02.04.2026 | 11:36
Այո՛, խոսել եմ Փաշինյանի հետ. Շահրամանյանն արձագանքում է վարչապետի մեղադրանքներին․ ՏԵՍԱՆՅՈՒԹ
Globe Soccer Awards․ Տարվա լավագույն ֆուտբոլիստը, մարզիչը և ակումբը
29.12.2025 | 11:40
Դուբայում կայացել է Globe Soccer Awards ամենամյա մրցանակաբաշխությունը։
2025 թ. լավագույն ֆուտբոլիստի մրցանակը ստացել է ՊՍԺ-ի և Ֆրանսիայի հավաքականի հարձակվող Ուսման Դեմբելեն, իսկ լավագույն մարզիչ է ճանաչվել փարիզյան ակումբը գլխավորող Լուիս Էնրիկեն։ Էնրիկեն ու Դեմբելեն այս տարի լավագույնն էին ճանաչվել նաև ՖԻՖԱ-ի վարկածով ու «Ոսկե գնդակի» մրցանակաբաշխության ժամանակ։
Տարվա լավագույն թիմի մրցանակին արժանացել է ՊՍԺ-ն, որն այս տարի նվաճել է 6 տիտղոս՝ դառնալով Ֆրանսիայի չեմպիոն, գավաթակիր, սուպերգավաթակիր, Չեմպիոնների լիգայի ու Միջմայրցամաքային գավաթի հաղթող և ՈՒԵՖԱ-ի սուպերգավաթակիր։
Տարվա լավագույն ակումբի մրցանակին հավակնում էին նաև Իսպանիայի չեմպիոն կատալոնական «Բարսելոնան», աշխարհի ակումբային առաջնության հաղթող Լոնդոնի «Չելսին», Լիբերտադորեսի գավաթակիր բրազիլական «Ֆլամենգոն» և Անգլիայի չեմպիոն «Լիվերպուլը»։
Սաուդյան «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն երրորդ տարին անընդմեջ արժանացել է Մերձավոր Արևելքի լավագույն ֆուտբոլիստի կոչմանը։
