10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Ուկրաինական ԱԹՍ-ները գրոհել են ՌԴ Տուլայի մարզը. հարված է հասցվել սինթետիկ կաուչուկի գործարանին. ՏԵՍԱՆՅՈՒԹ
Քաղաքականություն
24.12.2025 | 14:00
Տուլայի մարզի նահանգապետ Դմիտրի Միլյաևը հայտնել է դեկտեմբերի լույս 24-ի գիշերը անօդաչու թռչող սարքի հարձակումից հետո տարածաշրջանի ձեռնարկություններից մեկում հրդեհի մասին, գրում է Current time-ը։
Նրա խոսքով՝ կրակը տեղայնացվել է, ոչ ոք չի տուժել։ Անօդաչու թռչող սարքի բեկորները նաև վնասել են Մեծ Տուլայում մասնավոր տան ճակատային մասը և պատուհանները։
Միլյաևը չի մանրամասնել, թե որ ձեռնարկությունն է հարձակման ենթարկվել անօդաչու թռչող սարքերով: Ուկրաինական Exilenova+ և Supernova+ տելեգրամ ալիքները, սակայն, հաղորդում են, որ խոսքը Եֆրեմովի սինթետիկ կաուչուկի գործարանի մասին է: Astra-ն տեղորոշել է տեղի բնակիչների կողմից նկարահանված կադրերը և եզրակացրել, որ հրդեհն իսկապես տեղի է ունեցել գործարանի մոտակայքում:
Ռուսաստանի պաշտպանության նախարարությունը հայտնել է դեկտեմբերի լույս 24-ի գիշերը 172 անօդաչու թռչող սարքի խոցման մասին, որոնցից 110-ը՝ Բրյանսկի մարզի վրա, 20-ը՝ Բելգորոդի, 14-ը՝ Կալուգայի և 12-ը՝ Տուլայի մարզի
Թարգմանությունը՝ Էմմա Չոբանյանի
