդի ջերմաստիճանի բարձրացում առանձնապես չի կանխատեսվում, բայց ժամանակ առ ժամանակ կունենանք արևի առկայություն»,-նշել է Սուրենյանը։
Ավելի վաղ կենտրոնից հայտնել են, որ մարտի 9-ին, 13-ին առանձին շրջաններում սպասվում են տեղումներ․ լեռնային և նախալեռնային շրջաններում ձյան, հովտային շրջաններում ձնախառն անձրևի և անձրևի տեսքով։ Լեռնային շրջաններում սպասվում է նաև բուք, ցածր հորիզոնական տեսանելիություն։
Մարտի 10-12-ին սպասվում է առանց տեղումների եղանակ։ Քամին`հարավարևմտյան` 2-5 մ/վ, մարտի 9-ին Շիրակի, Արագածոտնի, Արմավիրի և Արարատի մարզերի առանձին հատվածներում սպասվում է քամու ուժգնացում՝ 13-15մ/վ արագությամբ։ Օդի ջերմաստիճանը մարտի 9-10-ին գիշերային ժամերին կնվազի 2-4 աստիճանով։
