22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Ռուսաստանը կշարունակի պաշտպանել Լապշինի իրավունքները. ՌԴ ԱԳՆ
Քաղաքականություն
20.07.2017 | 17:32
Ռուսական կողմը կշարունակի պաշտպանել Բաքվում 3 տարվա ազատազրկման դատապարտված ՌԴ քաղաքացի, բլոգեր Ալեքսանդր Լապշինի օրինական իրավունքներն ու շահերը. հայտնում է ria.ru-ն՝ վկայակոչելով ՌԴ ԱԳՆ-ին:
«Համաձայն ԶԼՄ-ների տեղեկատվության՝ այսօր Բաքվի ծանր հանցագործությունների դատարանը ՌԴ քաղաքացի Ալեքսանդր Լապշինին 3 տարվա ազատազրկման է դատապարտել: Ինչպես հայտնի է, նախկինում Լապշինին ներկայացված մեղադրանքները կապված են Լեռնային Ղարաբաղ այցելության հետ»,- նշել են ԱԳՆ-ի վարչությունում:
«Մեր սկզբունքային մոտեցումն այդ գործին արդեն նշվել է. մենք դեմ ենք լրագրողների կամ մասնավոր անձանց կողմից այս կամ այն տարածաշրջանում այս կամ այն տարածք այցելությունների քրեականացմանը»,- հիշեցրել է արտաքին քաղաքականության գերատեսչությունը:
«Կշարունակենք Ռուսաստանի քաղաքացու օրինական իրավունքների և շահերի պաշտպանության աշխատանքները՝ հաշվի առնելով դատարանի վճիռը: Ադրբեջանում Ռուսաստանի դեսպանատան ներկայացուցիչները պահպանում են Լապշինի և նրա փաստաբանի հետ կապերը»,- հավելել են ՌԴ ԱԳՆ-ում:
Հիշեցնենք, որ ՌԴ, Իսրայելի և Ուկրաինայի քաղաքացի հանդիսացող բլոգեր Ալեքսանդր Լապշինը ձերբակալվել է Մինսկում 2016 թվականի դեկտեմբերի 15-ին՝ Ադրբեջանի դիմումի հիամն վրա և արտահանձնվել Բաքու՝ 2017 թվականի փետրվարի 7-ին:
Նշենք նաև, որ ՌԴ նախագահի մամուլի խոսնակ Դմիտրի Պեսկովն ասել էր, որ Ալեքսանդր Լապշինի հնարավոր արտահանձնումը Կրեմլի թեման չէ:
