Անթալիայում ընթացող թենիսի ITF-ի W35 մրցաշարում Հայաստանի ներկայացուցիչ Անի Ամիրաղյանը դուրս է եկել հիմնական փուլ։
Որակավորման փուլում հայ թենիսիստուհին 6։3, 6։1 հաշվով հաղթել է սլովակ Տիմեո Գրոսսին, այնուհետև 6։2, 6։0 հաշվով առավելության հասել թուրք Սեմրա Ակսուի նկատմամբ, հաղորդում է ՀԹՖ մամուլի ծառայությունը։
Զուգախաղի մեկնարկում Անի Ամիրաղյանը ռուսաստանցի Աննա Կարցևայի հետ 6։3, 6։2 հաշվով հաղթել է Թուրքիայի ներկայացուցիչներին ու դուրս եկել քառորդ եզրափակիչ։
Հայաստանի մյուս ներկայացուցիչ Մարիա Ազիզյանը որակավորման փուլում 6։2, 6։2 հաշվով պարտության է մատնել ռումինացի մրցակցին, իսկ հիմնական փուլ մտնելու համար վճռորոշ մրցախաղում 1։6, 6։7 հաշվով պարտվել է մրցաշարի ուժեղագույն թենիսիստներից մեկին՝ Աննա Կարցևային։
