10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ինչ նվեր էր բերել Շառա Բուլետը Արման Ծառուկյանին․ ՏԵՍԱՆՅՈՒԹ
29.12.2025 | 15:40
Երևանում կայացել է Hype Fighting լիգայի հերթական մրցաշարին նվիրված ասուլիսն ու հայացքների մենամարտերը։
UFC-ի մարտիկ Շառա Բուլետը (Շարաբուտդին Մագոմեդով) միջոցառման ընթացքում նվեր է հանձնել իր մրցակից Արման Ծառուկյանին։ Դա UFC-ի չեմպիոնական գոտի էր՝ պատրաստված կտորից։
UFC-ի թեթև քաշային կարգի դասակարգման առաջատար Արման Ծառուկյանը և ռուսաստանցի Շառա Բուլետը կհանդիպեն դեկտեմբերի 30-ին Երևանի Կարեն Դեմիրճյանի անվան Մարզահամերգային համալիրում կայանալիք մրցաշարում։ Մարտիկները կմրցեն գրեփլինգի կանոններով՝ 84 կգ քաշային կարգում։
UFC-ում Շառա Բուլետը հանդես է գալիս միջին քաշային կարգում և 14-րդն է դասակարգման աղյուսակում։ 31-ամյա Բուլետը խառը մենամարտերում ունի 16 հաղթանակ ու 1 պարտություն։
29-ամյա Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։ Հայ մարտիկը հաճախ է անցկացնում գրեփլինգի մենամարտեր, նախորդը տեղի է ունեցել դեկտեմբերի 17-ին Մոսկվայում։ Գրեփլինգի կանոններով մարտիկներին չի թույլատրվում հարվածել իրար։
