10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Փաշինյանը և Նավրոցկին քննարկել են հայ-լեհական համագործակցության զարգացումը
Քաղաքականություն
26.02.2026 | 22:07
ՀՀ վարչապետ Նիկոլ Փաշինյանը Լեհաստանի նախագահ Կարոլ Նավրոցկիի հետ հանդիպմանը քննարկել է երկկողմ հարաբերությունների ընդլայնումը՝ կարևորելով ռազմատեխնիկական ոլորտում ստորագրված համաձայնագիրը, ինչպես նաև Լեհաստանի դերը ՀՀ–ԵՄ կապերի խորացման և ժողովրդավարական բարեփոխումների առաջմղման գործում։ Այս մասին տեղեկացնում են Կառավարության մամուլի ծառայությունից։
«Նավրոցկին ողջունել է վարչապետի այցը և կարևորել այսօր Հայաստանի և Լեհաստանի միջև ռազմատեխնիկական ոլորտում ստորագրված համաձայնագիրը: Կարոլ Նավրոցկին համոզմունք է հայտնել, երկու երկրները կշարունակել զարգացնել և ամրապնդել համագործակցությունը բոլոր ոլորտներում:
Վարչապետ Փաշինյանն ընդգծել է Հայաստանի և Լեհաստանի միջև ակտիվ փոխգործակցության կարևորությունը: Վարչապետն ընդգծել է Լեհաստանի դերը ՀՀ-ԵՄ կապերի խորացման, մեր երկրում իրականացվող ժողովրդավարական բարեփոխումների իրականացման ու առաջմղման գործում:
Զրուցակիցները մտքեր են փոխանակել նաև տարածաշրջանային նշանակության այլ հարցերի շուրջ»,- ասվում է հաղորդագրությունում:
