26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
«Էժան խաղերից իրենց դուրս դնող» պատգամավորները չկան ՀՀԿ ցուցակում
Քաղաքականություն
14.11.2018 | 19:51
Factor.am-ի հավաստի տեղեկություններով՝ ԱԺ ՀՀԿ խմբակցության պատգամավորներ Արման Սաղաթելյանը, Միհրան Հակոբյանը, Կարեն Բեքարյանն ուՍամվել ֆարմանյանը չեն կլինի Հանրապետականի նախընտրական ցուցակում:
Թե ինչու են նշված պատգամավորները դուրս մնացել ՀՀԿ նախընտրական ցուցակից, Factor.am-ը փորձեց ճշտել նրանցից, սակայն նշված պատգամավորներից որևէ մեկից մեկնաբանություն ստանալ չհաջողվեց:
Ավելի վաղ, այս չորս պատգամավորները հայտարարություն էին տարածել՝ նշելով. «Նիկոլ Փաշինյանը պատռում է բոլորի դիմակները. իրենից սկսած՝ մինչև առաջին պատեհապաշտ հանրապետական… պատեհապաշտության հաղթանակը երբեք երկար չի տևում, միայն արժեզրկման ու բարոյազրկման նոր հիմքեր է ստեղծում… Մի զանգեք մեզ, տարբեր կողմերի պարոնայք… Այս էժան խաղում մենք չկանք… Մենք լուռ կսպասենք: Բայցև, հաստատ ամեն ինչ կանենք իրական նոր Հայաստանի համար»։
Նշենք, որ այսօր ժամը 18:00-ին կլրանա ընտրական ցուցակները Կենտրոնական ընտրական հանձնաժողով ներկայացնելու ժամկետը:
