06.03.2026 | 12:56
ԱՄՆ-ն Հնդկաստանին թույլ է տվել ռուսական նավթ գնել
ԱԺ-ն 2-րդ ընթերցմամբ և ամբողջությամբ ընդունեց զինվորական ծառայության վերաբերյալ օրենքում առաջարկվող փոփոխությունները
Հասարակություն
04.03.2026 | 12:20
ԱԺ-ն 2-րդ ընթերցմամբ և ամբողջությամբ ընդունեց ««Զինվորական ծառայության և զինծառայողի կարգավիճակի մասին» օրենքում փոփոխություններ և լրացում կատարելու մասին» օրենքի նախագիծը։
Դրան կողմ քվեարկեց 68, դեմ՝ 0, ձեռնպահ՝ 17 պատգամավոր։ Այն խորհրդարանում ներկայացրել է պաշտպանության նախարար Սուրեն Պապիկյանը: Նախատեսվում է հստակեցնել զինծառայողների ատեստավորման գործընթացը, պարտադիր զինվորական ծառայությունից պայմանագրային զինվորական ծառայության ընդունված զինծառայողների հետագա պայմանագրային զինվորական ծառայության կազմակերպման հետ կապված հարաբերությունները: «Պաշտպան հայրենյաց» ծրագրով ծառայություն անցնող զինծառայողները ատեստավորված են համարվելու ուսումնական փուլի ավարտին հանձնված քննությունների արդյունքներով։
Իր եզրափակիչ ելույթում Սուրեն Պապիկյանը նշել է, որ այսօր ամենաերաշխավորված մասնագիտությունը զինվորական մասնագիտությունն է և կոչ էր արել երիտասարդներին ու նրանց ծնողներին կողմնորոշվել հօգուտ զինվորական ծառայության և սպայի պատվաբեր դերի ու պաշտոնի:
