10.10.2026 | 14:28
ԵՄ-ն շնորհավորել է Երևանի 2808-ամյակը
Մեկնարկել է Միլանի և Կորտինա դ’Ամպեցոյի Օլիմպիական խաղերի բացման արարողությունը
06.02.2026 | 23:46
Իտալիայում մեկնարկել է 2026 թվականի ձմեռային Օլիմպիական խաղերի բացման արարողությունը: Արարողության հիմնական մասը տեղի է ունենում Միլանի «Սան Սիրո» մարզադաշտում: Միաժամանակ առանձին միջոցառումներ են անցկացվում Կորտինա դ’ Ամպեցոյում, Պրեդացոյում և Լիվինյոյում։
Արարողության շրջանակներում տեղի կունենա մարզիկների ավանդական շքերթը: Միջազգային օլիմպիական կոմիտեի (ՄՕԿ) որոշմամբ Ռուսաստանի ներկայացուցիչները չեն մասնակցի դրան:
Օլիմպիական խաղերը կշարունակվեն մինչև փետրվարի 22-ը:
Հինգ մարզիկներ Հայաստանը կներկայացնեն ձմեռային օլիմպիադայում: Հայաստանը կներկայացնեն դահուկորդներ Միքայել Միքայելյանն ու Կատյա Գալստյանը, լեռնադահուկորդ Հարություն Հարությունյանը, ինչպես նաև գեղասահքի սպորտային զույգը՝ Կարինա Ակոպովան և Նիկիտա Ռախմանինը:
Խաղերի բացման պաշտոնական արարողության ժամանակ Հայաստանի դրոշակակիրը կլինի Կարինա Ակոպովա-Նիկիտա Ռախմանին սպորտային զույգը: Նրանք նվաճել են գեղասահքի զույգերի առաջին օլիմպիական ուղեգիրը ՀՀ անկախության շրջանում։
Հայաստանի ներկայացուցիչներից առաջինը պայքարի մեջ կմտնեն դահուկավազորդները: Փետրվարի 7-ին դահուկորդ Կատյա Գալստյանը հանդես կգա 20 կմ սկիաթլոն (դասական/ազատ ոճ), փետրվարի 12-ին՝ 10 կմ ինտերվալ (ազատ ոճ) մրցաձևերում: Փետրվարի 8-ին Միքայել Միքայելյանը հանդես կգա 20 կմ սկիաթլոն (դասական/ազատ ոճ), իսկ փետրվարի 13-ին՝ 10 կմ ինտերվալ (ազատ ոճ) մրցաձևերում:
