23.01.2026 | 17:01
Արտակ Բեգլարյանը՝ Արցախից Հայաստան տեղափոխված վերջին հայերի մասին
Քանի QR կոդ է վաճառվել 2025-ին
Տնտեսություն
23.01.2026 | 10:51
2025 թվականին ապրանքների դրոշմավորման նպատակով տնտեսվարողները «Ի-Մարկ» ՍՊ ընկերությունից գնել են 1 մլրդ 301 մլն հատ հսկիչ նշան (QR կոդ)։ 1 QR կոդի գինը 2․5 դրամ է, այսինքն՝ տնտեսվարողները «Ի-Մարկ»-ին վճարել են 3 մլրդ 253 մլն դրամ։
Նկատենք, որ QR-ով դրոշմավորման անցումը փուլային է իրականացվում և ոչ բոլոր ապրանքների համար է այն պարտադիր։ Շատ տնտեսվարողներ, որոնք մինչ QR-ի ներդնումն ունեցել են թղթային դրոշմապիտակներ, իրավունք են ունեցել նախ սպառել դրանք, ապա նոր միայն անցնել QR-ի։
Թղթային դրոշմապիտակներից QR կոդերի անցնելու ծրագրի առաջին փուլը Հայաստանում սկսվել է 2024 թվականին՝ ներառելով ծխախոտը, ալկոհոլային խմիչքները, ջուրը։ 2025-ի փետրվարին ՀՀ կառավարությունը հաստատել է QR կոդերով դրոշմավորման ենթակա 74 անուն ապրանքների ցանկը, ժամկետները և դրոշմավորման կանոնները: 2026թ. հունվարի 1-ից նույնականացման միջոցներով դրոշմավորման ենթակա ապրանքների ցանկն ընդլայնվում է՝ պարտադիր դառնալով կաթնամթերքի, մսամթերքի, նավթավերամշակման արտադրանքի, դեղերի, վիտամինների, խնամքի միջոցների և մի շարք այլ ապրանքների համար։ Դրան զուգահեռ ավելանալու է վաճառվող QR կոդերի քանակը։
Հիշեցնենք, որ ՀՀ գլխավոր դատախազությունը շարունակում է «Ի-Մարկ» ՍՊԸ-ի՝ դրոշմավորման ազգային օպերատոր ընտրվելու հանգամանքների հետ կապված քրեական գործի ուսումնասիրությունը։
Գայանե Խաչատրյան
