Մշակույթի նախարարությունը համագործակցության է հրավիրում հուշանվերների արտադրությամբ և վաճառքով զբաղվող կազմակերպություններին

ՀՀ մշակույթի նախարարությունը համագործակցության է հրավիրում հուշանվերների արտադրությամբ և վաճառքով զբաղվող կազմակերպություններին`  նախարարության ենթակայության թանգարաններում և թատերահամերգային կազմակերպություններում

(ցանկը կցվում է) թեմատիկ հուշանվերների վաճառքի հարթակներ ստեղծելու համար:

Մասնակցության հայտը պետք է ներառի.

1. Տվյալներ կազմակերպության վերաբերյալ.

Կազմակերպության անվանումը, կազմակերպաիրավական ձևը, գործունեության հասցեն, վեբ կայքը, կոնտակտային տվյալները (էլ. փոստ, հեռախոսահամար, պատասխանատու անձ):

2. Տեղեկություններ կազմակերպության գործունեության վերաբերյալ.

Գործունեության հիմնական տեսակ(ներ)ը, իրականացվող նույնանման ծրագրերը վերջին հինգ տարվա ընթացքում, հուշանվերների արտադրության և վաճառքի (կամ նույնանման գործունեության) նախկինում ունեցած փորձը։  

3. Ծրագրային առաջարկ (բիզնես նախագիծ).

Դաշտում առկա խնդիրները, դրանց լուծումները, գործնական առաջարկներ մեկ կամ ավելի մշակութային կազմակերպության հետ իրականացվելիք համագործակցության վերաբերյալ, ներառելով`

– վաճառքի կազմակերպման համար առաջարկվող համագործակցության ձևաչափը (տարածքի վարձակալություն, համատեղ արտադրություն կամ այլ),

– վաճառքի կետի կազմակերպման և հուշանվերի (կամ տեսակային խմբի) ձևավորման էսքիզները` հաշվի առնելով տվյալ մշակութային կազմակերպության առանձնահատկությունները,

– գնային քաղաքականության առաջարկ,

– վաճառքի խթանման ծրագիր:      

Խնդրում ենք հայտերն ուղարկել [email protected] հասցեով, մինչև 2017 թ. օգոստոսի 15 – ը: