20.05.2026 | 11:03
«Ուժեղ Հայաստանի» թեկնածուն կազմակերպել է ընտրողների բնակարանների վարձավճարները վճարելու գործընթացը․ 4 անձ կալանավորվել է․ ՀԿԿ
Պենզայի նավթաբազայում հրդեհ է բռնկվել ուկրաինական ԱԹՍ-ների հարձակումից հետո. ՏԵՍԱՆՅՈՒԹ
Քաղաքականություն
23.01.2026 | 12:10
Ուկրաինական անօդաչու թռչող սարքերը հունվարի լույս 23-ի գիշերը հարձակվել են Պենզայի վրա, հայտնել է մարզի նահանգապետ Օլեգ Մելնիչենկոն, փոխանցում է Meduza-ն։
Նրա խոսքով՝ ՀՕՊ համակարգը խոցել է չորս անօդաչու թռչող սարք։ ԱԹՍ-ներից մեկի բեկորներն ընկել են նավթաբազայի տարածքում՝ հրդեհ առաջացնելով։ Նահանգապետը հայտնել է, որ զոհեր կամ վիրավորներ չկան։
Ուկրաինական Exilenova+ տելեգրամ ալիքը տեսանյութ է հրապարակել, որում, ըստ ուկրաինական լրատվամիջոցների, երևում է Պենզայի նավթամբարում բռնկված հրդեհը։
Ռուսաստանի պաշտպանության նախարարությունը հայտնել է, որ գիշերը ոչնչացվել է ուկրաինական 12 անօդաչու թռչող սարք։ Նախարարության հաղորդագրության մեջ նշվում է, որ Պենզայի մարզի վրա խփվել է մեկ անօդաչու։
Թարգմանությունը՝ Էմմա Չոբանյանի
