03.08.2026 | 20:29
Եվրոպայում 2026 թվականին անտառային հրդեհների վնասը գերազանցել է 3 միլիարդ եվրոն
Կեղծ օգտահաշվով լուր է տարածվում, թե, իբր, ՔՊ-ի անդամների 70%-ը Ֆրանսիայի քաղաքացիություն է ստացել
Քաղաքականություն
27.02.2026 | 16:30
X-ում 100 հազար դիտում է հավաքել մի կեղծ տեսանյութ, որում պնդում կա, թե «Քաղաքացիական պայմանագիր» կուսակցության անդամների 70 տոկոսը Ֆրանսիայի քաղաքացիություն է ստացել ՀՀ խորհրդարանական ընտրություններին ընդառաջ։
Factor TV-ն պարզել է, որ տեսանյութը տարածած օգտահաշվում 13 տարի որևէ այլ թարմացում չի եղել, այն որևէ կապ չունի ո՛չ Հայաստանի, ո՛չ Ֆրանսիայի հետ։ Կասկածելի ակտիվությունը ֆիքսել է նաև X-ը, և օգտահաշվի դիտարկման ժամանակ զգուշացում է հայտնվում կասկածելի ակտիվության մասին։
Ենթադրվում է, որ օգտահաշիվը յուրացրել են ապատեղեկատվությունը տարածելու նպատակով։ Մեկանգամյա այդ գործողությունից բացի, որևէ նոր թարմացում այդ օգտահաշվով չի իրականացվել։
Հրապարակված տեսանյութը ներկայացվում է որպես ֆրանսիական Le Point լրատվամիջոցի հրապարակում, որում մեջբերվում է նաև գերմանացի քաղաքագետ Մաթիաս Քյունթցելի (Matthias Küntzel) «մեկնաբանությունը» հարցի վերաբերյալ։
Սակայն քաղաքագետը Հայաստանի վերաբերյալ որևէ մեկնաբանություն չի տվել լրատվամիջոցին, իսկ Le Point-ի կայքում և էջերում նման տեսանյութ չկա։ Որևէ այլ աղբյուրում նույնպես տեսանյութը կամ դրանում ներկայացված տեղեկությունները հնարավոր չի եղել գտնել։
Գարիկ Հարությունյան
